Kulumbaisha 10:14 - Baibo Busansulushi Bwa Libuku Ili

¹⁴ Nakubi boobo mwebo nobaLesa mulabona mapensho amakatasho oonse. Lyoonse mulekala kamulibambite kucafwa. Bataaku mbobabete balalibika mumaansaanu, mukwiinga mwebo ndimwe mucafwa bapengete.

Kulumbaisha 10:14 Marejeleo ya Msalaba

Matalikilo 21:17

Lesa wakanyumfwa kulila kwa mwaana uyo. Lyalo kuswa kwiculu munjelo wakwe wakaambila Aga ayi, “Nciinshi cakupensha Aga? Utaloondi, Lesa wanyumfwa kulila kwa mwanaako.

Matalikilo 31:12

Wakatolelela ayi, ‘Bona, bapeepe boonse batootanta mbamyuubimyuubi, mabalamabala, alimwi abacisekeleli. Ndime ntoolengesha ayi cicitike bobulya mukwiinga ndaboona shoonse Labani nshaatoocita kuli ndiwe.

2 Samwelo 16:12

Mpashi Mwaami Lesa inga wanyumfwila nkumbu akuncitila shibotu ceebo cakucobolwa uku kwa sunu.”

2 Baami 9:26

‘Ndakabona Naboti mbwaakacaikwa abana bakwe ciilo. Ndamushomesha ayi ndaakukupa mulandu muno mweenka mumuunda.’ Ono tola mubili wakwe Jolamu akuusowa mumuunda wakwe Naboti kwaamba ayi kushomesha kwa Mwaami Lesa kucitike cancinencine.”

2 Makani 24:22

Ono mwaami Joashi wakaluba shintu shibotu nshakamucitila Jeoiyada ishi Sekaliya akucaya mwanaakwe. Mwanaakwe uyo pakufwa wakaamba ayi, “Mwaami Lesa aabone ncemutoocita akumupa mulandu.”

2 Makani 6:23

noBaami baLesa, amunyumfwe kwiculu uko akoombolosha basebenshi banu. Amupe mulandu uyo ulubite kweelana ambwaaelete akuleka wooyo utacite mulandu.

Kulumbaisha 146:9

Mwaami Lesa ulalama baswamashi bekala pakati lyesu. Uleemikanina bamukalubinje abana banshiwa. Sombi ulapilinganya buumi bwa bamucita shibi.

Kulumbaisha 22:11

Mutekali palaale anebo ceebo mapensho ali pafwaafwi kumbonekela, alimwi taaku umwi weenga wancafwa, sobwe.

Kulumbaisha 31:8

Amubone, tamukwe kungabaawo mumaansa a balwani bangu, sombi mwakampa lwaanguluko kwaamba ayi nje kuli koonse nkoosuni.

Kulumbaisha 35:22

NoBaami baLesa mulishibwene shoonse ishi. Aboobo mutoomunibo anga tamushibwene. Ee, Nkambo, mutalitalamushi kuswa kuli ndime!

Kulumbaisha 55:22

Amutule nshemulisukama mumaansa a Mwaami Lesa. Lakwe ulaakulama buumi bwanu kabotu. Taaku muntu ululeme ngweshi akaleeke ayi akomwe.

Kulumbaisha 68:5

Ngumushali ulama bana banshiwa alimwi wiimikanina bamukalubinje. NguLesa uyo ukala mumusena wakwe usalalite.

Kulumbaisha 68:6

Abo batacite bamuŋanda, Lesa ulabapa musena wakwikalaamo. Ulatanjilila bakaili kuya mulwaanguluko lwakusangalala. Sombi abo baashu balekala muluyanga.

Kulonga 2:25

Lyalo Lesa wakabona mbuli mbobakalinga kufubitwe bene Isilaeli, mpeeke wakabanyumfwila nkumbu.

Kulonga 22:22

Mutabi alunkutwe kumukalubinje mwanakashi nabi mwanaanshiwa.

Kulonga 22:26

Na mwacatila muntu umwi cakufwala ca peculu ceebo ulicite nkongole kuli ndimwe, mulyeelete kuciboosha lisuba kalitana kwipila,

Tushimpi 15:25

Mwaami Lesa ulamwayulula ŋanda ya shikulisumpula, sombi ulatabilila buboni bwa mukalubinje.

Tushimpi 15:3

Meenso a Mwaami Lesa alabona poonse poonse, ee, alabona boonsebo bacita shibiibi abacita shibotu.

