Kulumbaisha 124:7 - Baibo Busansulushi Bwa Libuku Ili

⁷ Twakasupuka mbuli kayuni mubukuka bwa shikuteya. Bukuka bwakasutuka, swebo twakaanguluka.

Kulumbaisha 124:7 Marejeleo ya Msalaba

Kulumbaisha 91:3

Ulaakumufuna kuswa kushintu shiyoosha shishisitwe. Ncakwiila ulaakumufuna akumyaalu icaya.

Tushimpi 6:5

Supuka bweenka busupuka nsefu mumwaando wa mupalu nabi mbuli muyuni mbwaaswa mukoose ka shikuteya.

2 Timoti 2:26

Mpeeke maano abo alaakuboolaamo akusupuka mukoose ka Mubiibi uyo wakabacatisha akubalengesha kunoocita kweelana akuyanda kwakwe.

Kulumbaisha 25:15

Lyoonse meenso angu alalangila lucafwo kuswa kuMwaami Lesa, mukwiinga lakwebo eenka ngookonsha kuŋangulula mutoose tuncite.

1 Samwelo 25:29

Nakubi kwaamba ayi kuli utoosa cimukonkela ayi amucaaye, buumi bwanu bulaakulamwa kabotu aMwaami Lesa bweenka muntu mbwaalama cintu camakwebo. Sombi buumi bwa balwani banu ulaakubuwaala kulaale mbweeke buwaalwa libwe kucipaya cakuwaalisha mabwe.

Jelemiya 18:22

Mibila ainyumfwike mumaandaabo mwaakubatumina beshikubalwana cakuteengashila, mukwiinga balo bankabila cilindi ayi ngwiteemo. akuteya toose ayi bancatishe kumyeendo.

Jelemiya 5:26

“Pakati ka bantu bangu mpobali bamucita shibi abo bayubilila babyaabo mbuli bantu beshikuteya tuyuni. Sombi balo toose twabo ntwakucatishamo bantu.

2 Samwelo 17:2

Inga ndaya ndamulwana paciindi ndyaalefukite. Mpomunyaawo inga waloonda abalo bashilumamba bakwe inga bacica. Lyalo inga ndacayabo Defedi

1 Samwelo 23:28

Mpomunyaawo Saulo wakacileka kutandaanya Defedi akupiluluka ayi akalwaane bene Filisiti. Nceceeco musena uyo ncebawiitila ayi Sela Amaalekoti nkokwaamba ayi Kalundu kakupansaanishikwa.

Kulumbaisha 129:4

Sombi Mwaami Lesa uliluleme. Waŋangulula kuswa muntambo sha bamucita shibi.”