Kulumbaisha 102:1 - Baibo Busansulushi Bwa Libuku Ili

¹ NoBaami baLesa, amunyumfwe mupailo wangu, kulila kwangu kwakusenga lucafwo akushike kuli ndimwe.

Kulumbaisha 102:1 Marejeleo ya Msalaba

2 Makani 30:27

Lyalo bapailishi pantu pomwi abene Lefi bakeemikana ayi basengele coolwe bantu boonse. Lesa wakanyumfwa kusenga kwabo kwiculu uko nkwaakala akukukumbula.

Kulumbaisha 12:5

Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”

Kulumbaisha 143:4

Aboobo moyo wangu watyongola, ncakwiila moyo wangu woongumana.

Kulumbaisha 143:7

NoBaami baLesa, amunkumbule cakufwambaana ceebo moyo wangu utoolela. Mutamfutatili, sobwe! Ceebo inga ndaba anga mbaabo batooya kumusena wa bafu.

Kulumbaisha 145:19

Abo bamulemeka ulabapa shoonse nshebasuni. Ulanyumfwa kulila kwabo akubafuna.

Kulumbaisha 18:6

Ono mumapensho angu ndakapaila kuMwaami Lesa. Ndakeeta Lesa wangu kwaamba ayi ancaafwe. Mpeeke wakakutika liswi kaali muŋanda yakwe. Wakanyumfwa kulila kwangu kwakusenga lucafwo.

Kulumbaisha 39:12

Amunyumfwe mupailo wangu noBaami baLesa, amukutike kusenga lucafwo kwangu. Mutapuululi kukulila kwangu, mukwiinga ndi mweensu bweenka mbuli bamashali besu bakulukulu.

Kulumbaisha 42:4

Moyo wangu ulacisa na ndeebaluka nshiku shainda. Ee, nshiku ndakalinga kweendela mucikuuku ca bungabwa kuya muŊanda yakwe Lesa. Lyakalinga kuba likoto lya bantu bakondetwe bakalinga kuya ciimba anyiimbo shakulumbaisha Lesa.

Kulumbaisha 5:2

Amunyumfwe kulila kwangu nobaLesa bangu, noBaami bangu, mukwiinga ndapaila kuli ndimwe.

Kulumbaisha 61:2

Ncakwiila kuno kulaale akumisheesu ntoolila kuli ndimwe, moyo wangu walemenwa buumba. Mwebo nobeene amuntole kuciyubilo kutaaku cakulisukama.

Kulumbaisha 62:8

Mwebo nobantu amucinke manungo muli nguwe ciindi coonse, Amumulwiite mapensho anu oonse, ceebo Lesa eenka nceciyubilo cesu.

Kulumbaisha 77:3

Ndinjeya Lesa ndapenga mumoyo wangu, ndinjibaluka Lesa moyo wangu uloongumana abuumbi.

Kulonga 2:23

Ndipakeenda myaaka, mwaami wa mucishi ca Ijipiti wakafwa, sombi bene Isilaeli bakalinga kucipengabo ceebo ca busha akunoolilila shikubafunaako. Kulila kwabo kwakashika kuli Lesa,

Malilo 3:44

Mwakalifwekelesha likumbi kwaamba ayi mutanoonyumfwa mipailo yesu.

Malilo 3:8

Nabi njite nabi kulila ayi ancaafwe, Lesa taankutikiiwo, sobwe.

Luka 22:44

Ceebo cakupenshekwa bunene mumoyo, wakapaila cankusu kwiinda pakutaanguna. Lyalo nkasaalo yakwe yakalinga anga njimindoondo ya bulowa itoolokela panshi.]

Bene Ebulu 5:7

Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.

Boomboloshi 10:16

Kuswawaawo bakacileka kukonkela balesa bamwi akutalika kusebensela Mwaami Lesa alimwi. Aboobo wakabafwita nkumbu kumapensho ngobakalinga kucite.

1 Samwelo 9:16

“Paciindi ceenka ici ciilo ndaakutuma musankwa kuswa mumukowa wakwe Benjameni. Ukamunanike mafuta a bwaami kwaamba ayi akeendeleshe bantu bangu bene Isilaeli. Ulaakubafuna kuswa kubene Filisiti. Bantu bangu ndababona mbobapenga alimwi ndanyuumfwa kulila kwabo.”