Kulumbaisha 118:15 - Baibo Busansulushi Bwa Libuku Ili

¹⁵ Ono amunyumfwe ciyobeyobe cakusangalala mumisumba ya baluleme. Batokwiimba nyimbo shakusangalala mukwiinga bakoma. Batokwaamba ayi, “Nkusu sha Mwaami Lesa shiindaawo shacita shintu shikankamika!

Kulumbaisha 118:15 Marejeleo ya Msalaba

Kulumbaisha 111:2

Milimo ya Mwaami Lesa njinene abuumbi, ilayeeyekwa abantu boonse abo basangalala muli njiyo.

Kulumbaisha 119:111

Milasho yanu mbobuboni bwangu bwamuyayaya. Ncakwiila mooncana kusangalala kwa moyo wangu.

Kulumbaisha 119:54

Milasho yanu yaba nshenyimbo shangu, nshenyimbo shangu koonse kweenga kaambete.

Kulumbaisha 32:11

Amusangalale mwebo nomululeme, ceebo ca shintu shamucitila Mwaami Lesa. Amwiimbishe cakusangalala mwebo nomucita shiluleme.

Kulumbaisha 44:3

Bantu banu tabakwe kukoma bamucishi ico kwiinda mumipeeni yabo, sobwe. Ncakwiila teshi nkusu shabo shakalengesha ayi bakome. Sombi nkwiinda munkusu sha lyaansa lyanu lyalulyo abulemu bwanu butowa. Mwakacita boobo mukwiinga mwakalinga kubasuni.

Kulumbaisha 45:4

Kamuya mubulemu bwanu mukakome balwani banu. Muye mukeemikanine lushinisho abululami. Lyaansa lyanu lya nkusu lilaakumulengesha kukoma.

Kulumbaisha 5:12

Ncakwiila noBaami baLesa ndimwe mupa coolwe kubaluleme. Lusuno lwanu ulo luli anga ndiyawo lulabacingilisha.

Kulumbaisha 60:12

Na mwebo nobaLesa kamuli andiswe tulaakukoma. Ncakwiila ndimwe mweshi mukatukomeneeko balwani.

Kulumbaisha 68:3

Sombi balo baluleme abasangalale. Abasangalale mubulemu bwakwe Lesa. Ncakwiila abasekelele cakusangalala abuumbi!

Kulumbaisha 89:13

Mukono wanu ngwa nkusu, ee, lyaansa lyanu ndiyumu. Lyaansa lyanu lyalulyo lilalumbaishikwa ceebo ca nkusu.

Kulumbaisha 98:1

Amwiimbile Mwaami Lesa lwiimbo lupya, mukwiinga wakacita shintu shikankamika. Lyaansa lyakwe lyalulyo, ee, mukono wakwe usalalite wamulengesha kukoma.

Kulonga 15:6

“NoBaami baLesa, lyaansa lyanu lyalulyo lilicite nkusu shiloondesha. NoBaami baLesa, lyaansa lyanu lyalulyo lilasansoola balwani.

Isaya 65:13

Paceebo ceeco Mwaami Lesa waamba ayi, “Basebenshi bangu balaakunoolya, sombi mwebo mulaakunoofwabo nsala. Basebenshi bangu balaakunoonwa, sombi mwebo mulaakunoofwabo nyotwa. Basebenshi bangu balaakunoosangalala, sombi mwebo mulaakulenshekwa nsoni.

Luka 1:51

Lyaansa lyakwe lyacita shintu sha nkusu shikankamika. Wamwaya bantu bacite miyeeyo yakulisumpula mumyoyo yabo.

Milimo ya Batumwi 16:34

Mpomunyaawo wakabwesa Paulo aSailasi wabatola muŋanda yakwe akubapa cakulya. Lakwe abamuŋanda yakwe bakasangalala abuumbi mukwiinga ono bakashoma muli Lesa.

Dutolonomi 12:12

Mukanoosangalala pameenso a Mwaami Lesa, pantu pomwi abana banu, basebenshi banu alimwi abene Lefi bekala mumandabalaanu. Sombi mulyeelete kwishiba ayi bene Lefi teshi bakabe acishi cinebo beene, sobwe.

Ciyubululo 18:20

Sangalala webo oliculu mukwiinga ndabala inene yanyonyooka! Amusangalale mwebo nobashomi noonse, nobatumwi alimwi anobalaluki bakulukulu! Mukwiinga Lesa waipa mulandu ceebo ca sheesho nsheyakacita kuli ndimwe!