Kulonga 37:29 - Baibo Busansulushi Bwa Libuku Ili

²⁹ Alimwi wakapanga mafuta asalalite akunanika, alimwi atununkila kabotu, asenkanishitwe ali anga ngamafuta acite bweema bubotu.

Kulonga 37:29 Marejeleo ya Msalaba

Kulumbaisha 141:2

Mupailo wangu ube anga ntununkila kabotu pakutenta kunembo lyanu. Kutambika maansaangu kube anga ngumulambu wa macolesha.

Kulumbaisha 23:5

Mwebo mulamambila shakulya balwani bangu kabambwene. Mulantambula akumpa bulemu bwa muntu wakatambwa kukusekelela, alimwi akususha nkomeshi yangu cakusempooka.

Kulumbaisha 92:10

Sombi nebo mwanjuumya anga ninyati, mwananika mafuta abotu mukumpa bulemu.

Kulonga 30:22

Mpeeke Mwaami Lesa wakaambila Mose ayi,

Kulonga 37:28

Wakapanga shisamu shakunyamwisha sha cisamu ca mulombe isho nshaakananika golodi.

Shikushimikila 10:1

Baloonshi bafwite balalengesha mafuta anunkila, kununka cibiibi. Mbweeke ubo abuluya nabuceyi bulakoma busongo abulemu.

Isaya 11:2

Mushimu wa Mwaami Lesa ulaakumuselukila, ee, Mushimu wa busongo akunyumfwishisha. NguMushimu wakupanda maano akupa nkusu. Mushimu wa lushibo akuloonda Mwaami Lesa.

Isaya 61:1

Mushimu wa Mwaami Lesa Shinkusu shoonse uli pali ndime, mukwiinga wansala kwaamba ayi nshimikile makani abotu kubakandu. Wantuma kwaamba ayi njumyeyumye batyongooka mumyoyo akwaambilisha lwaanguluko kubaabo baangitwe, akucita kwaamba ayi boofu balashe.

Isaya 61:3

Wakantuma kucafwa baabo balila muSiyoni, kubafwalika ngala yakukondwa kuteshi milota ya buumba. Kubapa mafuta atondesha kusangalala kuteshi mapensho aleta minsonshi. Kubalengesha kwiimba nyimbo shakulumbaisha kuteshi buumba. Balaakunokwiitwa ayi mibanga yabululami iyo Mwaami Lesa njaakashanga kwaamba ayi atondeshe bulemu bwakwe.

Joni 3:34

Ee, uyo Lesa ngwaakatuma ulaamba maswi akwe Lesa ceebo ulamupa Mushimu Usalashi cakuteeleka.

Bene Ebulu 5:7

Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.

Bene Ebulu 7:25

Nceceeco bulya anshiiku shoonse, ulakonsha kupulushisha baabo besa kuli Lesa kwiinda muli nguwe mukwiinga ngumuumi lyoonse kwaamba ayi anoobasengelaako kuli Lesa.

1 Joni 2:20

Sombi mwebo Klistu wakamupa Mushimu Usalashi, aboobo mulishi shalushinisho shoonse.

1 Joni 2:27

Sombi mwebo, Klistu wakamupa Mushimu Usalashi ukala muli ndimwe. Aboobo takuyandiki aumwi mufundishi mukwiinga Mushimu Usalashi ngomwakatambula ulamwiisha shoonse alimwi nshaamwiisha nshalushinisho, teshi shabubeshi. Paceebo ceeco, kweelana ambwaakamwiisha, amukalilile muli Klistu.