Kulumbaisha 110:4 - Baibo Busansulushi Bwa Libuku Ili

⁴ Mwaami Lesa wakashomesha cakulumbila alimwi teshi akayeeyewo bumbi. Wakaamba ayi, “Ulaakunoolibo mupailishi lyoonse, bupailishi ubo buli mbuli bwakalinga kucite Melikisedeki.”

Kulumbaisha 110:4 Marejeleo ya Msalaba

Matalikilo 14:18

Lyalo Melikisedeki mwaami wa Salemu wakaleta shinkwa awaini. Melikisedeki wakalinga mupailishi munene wakwe Lesa wakwiculu Wiindaawo.

Kulumbaisha 132:11

Mwaami Lesa wakashomesha cakulumbila kuli Defedi. Kushomesha uko nkweshi akabule kupilula. Wakashomesha ayi, “Womwi pakati ka bana bako basankwa ulaakulela kuswa ndiwe.

Sekaliya 6:13

Lakwe ngowooyo weshi akeeyakulule akutambula bulemu ubo bweelete kupekwa mwaami alimwi ulaakulela bantu bakwe. Mupailishi ulaakunokwiimikana pafwaafwi acuuna cakwe ca bwaami. Bantu aba bobilo balaakunoosebensela pantu pomwi muluumuno alimwi akunyumfwana.

Shakubelenga 23:19

Lesa taabete anga mbantu abo babeshi. Taabete anga ngumuntu upilula miyeeyo yakwe. Coonse nceenga walasha, ulacicita alimwi na waamba, ncaamba cilacitwa.

Bene Ebulu 5:6

MuMalembo akwe Lesa pamwi alimwi wakaamba ayi, “Ulaakunoolibo mupailishi lyoonse, bupailishi ubo buli mbuli bwakalinga kucite Melikisedeki.”

Bene Ebulu 6:20

Ceebo ca ndiswe, Jesu wakatutanjilila kwinjila mumusena usalalite uyo akuba Mupailishi Munene wamuyayaya, bupailishi buli mbuli bwakwe Melikisedeki.

Bene Ebulu 7:11

Milawo yakapekwa bene Isilaeli yakapekwa kweendelana abupailishi bwa bene Lefi. Ono bapailishi bamulunyungu lwakwe Lefi nebakasebensela Lesa kweelana ambocakalinga kuyandika, naakwiinga takuyandiki mupailishi umwi upusene ambabo, wa wooyo uswa mumushobo wa bupailishi bwakalinga kucite Melikisedeki, kuteshi Aloni.

Bene Ebulu 7:17

Mukwiinga Malembo akwe Lesa alaamba ayi, “Ulaakunoolibo mupailishi lyoonse, bupailishi bweenka mbuli bwakalinga kucite Melikisedeki.”

Bene Ebulu 7:21

Sombi Jesu wakaba mupailishi kwiinda mukulumbila, Lesa ndyaakaamba kuli nguwe ayi, “Nebo neMwaami ndalumbila alimwi teshi nkayeeyewo bumbi ayi, ‘Ulaakunoolibo mupailishi lyoonse.’ ”

Bene Ebulu 7:28

Milawo yakwe Mose ilabika bantu balefukite kuba bapailishi banene. Sombi kwiinda mukulumbila uko kwakesa pesule lya Milawo, Lesa wakabika Mwanaakwe ululeme, kwaamba ayi abe Mupailishi Munene wamuyayaya.

Ciyubululo 1:6

Lakwe wakatulengesha kuba bamaami ayi tusebensele Lesa Ishi anga mbapailishi. Jesu Klistu apekwe bulemu alimwi ankusu lyoonse alyoonse. Ameni.