Kulumbaisha 122:4 - Baibo Busansulushi Bwa Libuku Ili

⁴ Uko nkokooko mikowa yoonse nkoiya, ee, mikowa ya Mwaami Lesa. Ilaya mukulumba Mwaami Lesa kweelana amulasho wakapekwa bene Isilaeli.

Kulumbaisha 122:4 Marejeleo ya Msalaba

Kulumbaisha 100:4

Amwinjile mumilyango ya kuŊanda yakwe cakumulumba. Amwinjile mulubansa lwa Ŋanda yakwe cakumulumbaisha, Amumuluumbe akulumbaisha liina lyakwe.

Kulumbaisha 118:19

Amuncalwite mulyango wa kuŊanda yanu, ndaakwinjila akulumba Mwaami Lesa.

Kulumbaisha 132:13

Mwaami Lesa wakasala Siyoni, kwaamba ayi ŋanda yakwe ibe mumo.

Kulumbaisha 78:68

Sombi wakasala mukowa wa bene Juda, alimwi wakasala Kalundu ka Siyoni ako nkaakalinga kusuni.

Kulumbaisha 81:6

“Ndime ndamutula mikuli kuswa pashifushi shanu. Maansaanu ndakaakusha kumitaanga ya ncelwa.

Kulonga 16:34

Kweelana aMwaami Lesa mbwaakaambila Mose, Aloni wakabika kangomo ka mana ako kunembo lya Libokoshi lya Cipangano kwaamba ayi kalamwe.

Kulonga 23:17

Myaaka yoonse, paciindi cakusekelela mankanda otatwe oonse, basankwa boonse balyeelete kwisa mukunambila neMwaami Lesa, Lesa wanu.

Kulonga 32:15

Mose wakaseluka pakalundu akuboolela, kaacite mabwe obilo apampamene apo pakalinga kulembetwe milawo kumbasu shoonse shobilo.

Dutolonomi 12:11

Mpomunyaawo Mwaami Lesa ulaakusala musena womwi uko nkweshi mukanoomulambilila, alimwi nkomunya uko nkomweelete kunoomuletela shintu shoonse nshendamulwiita. Nkokwaamba ayi milambu yakutenta amilambu imwibo, pantu pomwi acalikumi alimwi ashipo shimwi nshemushomesha cakulumbila kupa Mwaami Lesa.

Dutolonomi 12:5

Pakati ka shipansha sha shishi mweshi mukanooli mikowa yanu yoonse, Mwaami Lesa ulaakusala musena womwi, uko bantu nkweshi bakanoosa mukumulambilila.

Dutolonomi 16:16

“Anu basankwa boonse mumushobo wanu balyeelete kwisa kumusena womwi wakulambililaako mukulambila Mwaami Lesa, Lesa wanu mankanda otatwe mumwaaka. Nkokwaamba ayi ciindi cakusekelela bushiku bwa Pasika bwakwiibaluka kusotokela, pakusekelela kwaKutebula alimwi apakusekelela kwa Shimpaka. Umwi aumwi ulyeelete kuleta cipo