Kulumbaisha 10:3 - Baibo Busansulushi Bwa Libuku Ili

³ Ncakwiila bamucita shibi balalisumpula mulunkumbwa lwa myoyo yabo ibiibi. Balalumbaisha bantu balyabi, sombi balasebaanya liina lya Mwaami Lesa.

Kulumbaisha 10:3 Marejeleo ya Msalaba

1 Baami 20:25

Mwiite bashilumamba baanji bweenka mbobakalinga balya bakafwa. Aalo maaki afule kubikaawo ashikoci. Lyalo tulaakukonsha kulwana abene Isilaeli mushinyika akubakoma.” Mwaami Benadadi wakasumina nshebakamwaambila.

Jobo 31:24

“Nshindakalinga kushomawo mububile ee, nshindakalinga kucinka manungo mugolodi wiine wiine.

Kulumbaisha 35:21

Balambekesha cakoolobesha ayi, “Ee, ncaakacita twakacibona ameenso esu!”

Kulumbaisha 49:18

Nakubi kwaamba ayi muntu wabona ayi ncakwiila walya pacishi ca panshi, alimwi na walumbaishikwa kubantu ceebo cakusumpuka mubuumi bwakwe

Kulumbaisha 49:6

Balo mbantu bacinkite manungo mububoni bwabo alimwi balisumpula ceebo cakufula kwa mbubo.

Kulumbaisha 5:6

Mulanyonyoola bantu beshikubeca. Mulacimwa bantu batila bulowa alimwi abeshikwiinda bamwi kumaano.

Kulumbaisha 52:1

Omubile webo, ceebonshi ulalisumpwita pabubi? Kushomeka kwakwe Lesa nkwalyoonse alyoonse.

Kulumbaisha 94:4

Balaamba maswi akulisumpula cakutacilekaawo, bamucita shibi balalyuuma mushaamba lyoonse.

Kulonga 15:9

“Mpeeke mulwani wakaamba ayi, ‘Ntoobakonkela kushikila mbacaane. Ntoobaanya buboni bwabo, ntoobwesa shoonse nsheensuni. Ntookusha mupeeni wangu, ntoobanyonyoola alyaansa lyangu.’

Tushimpi 28:4

Abo batakonkeli milawo, bali kulubasu lwa bamucita shibi. Sombi abo beekonkela tababete kulubasu lwabo.

Shikushimikila 7:15

Mubuumi bwangu ubu butaaku mbobubete ndakabona shintu shobilo ishi: Muntu ululeme ulafwa cakufwambaana mubululami bwakwe, sombi mucita shibi ulekala buumi bulaamfu mububi bwakwe.

Isaya 37:23

Ngani ngowalinga kutukana akucobola? Ngani ngootookalookila akusaamuna meenso cakulisumpula? Sa te ngooyo Usalalite wa bene Isilaeli?

Isaya 57:17

Ndakalinga ndabakalalila ceebo ca shibiibi shabo alimwi abulyabi. Ndakabapa mulandu akubafutatila ceebo ndakakalala. Nakubi boobo bakatolelela anshila shabo shibiibi.

Jelemiya 22:17

Sombi mwebo meenso anu amyoyo yanu ilibo kumpindu yakucana kwiinda mubwiipi, kutila bulowa bwa bantu batacite mulandu, alimwi amukulyatilila akupensha bantu.”

Bene Lefi 26:30

Ndaakunyonyoola misena yanu yakulambililaamo patulundu, kumwaya shipaililo shanu sha tununkila kabotu pakutenta alimwi akubunjika mituntu yanu pashibumbwabumbwa shanu shifwite ceebo ca bunya.

Abakuku 2:9

Mapensho kuli ndimwe nomubilisha bamumaandaanu munshila italuleme. Ee, mwebo nomweelesha kulengesha maandaanu kubula cakulisukama amapensho.

Luka 12:15

Lyalo Jesu wakaambila bantu abo ayi, “Amucenjele alimwi mulibaambe ayi mutabi bantu basunishi bubile. Ceebo buumi bwa muntu tabubete mukufula kwa buboni mbwaacite.”

Luka 12:19

Ono ndaakulyaambila ayi, Ulicite buboni buunji bweshi bukabule kumana kwamyaaka iinji. Aboobo liibe, kolya, konwa akusekana.’

Bene Loma 1:29

Myoyo yabo iliswitebo shibiibi sha mishobo yoonse mbuli bubi, balisunibo shoonse kashili shinebo, balacitilana shintu shibiibi, munyono, bucayi, inkondo, bubeshi amiyeeyo ibiibi kubabyaabo alimwi mbafuishi.

Bene Loma 1:32

Balishi mulawo wakwe Lesa wakwaamba ayi bantu bacita shintu sha mushobo uyu balyeelete kufwa. Nakubi boobo tabacitibo shintu ishi, sombi balalumbaisha abaabo bashicita.

1 Bene Kolinto 6:10

beepi, balyabi, bacakolwa, beshimatushi nabi bapambi teshi bakenjile muBweene bwakwe Lesa.

Bene Efeso 5:5

Mulyeelete kwishiba cancinencine ayi taakuuwo mufuule, uyo ucita shitaluleme, nabi shikukumbwa camunyono shintu sha bamwi (mukwiinga lunkumbwa lwa munyono lulaba ngolesa wabo) weshi akatambuleko Bweene bwakwe Klistu alimwi aLesa.

Dutolonomi 29:19

Anu kutabi muntu nabi womwi pabushiku bwasunu utoonyumfwa maswi aya, pesule alyuume pacaamba akwaamba ayi taaku ceenga cacitika nabi kaacita kuyanda kwakwe mwiine. Ici inga canyonyoola ndimwe noonse, baluleme alimwi abataluleme.

Dutolonomi 32:19

“Mwaami Lesa ndyaakabona boobo, wakabakaka, ceebo bana bakwe basankwa abanakashi bakamukalasha.

Bene Kolose 3:5

Amucaye lunkumbwa loonse lwa mucishi ca panshi ulo luli muli ndimwe, mbuli bufuule, kucita shintu shitaluleme, lunkumbwa lubiibi, miyeeyo ibiibi alimwi abupambi. Mukwiinga kupamba akwalo kulikoshenye akulambila shibumbwabumbwa.

Jemusi 4:13

Amunyumfwe mwebo nomwaamba ayi, “Sunu nabi ciilo tulaakuya kundabala inene imwi tukekaleeko mwaaka katusambasha makwebo esu akucana mpindu inene.”

Jemusi 4:16

Ono mwebo mulalisumpula akulilumbaisha. Kulilumbaisha koonse kwa mushobo uyo nkubisha.

1 Joni 2:15

Mutasuni cishi ca panshi alimwi ashintu shoonse shiliimo. Ceebo na muntu wasuna cishi ca panshi, nkokwaamba ayi taasuni Ishiwesu.

Boomboloshi 17:2

Bushiku bumwi Mika wakaambila banyina ayi, “Maali a silifa alya ali 1,100 ngomwakeepilwa akushingana wakeepa, ndime ngacite. Ndime ndakaaipa.” Banyina bakamukumbula ayi, “Mwaami Lesa akupe coolwe omwanaangu.”

1 Samwelo 23:21

Saulo wakakumbula ayi, “Mwaami Lesa amupe coolwe ceebo ca nkumbu shanu pali ndime.