Kulumbaisha 11:4 - Baibo Busansulushi Bwa Libuku Ili

⁴ Mwaami Lesa mwaali muŊanda yakwe isalalite. Ncakwiila ulishiite pacuuna cakwe ca kwiculu. Bantu boonse ulibabwene kuli koonse alimwi ulishi shoonse nshebatoocita.

Kulumbaisha 11:4 Marejeleo ya Msalaba

1 Makani 17:5

Kuswabo kuciindi ndindakafuna bene Isilaeli kuswa mucishi ca Ijipiti kushikila asunu, nshikwe kwikalaawo kale muŊanda. Ndakalinga kwikala mutente akuya cilonga musena amusena.

2 Makani 16:9

Mwaami Lesa ulalama cishi coonse akupa nkusu kubaabo bashomeka kuli nguwe. Ono mwebo mwaciita cintu cabuluya, paceebo ceeco kuswa sunu munanoolwanabo lyoonse.”

Jobo 24:23

Ulamulekabo ayi ekala cakuliiba, sombi nshila shakwe shoonse ulishibwene.

Kulumbaisha 103:19

Mwaami Lesa wakabamba cuuna cakwe ca bwaami kwiculu, alimwi bweene bwakwe bulalela shintu shoonse.

Kulumbaisha 113:5

Anu ngani weenga weelana aMwaami Lesa, Lesa wesu uyo ushiite pacuuna ca bwaami kwiculu?

Kulumbaisha 139:23

NobaLesa, amunangenange kwaamba ayi mwishibe moyo wangu. Amunsuunke kwaamba ayi mwishibe miyeeyo yangu.

Kulumbaisha 14:2

Kwiculu Mwaami Lesa ulalangilisha bantu panshi ayi abone na pali musongo, ee, kwaamba ayi abone muntu uyo usuni kumulambila.

Kulumbaisha 18:6

Ono mumapensho angu ndakapaila kuMwaami Lesa. Ndakeeta Lesa wangu kwaamba ayi ancaafwe. Mpeeke wakakutika liswi kaali muŋanda yakwe. Wakanyumfwa kulila kwangu kwakusenga lucafwo.

Kulumbaisha 2:4

Uyo ucite cuuna ca bwaami kwiculu ulasekabo, Mwaami Lesa ulaweluluka miyeeyo yabo.

Kulumbaisha 33:13

Mwaami Lesa ulalanga panshi akubona pabantu boonse kali kwiculu.

Kulumbaisha 44:21

naakwiinga mwebo mwakeshiba mukwiinga mwebo mulishi miyeeyo yesu yabushishi.

Kulumbaisha 66:7

Unanoolela lyoonse alyoonse munkusu shakwe. Meenso akwe ali pabantu ba mishobo yoonse. Anu baashu batalisumpuli kunembo lyakwe.

Kulumbaisha 9:11

Amulumbaishe Mwaami Lesa uyo ulela muSiyoni, mwaambe milimo yakwe ikankamika kumishobo yoonse.

Tushimpi 15:3

Meenso a Mwaami Lesa alabona poonse poonse, ee, alabona boonsebo bacita shibiibi abacita shibotu.

Isaya 66:1

Mwaami Lesa waamba ayi, “Liculu ncecuuna cangu ca bwaami, acalo cishi ca panshi mpopakulyata myeendo. Ono ŋanda njeshi munjakile ili buyani? Ee, musena ngweshi nkanokookeshelamo ulaakubeta pali?

Jelemiya 17:10

Nebo neMwaami Lesa ndalanga mumoyo wa muntu akweelesha miyeeyo yakwe kwaamba ayi nambule muntu kweelana amicito yakwe, ee, abweelete milimo yakwe.”

Jelemiya 23:24

Sa kuli muntu weenga wayuba cakwaamba ayi nebo ndabula kumubona? Sa tamwishi kwaamba ayi nebo ndibo poonse poonse, kwiculu amucishi ca panshi. Nebo neMwaami Lesa ndaamba.

Mika 1:2

Amunyumfwe cikani ici mwebo nobamumishobo yoonse. Kutika ocishi ca panshi abaabo boonse bekalaamo. Mwaami Lesa Shinkusu shoonse utoomushinina. Ncakwiila utoomupa mulandu kuswa muŊanda yakwe isalalite.

Abakuku 2:20

Mwaami Lesa uli muŊanda yakwe isalalite aboobo bantu boonse ba mucishi ca panshi aboomunebo tontolo kunembo lyakwe.

Sekaliya 2:13

Ono noonse amuumune kunembo lya Mwaami Lesa ceebo utooswa mumusena wakwe usalalite.

Mateyo 23:21

Alakwe uyo ulumbila Ŋanda yakwe Lesa, ulalumbila ŋanda aLesa uyo ukalaamo.

Mateyo 5:34

Sombi nebo ntoomulwiita ayi muteeleshi kulumbila napaceyi nakubi kulumbila ayi, ‘Kwiculu’ mukwiinga ncecuuna cakwe Lesa,

Milimo ya Batumwi 7:49

‘Mwaami Lesa wakaamba ayi, Liculu ncecuuna cangu ca bwaami, acalo cishi ca panshi mpopakulyata myeendo yangu. Ino inga mwanjakila ŋanda ili buyani? Uli kuli musena umo mweshi nokookeshesha?

2 Bene Tesalonika 2:4

Muntu uyo ulaakupikisha shoonse shiitwa ayi balesa nabi isho bantu nshebapaila alimwi ulaakuliyeeyela kwiindaawo nkusu pasheesho shoonse. Ulaakwiinjila akwikala muŊanda yakwe Lesa kaalibanda ayi, “Ndime Lesa.”

Bene Ebulu 4:13

Taaku cintu nabi comwi cishisitwe pameenso akwe Lesa, sombi shoonse shilengwa ulashibona bweenka mbuli mboshibete alimwi nkuli nguwe nkotweelete kusansulwita shoonse nshetwakacita.

Ciyubululo 4:2

Paciindi ceenka ico ndakatanjililwa aMushimu Usalashi. Kwiculu uko, ndakabona cuuna ca bwaami kapashiite umwi.