Kulumbaisha 12:2 - Baibo Busansulushi Bwa Libuku Ili

² Womwi awomwi ulabeca shikamukobonyina. Balalumbaisha cakubeca akwaamba camyoyo yobilo.

Kulumbaisha 12:2 Marejeleo ya Msalaba

1 Makani 12:33

Bene Sebuluni bakalinga 50,000. Boonse bakalinga kushomeka alimwi balibambite kulwana abo bakeeishikwa kusebensesha shakulwanisha sha mishobo yoonse.

Kulumbaisha 10:7

Mumilomo yabo muliswitebo mashingo, bubeshi alimwi akukonga. Ee, kupilinganya abubi shilaswa mumilomo yabo.

Kulumbaisha 116:11

Ndakalinga kushoma nabibo ndindakanyumfwa boowa akwaamba ayi, “Taaku muntu nabi womwi weenga washomeka.”

Kulumbaisha 144:11

Amumfuune kuswa munkusu sha baswamashi ayi mpuluke, bantu abo baamba shakubeca akushomesha cakutashinisha.

Kulumbaisha 144:8

bantu abo baamba shakubeca akushomesha cakutashinisha.

Kulumbaisha 28:3

Mutantoleleli kulufu kuntu komwi abamucita shibi, bantu abo bacita shintu shitaluleme. Bantu abo balaamba cabushicibusa, sombi mumyoyo yabo muli lupato.

Kulumbaisha 38:12

Bantu abo bayandoola buumi bwangu balanteya toose. Abo bakonsha kuncisa balapangana shakunyonyoola. Ncakwiila lilaya mukwipila mbeshi kuyeeyabo shabubeshi.

Kulumbaisha 41:6

Abalo abo besa mukumbona tabashomeki, balo baliimfwibo pakunyumfwa makani abiibi pali ndime ayi baapukishe.

Kulumbaisha 5:9

Isho shaamba balwani bangu tashishomwa, mukwiinga balisunibo kunyonyoola. Maswi abo ngabotu alimwi ngabushicibusa, sombi muli kweena kwabucayi.

Kulumbaisha 55:21

Maswi akwe akalinga kukondelesha kwiinda bwaanda, sombi moyo wakalinga kushimbite kulupato. Maswi akwe akalinga kubombya anga ngamafuta a olifi, sombi alayasa anga njimipeeni ikolete abuumbi.

Kulumbaisha 59:12

Abacatwe mukulisumpula kwabo ceebo ca shibiibi shiswa mumilomo yabo, ee, maswi abiibi ayo ngobeshi kwaamba. Ceebo ca mashingo ngobaamba akubeca kwabo

Kulumbaisha 62:4

Ncemupingitebo nkumukusha mubulemu bwakwe. Mulasangalala abuumbi mumakani abubeshi. Mulapa coolwe amilomo yanu, sombi mumyoyo yanu kamushingana.

Tushimpi 20:19

Mufuyishi taakoonshi kukalika makani abushishi, aboobo amutalamuke muntu shikubwekabweka.

Tushimpi 20:6

Baanji bantu balalyaamba kushomeka, ono ngani weenga wacana ushomeka calushinisho?

Tushimpi 29:5

Uyo utondesha mubye lusuno lwakubeca ulaliteya koose mwiine.

Jelemiya 7:28

Aboobo baambile ayi, ‘Uyu ngomushobo utanyumfwili Mwaami Lesa, Lesa wa nguwo alimwi ukaka kululikwa. Kushomeka kwaloba. Takunyumfwikiiwo nabibo paniini.’

Jelemiya 9:8

Milaka yabo ilacayabo anga ngumufwi, ncakwiila ilaambabo shakubeca. Womwi awomwi ulabandika kabotu kumubye, sombi mumoyo utooteya koose kuli nguwe.

Esekelo 12:24

“Lyalo pabene Isilaeli teshi pakabeewo tubili shili anga nshiloto shabubeshi ashabulaluki shakucenjeeka pabene Isilaeli.

Mika 7:2

Bantu baluleme bamana mucishi cesu, taaku nabi womwi ululeme uciliimo. Uli woonse utoofwima kucaya muntunyina. Ncakwiila womwi awomwi ulisuni kucatisha mubye mubukonde.

Bene Loma 16:18

Ceebo bantu bacita shintu sha mushobo wooyo tabasebenseli Klistu Mwaami wesu, sombi sheesho shiyanda mibili yabo beene. Kwiinda mumaswi abotu ngobaamba abubeshi balacenjeeka bantu batana kuyuma mulushomo.

1 Bene Tesalonika 2:5

Mulishi kabotu ayi tatukwe kwisa kuli ndimwe amaswi akumukondeleshabo, nabi kwaamba ayi tucane mpindu kuswa kuli ndimwe. Lesa ulishi kabotu anshetwakacita.

Jemusi 1:8

Ceebo ulicite myoyo yobilo alimwi ngushikwaaloka mushintu shoonse nshaacita.