Kulumbaisha 119:2 - Baibo Busansulushi Bwa Libuku Ili

² Balicite coolwe abo bakonkela kwiisha kwa Mwaami Lesa, abo bamunyumfwila amyoyo yabo yoonse.

Kulumbaisha 119:2 Marejeleo ya Msalaba

1 Baami 2:3

Kocita cakulwiita Mwaami Lesa wako. Kokonkela nshila shakwe, milawo amilasho yakwe mbuli mboshilembetwe muMilawo yakwe Mose. Ucite boobo kwaamba ayi kuli koonse kweshi ukaye ukaswitilile mushintu shoonse nshoocita.

1 Makani 22:19

Ono bulya amusebensele Mwaami Lesa, Lesa wanu amyoyo yanu yoonse alimwi abuumi bwanu boonse. Amutalike kuyaka Ŋanda yakwe Lesa kwaamba ayi mukabikemo Libokoshi lya Cipangano ashimwi shintu shisalalite isho shakusebensesha pakumulambila.”

2 Makani 31:21

Wakaswitilila mukwiinga shoonse nshaakacita paŊanda yakwe Lesa nabi pashakukonkela Milawo, wakashicita cakushomeka kuli Lesa alimwi camoyo woonse.

Kulumbaisha 105:45

Wakacita boobo kwaamba ayi bakonkele milasho yakwe, alimwi akulama milawo yakwe yoonse. Amulumbaishe Mwaami Lesa!

Kulumbaisha 119:10

Ndeelesha kumusebensela amoyo wangu woonse. Mutandeeki ayi nswe kumilawo yanu.

Kulumbaisha 119:101

Nsheendi munshila shibiibi kwaamba ayi nkonkele kabotu maswi anu.

Kulumbaisha 119:115

Amuntalamuke mwebo nobamucita shibi kwaamba ayi nkonkele milawo yakwe Lesa wangu.

Kulumbaisha 119:146

Ndoolobesha kuli ndimwe, amumfuune kwaamba ayi nkonkele kwiisha kwanu.

Kulumbaisha 119:17

Amuncitile shibotu nemusebenshi wanu, kwaamba ayi kaanceendela buumi akukonkela maswi anu.

Kulumbaisha 119:22

Amuŋangulule kumucobwe wabo amunyansho ceebo ndakonkela kwiisha kwanu.

Kulumbaisha 119:33

Nobaami baLesa, amunjiishe mboonjelete kukonkela milasho yanu. Ncakwiila ndyeshi nkeelaame kushikila kumamanino.

Kulumbaisha 119:34

Amumpe maano kwaamba ayi ndame milawo yanu, ee, kwaamba ayi nkeekonkele amoyo wangu woonse.

Kulumbaisha 119:57

NoBaami baLesa ndimwe mumpa shiyandika shoonse mubuumi bwangu. Ndashomesha ayi ndaakunookonkela maswi anu.

Kulumbaisha 119:69

Nakubi kwaamba ayi bantu balisumpula balambekesha, nebo ndakonkela milasho yanu amoyo wangu woonse.

Kulumbaisha 119:88

Amulame buumi bwangu kweelana alusuno lwanu lutamaani kwaamba ayi nkonkele kwiisha kwanu.

Kulumbaisha 25:10

Nshila sha Mwaami Lesa nsha lusuno alimwi nsha kushomeka. Ncakwiila ulashomeka kubaabo bakonkela cipangano amilasho yakwe.

Tushimpi 23:26

Kutikisha nsheeŋamba omwanaangu alimwi ukonkele citondesho ca buumi bwangu.

Jelemiya 29:13

Mulaakunyandoola akuncana ceebo mulaakunyandoola camoyo woonse.

Esekelo 36:27

Ndaakubika Mushimu wangu muli ndimwe akumulengesha kukonkela milasho yangu alimwi akunyumfwila milawo yangu cakushomeka.

Joni 14:23

Jesu wakakumbula ayi, “Uyo unsuni ulakonkela kwiisha kwangu alimwi baTa balaakumusuna. Lyalo nebo abaTa tulaakwisa kuli nguwe akwikala anguwe.

Dutolonomi 4:29

Ono uko mulaakunoolangoola Mwaami Lesa, Lesa wanu, lyalo na mukanoomulangoola amoyo woonse alimwi abuumi bwanu boonse, mulaakumucana.

Dutolonomi 6:17

Mulyeelete kushinisha kwaamba ayi mulaakunookonkela milawo amilasho yoonse njaamupa.

Dutolonomi 6:5

Suna Mwaami Lesa, Lesa wako amoyo wako woonse, abuumi bwako boonse alimwi ankusu shako shoonse.

1 Joni 3:20

Na myoyo yesu yatushinina, tuleshiba ayi lushibo lwakwe Lesa ndunene kwiinda lwa myoyo yesu alimwi ayi lakwe ulishi shintu shoonse.