Kulumbaisha 1:1 - Baibo Busansulushi Bwa Libuku Ili

¹ Ulicite coolwe muntu uyo uteendi munshila shibiibi sha beshikubisha, utakonkeli shicita bamucita shibi abo, alimwi utasenkani abaabo baweluluka shakwe Lesa.

Kulumbaisha 1:1 Marejeleo ya Msalaba

Matalikilo 49:6

Teshi nkanjile mumibandi yabo ya bushishi, nabi kusenkaanaabo mukubungana kwabo. Bakacaya bantu mubukali bwabo alimwi bakatyoloola bacende mukulisangalasha.

Matalikilo 5:24

Enoki wakeenda mubushicibusa aLesa buumi bwakwe boonse. Mpeeke wakashiminganabo ceebo Lesa wakamutola.

1 Baami 16:31

Taakwe kubishabo mbuli mbwaakabisha Jeloboamu mwanaakwe Nebati, sombi lakwe wakaya amukweeba walutundu wiitwa ayi Jesebelo, mwaana mwanakashi wakwe Etibaala mwaami wa bene Sidoni. Lyalo wakatalika kusebensela Baali akumulambila.

2 Makani 22:3

Alakwe wakalinga kucita bweenka bwakalinga kucita bamuŋanda yakwe Aabu mukwiinga banyina bakalinga kumuyumyayumya kucita shintu shibiibi.

Jobo 10:3

Sa cilamukonda kundyatilila akunsebaanya nemulimo wa maansaanu, sombi kamukondwa milimo ya bamucita shibi?

Jobo 21:16

Balalinyumfwa ayi balaswitilila kwiinda munkusu shabo beene. Sombi nebo nshisumini mukuyeeya kwabo kwa mushobo uyu.

Jobo 31:5

“Na ndakeenda munshila shibiibi nabi na ndakacenjeekawo kale bantu bamwi,

Kulumbaisha 1:6

Ncakwiila Mwaami Lesa ulalama baluleme, sombi bamucita shibi balilulemebo mukunyonyooka.

Kulumbaisha 106:3

Balicite coolwe bakonkela milawo ya Mwaami Lesa, abo bacita shiluleme lyoonse.

Kulumbaisha 112:1

Amulumbaishe Mwaami Lesa! Ulicite coolwe muntu uloonda Mwaami Lesa, muntu usangalala mukulama milawo yakwe.

Kulumbaisha 119:115

Amuntalamuke mwebo nobamucita shibi kwaamba ayi nkonkele milawo yakwe Lesa wangu.

Kulumbaisha 144:15

Balicite coolwe bantu bacitikilwa shintu ishi, ee, balicite coolwe bantu baamba ayi Mwaami Lesa ngoLesa wabo.

Kulumbaisha 146:5

Ulicite coolwe muntu ucafwikwa kuMwaami Lesa wakwe Jakobo, ncakwiila muntu ucinkite manungo muMwaami Lesa, Lesa wakwe.

Kulumbaisha 146:9

Mwaami Lesa ulalama baswamashi bekala pakati lyesu. Uleemikanina bamukalubinje abana banshiwa. Sombi ulapilinganya buumi bwa bamucita shibi.

Kulumbaisha 2:12

mukwiinga inga mwabusha kalete cakufwambaana, aboobo mulaakufwa cakuteengashila. Balicite coolwe abo boonse baya mukuyuba kuli nguwe.

Kulumbaisha 26:12

Ndiimfwi pamusena pataapu cakulisukama, ndalumbaisha Mwaami Lesa pakati ka likoto lya bantu bakwe.

Kulumbaisha 34:8

Amweeleshe, mutoobona ayi Mwaami Lesa ngumubotu. Ulicite coolwe muntu uyuba muli nguwe.

Kulumbaisha 36:4

Balo nabi balilete pabulo mulimo wabo nkupanga miyeeyo ibiibi. Taaku cintu cibotu nabi comwi ncebacita, alimwi taaku cintu cibiibi cili coonse ncebakakaawo.

Kulumbaisha 64:2

Amunshiise kubamucita shibi abo bampinga, ee, kuswa kubaabo bacita bubi beshikunooyobekabo.

Kulumbaisha 81:12

Lyalo ndakabaleka acimpamya cabo. Ndakabaleka ayi bakonkele nshila shabo.

Kulumbaisha 84:12

NoBaami baLesa Beshinkusu shoonse, balicite coolwe abo bacinkite manungo muli ndimwe.

Tushimpi 1:15

Omwanaangu, kutasumina kweenda abantu ba mushobo uyo. Kuteelesha nabi paniini kukonkela nshila shabo

Tushimpi 1:22

Butokwaamba ayi, “Ino mwebo nobaluya, anu mulaakucileka lili kwikala mubuluya bwanu? Anu mwebo nobeshikucelebula mulaakucileka lili kusangalalila mukucelebula kwanu? Anu nobaluya mulaakucileka lili kusuula lushibo?

