Kulumbaisha 100:1 - Baibo Busansulushi Bwa Libuku Ili

¹ Amwiimbile Mwaami Lesa, mwebo nobantu ba mucishi ca panshi.

Kulumbaisha 100:1 Marejeleo ya Msalaba

Kulumbaisha 145:1

Ndaakumulumbaisha nobaLesa, noBaami bangu, akulemeka liina lyanu lyoonse alyoonse.

Kulumbaisha 32:11

Amusangalale mwebo nomululeme, ceebo ca shintu shamucitila Mwaami Lesa. Amwiimbishe cakusangalala mwebo nomucita shiluleme.

Kulumbaisha 47:1

Amukambe mapaka mwebo nobantu bamumishobo yoonse. Amoolobeshe kuMwaami Lesa pakumwiimbila nyimbo shakusangalala.

Kulumbaisha 47:5

Lesa watanta pacuuna cakwe ca bwaami, bantu kaboolobesha cakusangalala, mapeenga kaalila, ncakwiila Mwaami Lesa watanta.

Kulumbaisha 66:1

Nobantu noonse, amulumbaishe Lesa akoolobesha cakusangalala

Kulumbaisha 66:4

Nsengwe yoonse ilalambila ndimwe, balamwiimbila nyimbo shakulumba. Ncakwiila baleemba nyimbo shakulumbaisha liina lyanu.”

Kulumbaisha 67:4

Mishobo yoonse aikondwe akwiimba ceebo cakusangalala mukwiinga muloombolosha bantu cakutanyengelela, akutanjilila mishobo yoonse ya pacishi ca panshi.

Kulumbaisha 68:32

Amwiimbile Lesa nomalelo a pacishi ca panshi. Amwiimbe nyimbo shakulumbaisha kuMwaami Lesa.

Kulumbaisha 98:4

Amoolobeshe cakusangalala kuMwaami Lesa nobamucishi ca panshi! Amumulumbaishe akumwiimbila cakukondwa!

Sefaniya 3:14

Koimba ondabala ya Siyoni! Koolobesha webo oIsilaeli! Kosangalala akusekelela amoyo wako woonse webo ondabala ya Jelusalemu!

Sekaliya 14:9

Lyalo Mwaami Lesa ulaakuba mwaami wa cishi coonse ca panshi. Pabushiku ubo kulaakuba Mwaami Lesa womwibo ndondoli. Nkokwaamba ayi bantu boonse balaakulambilabo liina lyakwe lyeenka.

Luka 19:37

Ndyaakashika pafwaafwi akuJelusalemu kunkunamo ya Kalundu ka Olifi, likoto lyoonse lya bantu bakalinga kukonkela kwiisha kwakwe Jesu, lyakasangalala akutalika kulumbaisha Lesa amaswi a peculu ceebo ca milimo ya nkusu sha kwiculu njebakabona.

Bene Loma 15:10

Alaamba alimwi ayi, “Nobaswamashi bakunsengwe amusekelele pantu pomwi abantu bakwe Lesa.”

Dutolonomi 32:43

“Mwebo nomishobo yoonse, kamulumbaisha bantu ba Mwaami Lesa. Ulaakupa mulandu abo babacaya akuboosha cishole kubalwani, sombi ulalekelela bantu bakwe.”