Kulumbaisha 109:26 - Baibo Busansulushi Bwa Libuku Ili

²⁶ NoBaami baLesa, baLesa bangu, amuncaafwe, mumfuune ceebo ca lusuno lwanu lutamaani.

Kulumbaisha 109:26 Marejeleo ya Msalaba

Kulumbaisha 119:86

Milawo yanu yoonse ilashomeka. Amuncaafwe ceebo bantu aba batoompensha kwakubula mulandu.

Bene Ebulu 5:7

Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.

Kulumbaisha 69:13

Nakubi boobo nebo ndanoopaila kuli ndimwe noBaami baLesa. NobaLesa, amukankumbule paciindi ncemubambite. Amukankumbule ceebo ca lusuno lwanu lutamaani kwiinda mukumpulusha kweelana akushomeka kwanu.

Kulumbaisha 57:1

Amunyumfwile nkumbu nobaLesa, amunyumfwile nkumbu, mukwiinga muli ndimwe moonshisa buumi bwangu. Ndanooyubite mushimfule sha mapapaminwa anu, kushikila ciindi cakunyonyoolwa ici cikeende.

Kulumbaisha 69:16

NoBaami baLesa amukumbule kusenga kwangu kwiinda mukubota kwa lusuno lwanu lutamaani. Ncakwiila kweelana akufula kwa nkumbu shanu, amumboone.

Kulumbaisha 40:12

Nebo ndisakatitwe amapensho aanji koonse koonse, shibiibi shangu shafulisha abuumbi cakuncala ameenso. Ee, shiinji kwiinda misusu yangu ili mumutwi. Paceebo ceeco ndatyongola abuumbi mumoyo wangu.