Kulumbaisha 100:5 - Baibo Busansulushi Bwa Libuku Ili

⁵ Mwaami Lesa ngumubotu. Lusuno lwakwe ndwamuyayaya. Kushomeka kwakwe nkwalyoonse alyoonse.

Kulumbaisha 100:5 Marejeleo ya Msalaba

1 Makani 16:34

Amulumbe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.

2 Makani 5:13

Beshikulisha mapeenga abeshikwiimba bakalinga kwiimba cakucatana pantu pomwi anga ngumuntu womwi kabalumbaisha Mwaami Lesa. Uku mapeenga, tusenke ashimwi shakulisha kashilishikwa, bakeemba amaswi apeculu mukulumbaisha Mwaami Lesa ayi, “Amulumbaishe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.” Lyalo Ŋanda ya Mwaami Lesa yakesula likumbi lya bulemu bwakwe Lesa.

Esila 3:11

Lyalo bakeemba kabalumbaisha Mwaami Lesa ayi, “Mwaami Lesa ngumubotu, lusuno lwakwe pabene Isilaeli ndwamuyayaya.” Bantu boonse bakalumbaisha Mwaami Lesa cakoolobesha, mukwiinga mulimo wakuyaka alimwi Ŋanda yakwe Lesa wakatalika.

Kulumbaisha 103:17

Sombi lusuno lwa Mwaami Lesa ndwamuyayaya kubaabo bamulemeka. Ulatondesha bululami bwakwe akubamulunyungu lwabo boonse.

Kulumbaisha 106:1

Amulumbaishe Mwaami Lesa! Amulumbe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.

Kulumbaisha 107:1

Amulumbe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.

Kulumbaisha 107:15

Abalumbe Mwaami Lesa ceebo ca lusuno lwakwe lutamaani, kumulumba ceebo shintu shikankamika nshaakabacitila.

Kulumbaisha 107:22

Abamuluumbe amilambu yakulumba, akwaambilisha milimo yakwe munyimbo shakusangalala.

Kulumbaisha 107:8

Abalumbe Mwaami Lesa ceebo ca lusuno lwakwe lutamaani, kumulumba ceebo shintu shikankamika nshaakabacitila.

Kulumbaisha 119:68

Mwebo muli babotu anshemucita nshibotu, amunjiishe milasho yanu.

Kulumbaisha 138:8

NoBaami baLesa mulaakuncitila shoonse nshemwakanshomesha. Lusuno lwanu noBaami baLesa ndwamuyayaya. Mutalekeleshi milimo ya maansaanu.

Kulumbaisha 146:6

Ee, muntu uyo ushoma muli wooyo wakalenga liculu acishi ca panshi. Lesa uyo wakalenga lweenge ashoonse shili mushintu isho. Mwaami Lesa uyo ulashomeka kwalyoonse alyoonse.

Kulumbaisha 25:8

Ee, Mwaami Lesa ngoolibo kabotu alimwi ululeme. Paceebo ceeco uleeisha bamucita shibi nshila shakwe.

Kulumbaisha 36:5

Mwebo noBaami baLesa lusuno lwanu lutamaani ndunene abuumbi cakushika akwiculu, Ncakwiila akwalo kushomeka kwanu kulashika mwiculu muli nyenyeenshi.

Kulumbaisha 52:1

Omubile webo, ceebonshi ulalisumpwita pabubi? Kushomeka kwakwe Lesa nkwalyoonse alyoonse.

Kulumbaisha 85:10

Lusuno akushomeka shilakumana, bululami aluumuno shilakumbatana.

Kulumbaisha 86:5

NoBaami baLesa, mulicite nkumbu alimwi mulatulekelela. Lusuno lwanu ndunene kubantu abo bapaila kuli ndimwe.

Jelemiya 33:11

ciyobeyobe cakusangalala akukondwa kwabo aciyobeyobe cakusangalalila bwiinga. Lyalo mulaakunyumfwa bantu kabeemba pakunooleta shipo shakulumba kuŊanda yangu neLesa. Balaakunokwaamba ayi, ‘Amulumbe Mwaami Lesa, Shinkusu shoonse mukwiinga uli kabotu ee, mukwiinga lusuno lwakwe ndwamuyayaya.’ Ncakwiila ndaakulengesha cishi ici kuswitilila bweenka mbocakalinga kale kale. Nebo neMwaami Lesa ndaamba.”

Mika 7:20

Ncakwiila mulaakushomeka kubamulunyungu lwakwe Jakobo. Mulaakutondesha lusuno lwanu lutamaani kubamulunyungu lwakwe Abulaamu. Ncakwiila mulaakucita bweenka mbomwakashomesha cakulumbila kubamashali besu bakulukulu kalekale.

Naamu 1:7

Mwaami Lesa ngumubotu. Uli anga nciyubilo mushiindi sha mapensho. Ulafuna baabo bacinkite manungo muli nguwe.

Luka 1:50

Nkumbu shakwe shili pali boonse abo bamulemeka kuswa kulishalane limwi kushikila kulishalane limwi.

Dutolonomi 7:9

Amwiibaluke kwaamba ayi Mwaami Lesa, Lesa wanu ngoLesa eenkabo alimwi ulashomeka. Ulaakubamba cipangano cakwe akutondesha lusuno lwakwe luli mushobo womwi lyoonse kushikila akumashalane ali cuulu abantu bamusuni alimwi bakonkela milawo yakwe.

Taitasi 1:2

Lushinisho ulu luliimfwi pakulangila buumi butamaani ubo Lesa utabeci mbwaakatushomesha kale kale.