Kulumbaisha 12:7 - Baibo Busansulushi Bwa Libuku Ili

⁷ Ncakwiila nobaami baLesa amucite bweenka ubo. Amutufuune lyoonse alyoonse kubantu bamushobo uyu.

Kulumbaisha 12:7 Marejeleo ya Msalaba

1 Samwelo 2:9

“Lesa ulalama buumi bwa bantu bakwe bashomeka, sombi beshishibiibi balalobela mumunshinshe, ee, muntu taakomi kwiinda munkusu shakwe mwiine.

1 Pita 1:5

Lesa kwiinda munkusu shakwe, ulamulama kabotu ceebo ca lushomo ndomucite kwaamba ayi mukatambule lupulusho ulo ndweshi akayubulule kumeelelesho aciindi.

Kulumbaisha 145:20

Mwaami Lesa ulatabilila boonse abo bamusuni, sombi bamucita shibi boonse ulaakubanyonyoola.

Kulumbaisha 121:8

Mwaami Lesa ngweshi akakulaame koonse nkweshi ukaye kuswa sunu kushikila muyayaya.

Kulumbaisha 37:40

Mwaami Lesa ulabacafwa akubafuna. Ulabafuna kuswa kubamucita shibi akubapulusha mukwiinga balayuba muli nguwe.

Mateyo 3:7

Ono Joni ndyaakabona baFalisi abaSaduki baanji kabesa kuli nguwe mukubombekwa, wakabaambila ayi, “Nobana ba nsoka mwebo! Ngani wamucenjesha kuloonda bukali bwakwe Lesa butoosa?

Isaya 27:3

Nebo neMwaami Lesa ndaulama, muunda uyo lyoonse ndautilila. Ndaulindilila mashiku amalumwi kwaamba ayi kubule weenga waunyonyoola.

Kulumbaisha 37:28

Mukwiinga Mwaami Lesa ulisuni koombolosha cakutanyengelela, alimwi taalekeleshi bantu bakwe bashomeka. Nkokwaamba ayi lyoonse ulabafuna, sombi bamulunyungu lwa bamucita shibi balaakutandwaamo.

Kulumbaisha 16:1

Amumfuune nobaLesa, muli ndimwe moonjubila.

Kulumbaisha 10:18

Ncakwiila muleemikanina bana banshiwa abaabo balyatililwa, kwaamba ayi muntubo uli mbuli bamwi boonse, acileeke kulengesha babye boowa.

Dutolonomi 33:3

Mwaami Lesa ulisuni bantu bakwe akunoobalama mukwiinga mbaakwe. Paceebo ceeci soonse tulafukama muliimfwa lyakwe akutambula milasho yakwe,

Judi 1:1

Ndime Judi musebenshi wakwe Jesu Klistu alimwi mukwabo Jemusi. Ntoolembela ndimwe nomwakeetwa akusunikwa aLesa Ishiwesu alimwi nomulamwa aJesu Klistu.

Kulumbaisha 18:31

Mwaami Lesa eenkabo ngoLesa. Taaku shikufuna umwi kulekabo nguwe.

Kulumbaisha 19:9

Kuloonda Mwaami Lesa nkubotu, kulanoolikobo kushikila muyayaya. Koombolosha kwa Mwaami Lesa kuliluleme, mukwiinga lyoonse teshi kwakunyengelela.

Kulumbaisha 119:140

Kushomesha kwanu nkwalushinisho, alimwi ncenkusunini nemusebenshi wanu.