Kulumbaisha 114:3 - Baibo Busansulushi Bwa Libuku Ili

³ Lweenge Lusalala ndilwakababona lwakayuma. Awalo Mulonga wa Joodani wakaboola pesule.

Kulumbaisha 114:3 Marejeleo ya Msalaba

Kulumbaisha 104:7

Maanshi ayo mwakaakalalila, aalo akacica. Akacica ndyaakanyumfwa liswi lyanu.

Kulumbaisha 106:9

Wakaambila Lweenge Lusalala ayi luyume, mpeeke lwakayuma nta. Wabatanjilila mulweenge ulo pamumpwampwa uyuminite anga muluyanga.

Kulumbaisha 74:15

Ndimwe mwakacalula tuntupu atulonga, ndimwe mwakayumya milonga inene ikunka.

Kulumbaisha 77:16

Maanshi ndyaakamubona nobaLesa, maanshi ayo akaloonda. Ncakwiila maanshi alaamfu akatutuma.

Kulumbaisha 77:17

Makumbi akalosha maanshi, kwiculu kwakaba cilulumo cinene, alimwi kwakalinga kubeka koonse koonse.

Kulonga 14:21

Mpeeke Mose wakatandabika lyaansa lyakwe palweenge, alakwe Mwaami Lesa wakapansaanya maanshi kwiinda mumuuwo wakapupa kuswa kwicwe. Muuwo uyo wakapupa mashiku oonse, lyalo palweenge pakaboolabo nta. Maanshi akapansaana.

Kulonga 15:8

Mwakayoyela palweenge, mpeeke maanshi akalilundikabo mweela. Maanshi akeemikanabo anga ndubumbu lwa ŋanda, apaapo poonse pakalinga palaamfu pakaboolabo nta.

Isaya 63:12

Uli kuli Mwaami Lesa ulya wakacita shaankamiko kwiinda munkusu shakwe, ee, nkusu shakwe shikankamanisha kwiinda muli Mose? Wakapansaanya maanshi mulweenge bantu bakwe kababweneeko kwaamba ayi akanoolemekwa kwalyoonse alyoonse.

Abakuku 3:15

Mwebo mwakalyatooka lweenge amaaki anu. Aalo maanshi ayo acite nkusu akatukuka lyoofu.