Isaya 10:3

Ono mulaakucita buyani pabushiku bwa bukali bwakwe Lesa, bushiku ubo kunyonyoolwa ndyeshi kukaswe kulaale? Anu ngani ngweshi mukacicileeko ayi amucaafwe? Ino bubile bwanu mulaakubushiya kuli?

Jelemiya 16:17

Nshila shabo shoonse ndishibwene. Shilibo patuba kuli ndime alimwi taaku shibiibi shabo shiyubite pameenso angu.

Jelemiya 23:24

Sa kuli muntu weenga wayuba cakwaamba ayi nebo ndabula kumubona? Sa tamwishi kwaamba ayi nebo ndibo poonse poonse, kwiculu amucishi ca panshi. Nebo neMwaami Lesa ndaamba.

Jelemiya 49:11

Amushiye banabanshiwa banu, ndaakubalama. Bamukalubinje banu abalo balakonsha kucinka manungo muli ndime.”

Jelemiya 51:56

Shikunyonyoola ulaakulwana Babiloni. Bashilumamba bene Babiloni balaakucatwa amata abo alaakutyoloolwa. Ceebo nebo neMwaami Lesa ndi Lesa uboosha cishole. Ncakwiila ndaakuboosha cishole kweelana ambobakacita.

Malilo 3:59

Mwebo mulibwene mbobatoombishisha, anu amumfuneeko mumulandu wangu uyu.

Malilo 3:60

Mulishi balwani bangu mbobampatite alimwi ambobapingite kucita pali ndime.

Osiya 14:3

Bene Asilya tabakoonshi kutupulusha. Maaki a nkondo taakoonshi kututabilila. Teshi tukaambewo tubili kusheesho shakapanga maanseesu ayi, ‘Balesa besu’ mukwiinga muli ndimwe bana banshiwa mobacana nkumbu.”

Osiya 14:4

Mwaami Lesa waamba ayi, “Ndaakushilika bwaashu bwa bantu bangu akubasuna amoyo wangu woonse. Bukali bwangu pali mbabo bwamana.

Jowelo 3:4

“Ono mwebo nobene Taya, bene Sidoni amwebo nobamushishi shoonse sha bene Filisiti mutooyanda kuncitila buyani? Sa mulisuni kumbooshesha cishole ceebo ca cintu cimwi ncendakamucitila? Na mbomutooyanda kucita ubo, ndaakuboosha cishole pali ndimwe cakufwambaana!

Abakuku 1:13

Meenso anu alisalalite abuumbi cakunoolangabo bubi kabucitika. Tamukoonshi kusuminisha ayi shitaluleme shinoocitikabo. Ino ono ceebonshi mutokweebelabo bamucita shibi aba batashomeki? Ino ceebonshi mulyuumwitebo bamucita shibi kabanyonyoola cakumaninina bantu baluleme kwiinda mbabo?

Dutolonomi 10:18

Ulabikaako maano kubamucaala akubamukalubinje kubona kwaamba ayi tabatoonyengelelwa. Baswamashi bekala pakati kesu ulibasuni alimwi ulabapa shakulya ashakufwala.

2 Timoti 1:12

Nceceeco ncentoopengela bobulya. Nakubi boobo nshinyumfwi nsoni ceebo ndimwishi uyo ngoonshoma. Aboobo ndishinishite kwaamba ayi ulakonsha kusunga isho shoonse nshaakabika mumaansa angu ayi ndame kushikila bushiku bwakoombolosha.

Bene Ebulu 4:13

Taaku cintu nabi comwi cishisitwe pameenso akwe Lesa, sombi shoonse shilengwa ulashibona bweenka mbuli mboshibete alimwi nkuli nguwe nkotweelete kusansulwita shoonse nshetwakacita.

1 Pita 4:19

Aboobo abo bapenshekwa ceebo cakuyanda kwakwe Lesa, balibeenge mumaansa a Mulengi wabo ushomeka, akutolelela kucita milimo ibotu.

1 Pita 5:7

Amutole kulisukama kwanu koonse kuli nguwe ceebo ngoomulama.

Boomboloshi 1:7

Mpeeke Adonibeseki wakaamba ayi, “Ndakasutula shikumo shinene sha kumaansa akumyeendo sha bamaami bali makumi osanwe aobilo abo mbondakaambila kunoobweselela busekele panshi lya tebulu lyangu. Ono Lesa wambooshesha cishole.” Kuswawaawo bakamutola kuJelusalemu uko nkwaakaya mukufwita.