Kulumbaisha 118:27 - Baibo Busansulushi Bwa Libuku Ili

²⁷ Mwaami Lesa ncakwiila nguLesa, ulatucitila shibotu. Amutalike kusekelela kamucite amalala mumaansa, tibili muye mukashiike akucipaililo.

Kulumbaisha 118:27 Marejeleo ya Msalaba

1 Baami 18:21

Elija wakaya kubantu akwaamba ayi, “Ino mutootola ciindi cilaamfu buyani kwaamba ayi musale ca maano? Na Mwaami Lesa ngoLesa walushinisho, kamumulambila, sombi na Baali ngoLesa kamumulambila!” Bantu boonse taakuuwo ncebakaamba.

1 Baami 18:39

Bantu ndibakabona shoonse ishi, bakaliwaala panshi akwaamba ayi, “Mwaami Lesa ngoLesa! Mwaami Lesa ngoLesa!”

1 Makani 29:21

Bushiku bwakaboolaawo bantu bakabenga milambu imwi pantu pomwi amilambu yakutenta kuMwaami Lesa. Bakabenga bacende bali cuulu, mbelele shisankwa shili cuulu atwana twa mbelele tuli cuulu, pantu pomwi ashipo sha cakunwa. Bushiku ubo kwabengwa milambu iinji ceebo ca bene Isilaeli boonse.

Esita 8:16

Anu kubaJuda ici cakaba nciindi cakusangalala akukondwa, kusekelela alimwi akulemekwa.

Kulumbaisha 18:28

Mwebo noBaami baLesa ndimwe munyasha mumuni wa buumi bwangu, mulapalanganya munshinshe kunembo lyangu.

Kulumbaisha 37:6

Ncakwiila ulaakulengesha bululami bwako kuboneka patuba, bulaakubonekesha bweenka mbuli lisuba mbolibala.

Kulonga 27:2

Peculu lya makonko one oonse, ulyeelete kupangilamo shintu shili anga ngameeca. Shilyeelete kunoocatenebo acipaililo, alimwi coonsebo ukacinanike bulonse.

Kulonga 38:2

Peculu lya makonko one oonse, wakapangilamo shintu shili anga ngameeca kwaamba ayi shibebo cintu comwi acipaililo. Coonse wakacinanika bulonse.

Isaya 60:1

Buka webo Jelusalemu ubale anga ndisuba. Ceebo bulemu bwa Mwaami Lesa buli pali ndiwe!

Isaya 9:2

Bantu bakalinga kweenda mumunshinshe, babona mumuni unene. Ee, abo bali mumunshinshe ushiya mbi uyoosha, mumuni wabamunikila.

Mika 7:9

Ceebo cakwaamba ayi twakabishisha Mwaami Lesa, tulyeelete kunyumfwa bukali bwakwe paciindi cino. Sombi ulaakwisa mukutufuna akutucitila ciluleme mushintu nshetwakabishilwa. Lyalo ulaakutuboosha mumumuni. Ncakwiila lupulusho lwakwe tulaakulubona ameenso esu.

Malaki 4:2

Sombi mwebo nomunyumfwila ndime, bululami bwangu bulaakuboneka pali ndimwe bweenka buswa lisuba akumushilika kwiinda mukubala kwa ndilyo. Mpeeke mulaakwaanguluka akutambala anga mboombe bacalwitwa mucimpati cabo.

Joni 8:12

Jesu wakaambila baFalisi alimwi ayi, “Ndi mumuni umunikila bantu boonse. Uyo woonse unkonkela teshi akeende mumunshinshe napaceyi, sombi ulaakuba amumuni upa buumi.”

Bene Ebulu 13:15

Paceebo ceeco kwiinda muli Jesu, atulumbaishe Lesa lyoonse kwaamba ayi kube mulambu wesu, nditulyaambilila ayi nguMwaami wesu.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.