Kulumbaisha 11:6 - Baibo Busansulushi Bwa Libuku Ili

⁶ Pabantu abo ulaakulosha makalangasha amulilo wa salufa. Ulaakutuma amyuuwo itenta pali mbabo mukubapa mulandu.

Kulumbaisha 11:6 Marejeleo ya Msalaba

Matalikilo 19:24

Mpomunyaawo Lesa wakalosha mulilo wa salufa paSodoma aGomola

Matalikilo 43:34

Shakulya shakaabwa kuswa kutebulu yakwe Josefu alimwi Benjameni wakaabilwa shiinji cakwiinda sha bamwi boonse mankanda osanwe. Mpeeke bakalya akunwa cakusekelela aJosefu.

Jobo 18:10

Bamuteya cilindi panshi, ee, munshila yakwe babikaamo koose.

Jobo 18:15

Muŋanda yakwe taamu caakwe ciciliimo. Mulasanseelwa salufa kucaya tulongolo tuleta malwashi.

Jobo 20:23

Amumuleeke akute mbuli mbwaasuni. Lesa ulaakumuloshesha bukali bwakwe.

Kulumbaisha 105:32

Wakabaloshesha mfula ya mabwe. Mucishi cabo coonse mwakalinga kubeka kwa mfula.

Kulumbaisha 16:5

NoBaami baLesa ndimwe mwakampa cipansha cangu ca cishi, ncakwiila ndimwe mwakampa ankomeshi ya shoolwe shangu shoonse. Nshiku shangu shitoosa shili mumaansaanu.

Kulumbaisha 18:13

Lyalo Mwaami Lesa wakaluluma kuswa kwiculu, liswi lya Shinkusu uyo Wiindaawo lyakanyumfwika.

Kulumbaisha 32:10

Bantu babiibi balyeelete kupenga, sombi abo bacinkite manungo muMwaami Lesa balaakunoofunwa ceebo ca lusuno lwakwe lutamaani.

Kulumbaisha 75:8

Mulyaansa lya Mwaami Lesa muli nkomeshi. Nkomeshi iyo iliswitebo waini wa bukali bwakwe. Ulootila alimwi bantu boonse babiibi ba mucishi balanwa. Balanwa kushikila woonse boomana.

Isaya 51:17

Amubuke, Amubuke! Ee, amunyamuke mwebo nobene Jelusalemu! Mwebo mwakanwa munkomeshi ya bukali bwa Mwaami Lesa cakutabushiyaamo. Mwakanwa munkomeshi yabukali bwakwe iyo ilengesha bantu kutalantanta.

Isaya 51:22

Mwaami Lesa wanu Shinkusu shoonse, Lesa uyo umufuninina mwebo nobantu bakwe waamba ayi, “Amubone, nkomeshi ya bukali bwangu iyo yakamulengesha kutalantanta ndeebwesa. Ncakwiila munkomeshi ya bukali bwangu iyo teshi mukanweemo tobilo.

Jelemiya 13:25

Ici nceshi cikacitike kuli ndimwe. Cilaakuba ncecipansha nceshi nkamupe mukwiinga mwebo mwakanduba akucinka manungo mubalesa babubeshi.

Esekelo 13:13

“Paceebo ceeco Mwaami Lesa Shinkusu shoonse ndaamba ayi, ‘Mubukali bwangu buyoosha, ndaakutuma cipuupu cinene, mfula ya mabwe alimwi amfuula inene abuumbi ilaakwisa mukunyonyoola lubumbu.

Esekelo 38:22

Ndaakumoombolosha akumupa mulandu kwiinda mukumutumina mwaalu ankoondo. Ndaakumuloshesha mfula inene abuumbi alimwi ya mabwe. Ndaakulosha mulilo asalufa ulungula pali nguwe, bashilumamba bakwe apamishobo imwi iinji njooli ayo.

Abakuku 2:16

Ono mwebo nweenka mulaakulenshekwa nsoni mumusena wa bulemu. Ncakwiila mwebo nobeene mulaakukolwa akutalantanta. Mwaami Lesa ulaakumulengesha kunwa nkomeshi ya bukali bwakwe, lyalo bulemu bwanu bulaakusandulwa kuba musebaanyo.

Luka 17:29

Sombi bushiku Loti ndyaakaswa muSodoma, mulilo asalufa shakaloka kuswa kwiculu akubanyonyoola boonse.

Joni 18:11

Jesu wakaambila Pita ayi, “Boosha mupeeni mookala! Sa utooyeeya kwaamba ayi nsheelete kunwita munkomeshi ya mapensho baTa njebampa?”

1 Samwelo 1:4

Lyoonse Elikana na wabenga mulambu wakwe, wakalinga kupa Penina cipansha ca nyama akubaanya bana bakwe basankwa abanakashi cipansha comwi comwi.

1 Samwelo 9:23

Mpomunyaawo Samwelo wakaambila shikuteleka ayi, “Leta nyama ilya njindakupa akukulwiita ayi wiibike palubasu.”