Kulumbaisha 109:13 - Baibo Busansulushi Bwa Libuku Ili

¹³ Bamulunyungu lwakwe boonse abamane kufwa, cakwaamba ayi kutakabi wiibaluka liina lyakwe mulishalane litoosa.

Kulumbaisha 109:13 Marejeleo ya Msalaba

1 Baami 16:11

Simuli ndyaakaba mwaami wakacaya bamakwabo Baasha boonse. Taaku musankwa nabi womwi ngwaakashiyaawo, mukwabo nabi mubye.

Esita 9:10

nkokwaamba ayi baana basankwa likumi bakwe Amani mwanaakwe Amedata, mulwani wa baJuda. Sombi tabakwe kusaalawo buboni bwabo.

Jobo 18:17

Impuwo yakwe kumishaabo akumisena ya kulaale yamana. Taaku muntu nabi womwi ucimwiibaluka.

Jobo 18:19

Taaku wamulunyungu lwakwe wacaalaawo nabi womwi Ncakwiila taaku nabi womwi wakapuluka.

Kulumbaisha 21:10

Bamulunyungu lwabo mulaakubanyonyoola kuswa pacishi ca panshi, ncakwiila taaku bulowa bwabo bweshi bukacaaleewo pakati ka bantu bamwi boonse.

Kulumbaisha 21:11

Ndushinisho nabi bapangana kubishisha ndimwe, ee, nabi bapangana miyeeyo ibiibi, teshi bakaswitilile.

Kulumbaisha 37:28

Mukwiinga Mwaami Lesa ulisuni koombolosha cakutanyengelela, alimwi taalekeleshi bantu bakwe bashomeka. Nkokwaamba ayi lyoonse ulabafuna, sombi bamulunyungu lwa bamucita shibi balaakutandwaamo.

Tushimpi 10:7

Bantu baluleme balayeeyekwa anga ncoolwe, sombi lakwe mucita shibi ulaakufwambaana kulubwa.

Jelemiya 22:30

Mwaami Lesa waamba ayi, “Lemba muntu uyu anga ngumuntu utacitewo mwaana, ee, anga ngumuntu uyo eshi akabule kuswitilila mubuumi bwakwe ceebo taaku wamulunyungu lwakwe weshi akaswitilile. Taaku nabi womwi pakati kabo weshi akekale pacuuna ca bwaami bwakwe Defedi nabi kulela tubili mucishi ca Juda.”

Shakubelenga 27:4

Ono mukwiinga tebakalinga kucite baana basankwa, nceebonshi liina lya baishiwesu ncelitoolobela pakati ka bene Isilaeli? Amutupe cishi aswebo kuswa kubamakwababo.”

Dutolonomi 25:19

Paceebo ceeci, na Mwaami Lesa, Lesa wanu akamushiishe mucishi ico ncaatoomupa akumupulusha kubalwani banu abo bamushingulukite, mukacaaye bene Amaleki boonse kwaamba ayi kutakabi nabi womwi eshi akabeebaluke tubili. Kutalubaako kucita boobo!

Dutolonomi 29:20

Mwaami Lesa teshi akalekelele muntu wa mbuli wooyu. Sombi bukali bwakwe bulaakuba pali nguwe, amashingo oonse alembetwe mulibuku ili alaakumupolela, kushikila Mwaami Lesa akashiminganye liina lyakwe pacishi ca panshi cino.

Dutolonomi 9:14

Ono bulya uteeleshi kunkasha. Ntooyeeya kubanyonyoola kwaamba ayi kukabule aubeebaluka alimwi. Lyalo ndaakulengesha ayi webo ube mushali wa mushobo unene alimwi ucite nkusu kwiinda wa baaba.’

1 Samwelo 3:13

Ndakamulwiitawo kale ayi ndaakupa mulandu bamuŋanda yakwe kwamuyayaya ceebo bana bakwe basankwa bakancobola. Eli wakalinga kwishi ayi mbobatoocita ubo, sombi taakwe kubakasha.