Kulumbaisha 102:17 - Baibo Busansulushi Bwa Libuku Ili

¹⁷ Ulaakunyumfwa kusenga kwa bantu bakwe abo mbwaakafutatila, alimwi ulaakukutika mipailo yabo.

Kulumbaisha 102:17 Marejeleo ya Msalaba

Neyemiya 1:11

Amukutike mupailo wangu nemusebenshi wanu pantu pomwi amipailo ya basebenshi banu bamwi boonse abo basangalala mukumulemeka. Amumpe coolwe nemusebenshi wanu kwaamba ayi mwaami uyo anyumfwile nkumbu.” Muciindi ico ndakalinga shikupa mwaami waini.

Neyemiya 1:6

Amumboone noBaami baLesa akuteya matwi anu kwaamba ayi munyumfwe mupailo wangu nemusebenshi wanu uyo ngoontoopaila kunembo lyanu malumwi amashiku pabasebenshi banu bene Isilaeli. Ndalyaambilila shibiibi shesu sobene Isilaeli, nebo abamuŋanda ya bata, nshetwakamubishisha.

Neyemiya 2:20

Mpomunyaawo ndakabakumbula ayi, “Lesa wa kwiculu ulaakutulengesha kuswitilila. Swebo sobasebenshi bakwe tutootalika kuyakulula alimwi, sombi mwebo tamucitewo nkusu pacipansha ca ndabala ya Jelusalemu nabi comwi alimwi taaku cintu nabi comwi nceenga mwaamba ayi ncanu.”

Kulumbaisha 147:2

Mwaami Lesa utooboosha Jelusalemu mbwaakalinga. Utooyobolola bene Isilaeli bakalinga mushishi shabusha.

Kulumbaisha 22:24

Mwaami Lesa taasuuli bakandu, nabi kusuula mapensho abo. Tabafutatiliiwo napaceyi, sombi ulabanyumfwila ndibasenga lucafwo.”

Kulumbaisha 69:23

Amubalengeshe kupofola! Amulengeshe misana yabo kubula ncito!

Kulumbaisha 72:12

Ceebo ulafuna bakandu na bamulilila, abalyatililwa abo batacite shikubacafwa.

Kulumbaisha 9:18

Sombi bapenshi teshi bakalubweewo, sobwe. Kulangila kwa bakandu teshi kukamaninine.

Isaya 40:5

Lyalo bulemu bwa Mwaami Lesa bulaakuyubululwa. Mpeeke mishobo yoonse ilaakububona. Ee, ceebo Mwaami Lesa mwiine mbwaamba ubo.”

Isaya 44:26

Sombi na musebenshi wangu walaluka shakunembo, ee, na ndatuma shinkombe wangu kuyubulula nshendabamba, ndime nengesha shintu isho kucitika cancinencine. Ndime ŋamba pandabala ya Jelusalemu ayi bantu balaakuya mukwikalaamo alimwi. Ndaamba apacishi ca Juda ayi mandabala a mumo alaakuyakululwa alimwi. Ee, kuyakululwa nabi ngamatongobo.

Jelemiya 31:38

Mwaami Lesa waamba ayi, “Ciindi cilaakushika ndabala inene ya Jelusalemu ndyeshi ikayakwe alimwi ayi nindabala yangu kuswa kuŊanda ilaamfu ya Ananelo kumbo kuya mukushika akuMwinjililo wa Likonko.

Dutolonomi 32:36

Mwaami Lesa ulaakufuna bantu bakwe, na akabone ayi nkusu shabo shamana. Ulaakubanyumfwila nkumbu basebenshi bakwe, na akabone ayi tabacite wakubacafwa.

Dutolonomi 4:29

Ono uko mulaakunoolangoola Mwaami Lesa, Lesa wanu, lyalo na mukanoomulangoola amoyo woonse alimwi abuumi bwanu boonse, mulaakumucana.