Tushimpi 13:15

Maano akunyumfwisha shintu alalengesha muntu kulemekwa, sombi batashomeki bali munshila yakunyonyoolwa.

Tushimpi 13:20

Muntu weenda abasongo alakwe ulaba musongo, sombi shimweenda aumineme alakwe ulaminama.

Tushimpi 19:29

Milandu ilalindila beshikucelebula akwalo kuumwa kumisana nkwa baluya.

Tushimpi 2:12

Busongo bulaakukupulusha kunshila sha bamucita shibi. Ee, kukupulusha kubantu baamba shintu shileta mapensho.

Tushimpi 3:34

Ncakwiila ulaweluluka bantu balisumpula, sombi ulapa luse kubaabo baliceesha.

Tushimpi 4:19

Sombi nshila ya bamucita shibi ili anga ngumunshinshe ushiya mbi cakwaamba ayi tabashibi anshebaya bulisuntulaako.

Tushimpi 9:12

Na webo uli musongo, ndushinisho busongo bwako bulaakukulambula. Ono na kooli shikucelebula, webo omwiine ndiwe weshi ukapengeleemo.”

Jelemiya 15:17

Nebo nshindakalinga kulitiba mulikoto lya beshikusekelela nabi kunoolisangalasha pantu pomwi ambabo. Nebo ndakalinga kwikalabo neenka ceebo lyaansa lyanu lyakalinga pali ndime. Ncakwiila lyaansa lyanu lyakansusha bukali.

Jelemiya 17:7

“Sombi ulicite coolwe muntu uyo ucinka manungo muMwaami Lesa, ndushinisho uyo ushoma muli nguwe.

Esekelo 20:18

Lyalo ndakaambila bana babo muluyanga ayi, Mutanookonkela milasho ya bamashali banu bakulukulu nabi kulama milawo yabo nabi kulibisha nobeene mukulambila shibumbwabumbwa shabo.

Mateyo 16:17

Mpeeke Jesu wakamukumbula ayi, “Ulicite coolwe Simoni omwanaakwe Jona! Teshi muntu wakuyubulwiita ceeci, sombi mbaTa ba kwiculu.

Luka 11:28

Sombi Jesu wakakumbula ayi, “Ee, sombi bacite coolwe cinene mbaabo banyumfwa maswi akwe Lesa akucita mbwaamba!”

Luka 23:51

alimwi wakalinga kulangilabo Bweene bwakwe Lesa. Nakubi kwaamba ayi alakwe wakalinga mweendeleshi wa munkuta ya baJuda, taakalinga kusumina miyeeyo amicito imwi ya beendeleshinyina.

Joni 13:17

Ono bulya mbomweshiba shintu ishi, mulaakuba acoolwe na mukashiciite.

Joni 20:29

Jesu wakamwiipusha ayi, “Sa washooma ceebo wamboona? Balicite coolwe abo bashoma kabatana kubona.”

Bene Loma 5:2

Mwaami wesu uyu ngowakatucalwita nshila kwiinda mulushomo kwaamba ayi Lesa atucitile luse ulo ndotubeteemo abobulya. Aboobo tulasangalala mukwiinga tulashoma ayi tulaakutambula shipo sha mubulemu bwakwe Lesa.

Bene Efeso 6:13

Paceebo ceeco amufwale shakulwanisha isho Lesa nshaamupa, kwaamba ayi mukacikoonshe kulwana cakutaboola pesule pabushiku bwa kushikilwa bubi. Mwaakumanisha kulwana, mulaakushimpa.

Dutolonomi 14:6

Mulakonsha kulya banyama boonse bapanseene shoondo, batikula shakulya akushitafuna alimwi.

Dutolonomi 33:29

Mulicite coolwe mwebo nobene Isilaeli! Taaku mushobo uli mbuli ndimwe nomwakafunwa aMwaami Lesa. Mwaami Lesa mwiine ndyeliyawo lyanu alimwi ngomupeeni wanu, uyo umufuna akulengesha ayi mukome. Balwani banu balaakwisa mukulibombya kuli ndimwe, nakubi boobo mulaakubalyatoola.”

1 Pita 4:3

Mukwiinga mwakaswaamo kale muciindi cakucita shintu shisuni kucita bakunsengwe. Mwakalinga kwikala buumi bwakutalilemeka, lunkumbwa, bucakolwa, kusekelela kwa bufuule, kusekelela kwakukolwa alimwi akulambila kulensha nsoni kwa shibumbwabumbwa.

Ciyubululo 22:14

Balicite coolwe abo bacapa shakufwala shabo kwaamba ayi bakasuminishikwe kulya shisepo sha kucisamu cipa buumi alimwi akwinjila mundabala inene iyo.