Kulumbaisha 102:21 - Baibo Busansulushi Bwa Libuku Ili

²¹ Aboobo liina lya Mwaami Lesa lilaakwaambilishikwa muSiyoni, ncakwiila lilaakulumbaishikwa mundabala inene ya Jelusalemu.

Kulumbaisha 102:21 Marejeleo ya Msalaba

Kulumbaisha 22:22

Ndaakulwiita bamakwesu nkusu shanu, ndaakumulumbaisha mulikoto lya bantu banu.

Kulumbaisha 79:11

Amunyumfwe kutongela kwa bantu bali muntolongo. Amwaangulule bantu bapekwa mulandu wakufwa alyaansa lyanu lyalulyo.

Kulumbaisha 79:13

Lyalo swebo sobana banu sombelele sha mulitanga lyanu tunanoomulumba lyoonsebo. Kuswa kulishalane tibili akulishalane limwi tunanoomulumbaisha lyoonse alyoonse.

Kulonga 3:16

Koya ubunganye bamatanjilili ba bene Isilaeli boonse akubalwiita ayi nebo neMwaami Lesa, Lesa wa bamashali banu bakulukulu, neLesa wakwe Abulaamu, Isaki alimwi aJakobo ndakaboneka kuli ndiwe. Ubalwiite alimwi ayi ndesa akubona bene Ijipiti ncebatoocita kuli mbabo.

Kulonga 3:17

Ndayeeya kwaamba ayi nkabakushe muIjipiti, umo mobatoopenshekwa abuumbi, alimwi akubatola kucishi kuli bubile abulongo bubotu. Mucishi umo momuli bene Kenani, bene Iti, bene Amoli, bene Pelisi, bene Ifi alimwi abene Jebusi.

Isaya 51:11

Ncakwiila abo mbomwakafuna balaakuboola. Balaakushika kuSiyoni kabeemba. Lyalo balaakunokweenda kabasangalete kwalyoonse alyoonse. Ndushinisho kusangalala teshi kukamaneewo alimwi buumba bwabo amatongooshi shilaakumana.

Bene Efeso 3:21

Coonde acimulemeke kwiinda muli Klistu Jesu mumashalane oonse, lyoonse alyoonse! Ameni.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.