Kulonga 8:15 - Baibo Busansulushi Bwa Libuku Ili

¹⁵ Ono mwaami Falawo ndyaakabona ayi babombwe bafwa, wakaba shicimpamya alimwi. Kweelana abwakaamba Mwaami Lesa, mwaami Falawo wakakaka kunyumfwila Mose aAloni.

Kulonga 8:15 Marejeleo ya Msalaba

Kulonga 14:5

Mwaami Falawo wa mucishi ca Ijipiti ndyaakanyumfwa ayi bene Isilaeli baloboka, lakwe alimwi abacinenenene bakwe bakayeeya miyeeyo imwi akwaamba ayi, “Ino twacitilanshi bobulya? Twaleka bene Isilaeli ayi baye, mbulya ono twabuula basha!”

Kulonga 4:21

Mwaami Lesa wakaambila Mose alimwi ayi, “Ono bulya mbootoboolela kuIjipiti, ulyeelete kucita pameenso a mwaami Falawo shaankamiko shoonse nshendakakubonesha. Sombi ndaakulengesha mwaami kuba shicimpamya akukaka kusuminisha bantu ayi baye.

Kulonga 7:4

teshi akamunyumfwileewo. Lyalo ndaakuleta mapensho anene abuumbi mucishi ca Ijipiti, akutanjilila shipani sha mikowa ya bantu bangu kuswa mucishi ico.

Kulonga 8:14

Bene Ijipiti bakabunjika babombwe abo bakafwa mumilwimilwi. Mpeeke cishi coonse cakanunkabo nununu kubabombwe.

Kulonga 8:16

Mpomunyaawo Mwaami Lesa wakaambila Mose ayi, “Lwiita Aloni ayi oome nkoli yakwe panshi. Mpeeke lusuko luli mucishi ca Ijipiti coonse lutokwaaluka mpobe.”

Kulonga 8:28

Mwaami Falawo wakaamba ayi, “Ntoomusuminisha kuya mukubenga milambu kuMwaami Lesa, Lesa wanu muluyanga na mubule kuya kulaale. Ono kamumpaililaako.”

Kulonga 8:29

Mpeeke Mose wakakumbula ayi, “Kulilabo na nswe waano, ntoopaila kuMwaami Lesa ayi ciilo baloonshi boonse bakasweewo pali ndimwe, bacinenenene banu alimwi abantu ba mucishi canu. Sombi tamweelete kutubeca alimwi, akukasha bantu kuya mukubenga milambu kuMwaami Lesa.”

Kulonga 8:32

Nacibi boobo mwaami wakacita cimpamya akubooshaawo kukasha bantu kuya.

Kulonga 8:8

Mpeeke mwaami Falawo wakeeta Mose aAloni akubaambila ayi, “Amupaile kuMwaami Lesa kwaamba ayi akushe babombwe aba, anebo ndyeshi nsuminishe bantu banu ayi baye bakabenge milambu kuMwaami Lesa.”

Tushimpi 26:11

Bweenka kabwa mbwaaboolela mukulya shakulya nshaaluka, mbweeke ubo muluya mbwaabooshaawo kucita shabuluya.

Tushimpi 29:1

Muntu utolelela kuba shincimpamya pesule lyakululikwa mankanda aanji aanji, ulaakunyonyoolwa cakuteengashila alimwi cakutashilikikwaawo.

Shikushimikila 8:11

Na beshimilandu bacelwa kupekwa milandu, bantu baanji balatalika kuyeeya kucita shintu shibiibi.

Isaya 26:10

Na nkuumbu shatondeshekwa kumucita shibi, ndushinisho bululami taabwiiyiiwo napaceyi. Lakwe pakati ka bantu baluleme micito yakwe njakusendamya alimwi taalemeki Mwaami Lesa napaceyi.

Osiya 6:4

Sombi Mwaami Lesa waamba ayi, “Nobene Isilaeli anobene Juda anu mwebo inga ndamucitawo buyani? Lusuno lwanu lulibo anga ngushikunku wa macuunsa, ee, anga ngumume uyo ukupuka na lumwi lwabala.

Bene Ebulu 3:15

Malembo akwe Lesa alaamba ayi, “Na munyumfwe maswi akwe Lesa sunu, mutabi beshicimpamya, bweenka mbuli bamashali banu bakulukulu ndibakaashukila Lesa.”

Bene Ebulu 3:8

mutabi beshicimpamya bweenka bwakacita bamashali banu bakulukulu ndibakabukila Lesa pabushiku ndibakamusunka muluyanga.

Ciyubululo 16:9

Aboobo kulungula kwakabatenta abuumbi. Mpeeke bakacobola Lesa ucite nkusu shakuleta myaalu ili bobulya. Nakubi boobo tabakwe kusanduka kuswa kushibiibi shabo kwaamba ayi bamulumbaishe.

1 Samwelo 6:12

Mpwishi isho shakatalika kweenda kuya kuBeti Shemeshi cakutapambookaawo, sombi kashilulemebo kundabala iyo. Ndishakalinga kuya shakalinga kuya cilila. Bamaami ba bene Filisiti bosanwe abo bakashikonkela kushika akunyinsa ya Beti Shemeshi.

1 Samwelo 6:3

Bakakumbula ayi, “Na mutooyanda kuboosha Libokoshi lya Cipangano ca Mwaami Lesa, Lesa wa bene Isilaeli, mutumye acipo cakumana mulandu wanu uyu kuli nguwe. Libokoshi lya Cipangano talyeelete kuyabo kwakubula cipo. Na mukatumye cipo mulaakuba kabotu alimwi mulaakwishiba ncaalinga kunoomutondeshesha bukali.”

1 Samwelo 6:6

Ino mutooyanda kubetaanshi beshicimpamya mbuli Falawo mwaami wa bene Ijipiti abantu bakwe? Sa tamwiingashite mbwaakabapensha kushikila basuminisha bene Isilaeli kuswa muijipiti akuya?

1 Samwelo 6:9

Lyalo munoosheebelabo akubona nkweshi shiye. Na shilulame kundabala ya Beti Shemeshi, citoosansulula ayi nguLesa wa bene Isilaeli walengesha mapensho a mushobo uyu kucitika pakati kesu. Ono na cibule kuba boobo, tutooshiba ayi teshi ngowakatuma mwaalu, ingayi wakababo wiine.”