Kulumbaisha 103:3 - Baibo Busansulushi Bwa Libuku Ili

³ Ulalekelela shibiibi shangu shoonse, alimwi ulashilika malwashi angu oonse.

Kulumbaisha 103:3 Marejeleo ya Msalaba

2 Samwelo 12:13

Mpomunyaawo Defedi wakaambila Natani ayi, “Ncakwiila ndabiisha pameenso aMwaami Lesa.” Mpeeke Natani wakakumbula ayi, “Mwaami Lesa walekelela cibiibi cako, aboobo teshi ukafwe.

Kulumbaisha 130:4

Sombi mwebo mulalekelela shibiibi shesu, paceebo ceeci swebo tulamulemeka abuumbi.

Kulumbaisha 130:8

Lakwe ngweshi akalubule bene Isilaeli kuswa kushibiibi shabo shoonse.

Kulumbaisha 147:3

Ngooyumyayumya myoyo ityongookite akwaanga shilonda shabo.

Kulumbaisha 30:2

NoBaami baLesa, baLesa bangu ndakamulilila ayi muncaafwe, ncakwiila mwebo mwakanshilika.

Kulumbaisha 41:8

Balaamba ayi, “Bulwashi mbwaatoociswa mbubiibi, alimwi teshi bumulekeewo, utoofwa.”

Kulumbaisha 86:5

NoBaami baLesa, mulicite nkumbu alimwi mulatulekelela. Lusuno lwanu ndunene kubantu abo bapaila kuli ndimwe.

Kulonga 15:26

Wakabaambila ayi, “Na munoonyumfwila amoyo woonse kwiinda mukucita nsheensuni alimwi akukonkela milawo amilasho yangu yoonse, teshi nkamuletelewo malwashi mbuli aayo ngondakaletela bene Ijipiti. Nebo ndime Mwaami Lesa uyo umushilika.”

Kulonga 34:7

Ndalama cipangano cangu kumashalane ali shuulu ashuulu, alimwi akulekelela bantu pabubi ashibiibi shabo. Sombi teshi nkaalilwe kupa mulandu baana alimwi abameeshikulu babo, kushikila akulishalane lyatatu alyane, ceebo ca shibiibi sha bamashali babo.”

Isaya 33:24

Lyalo mundabala ya Siyoni teshi mukanyumfwikewo mulwashi. Shibiibi sha baabo bekala mundabala iyo, shilaakulekelelwa.

Isaya 38:17

Ndushinisho kupenga nkondeendaamo kwandetela mpindu. Kwiinda mulusuno lwanu mwakamfuna ayi ntayi mucilindi cakunyonyooka. Kuswawaawo mwalekelela shibiibi shangu shoonse akushiluba.

Isaya 43:25

“Nebo, ee, nebo ndime nshiminganya shibiibi shanu ceebo ca mibo yangu alimwi cakutashiibalukawo tubili.

Isaya 53:5

Sombi wakayaswa ceebo ca kusotoka milawo kwesu, wakalyatililwa ceebo ca shibiibi shesu. Lakwe wakalemenwa milandu yesu kwaamba ayi swebo tube muluumuno. Ceebo ca shilonda shakwe twakashilikwa.

Jelemiya 17:14

Nobaami baLesa, amunshilike, ingaawo nshilikwe cancinencine. Amumpulushe, ingaawo mpuluke cancinencine ceebo mwebo nweenkabo ndimwe numbaisha.

Shakubelenga 12:13

Lyalo Mose wakalilila Mwaami Lesa ayi, “NobaLesa, amumushilike!”

Maako 2:5

Jesu ndyaakabona lushomo lwabo, wakaambila wakalinga kuyuminite mubili ayi, “Ndaba, shibiibi shako shalekelelwa.”

Bene Efeso 1:7

Kwiinda mulufu lwakwe ndwaakalibenga, Jesu wakatwaangulula alimwi tulalekelelwa shibiibi shesu kwiinda mubulowa bwakwe. Ncakwiila luse lwakwe Lesa lulakankamika abuumbi,

Jemusi 5:15

Na bapaila calushomo, mulwashi ulaba kabotu. Mwaami wesu inga wamulengesha kuba kabotu alimwi shibiibi shoonse nshaakacita shilalekelelwa.