Kulumbaisha 122:9 - Baibo Busansulushi Bwa Libuku Ili

⁹ Ceebo ca Ŋanda ya Mwaami Lesa, Lesa wesu, ndaakukupailila ayi uswitilile.

Kulumbaisha 122:9 Marejeleo ya Msalaba

1 Makani 29:3

Ono kwiilika pashintu shoonse nshindaamba, ndabenga silifa agolodi kuswa pabuboni bwangu mukwiinga walusuno ndooncite paŊanda yakwe Lesa, Lesa wangu.

Neyemiya 13:14

NobaLesa bangu, kamunjibaluka pashintu shoonse nshendakacitila Ŋanda yanu akulambila kwakalinga kuba kooko.

Neyemiya 2:10

Ono Sanibalati mwine Beti Oloni alimwi aTobiya wacinenenene mucishi ca Amoni ndibakanyumfwa kwaamba ayi kwesa muntu mukusumpula buumi bwa bene Isilaeli, bakakalala abuumbi.

Esita 10:3

Modekayi muJuda wakapekwa cuuna cabili kumwaami Sakisesi. BaJudanyina bakamusuna akumulemeka ceebo wakalinga kubacitila shibotu akuletela bamulunyungu lwakwe boonse luumuno.

Kulumbaisha 26:8

NoBaami baLesa, Ŋanda njemukalaamo ndiisuni, nkokwaamba ayi musena uyo mucanika bulemu bwanu.

Kulumbaisha 69:9

Lusuno lwangu lwa ŋanda yanu nobaLesa, lulancata kumoyo. Matushi bantu ngobakamutukana oonse aboolela pali ndime.

Kulumbaisha 84:10

Kwikala bushiku bomwi muŊanda yanu, kuleenda kwikala kumwi nshiku shili cuulu. Inga cambotela kuba shikulindilila mulyango wa Ŋanda yanu, kwiinda kwikala mumaanda a bamucita shibi.

Joni 2:17

Lyalo bashikwiiya bakeebaluka Malembo akwe Lesa aamba ayi, “Lusuno lwangu lwa ŋanda yanu nobaLesa, lulancata kumoyo.”