Kulonga 35:22 - Baibo Busansulushi Bwa Libuku Ili

²² Basankwa abanakashi boonse abo bakasuna kuleta cipo, bakaleta mapiini akulibotesha, masikiyo, ninga, shakufwala munshingo alimwi amishobo ipusenepusene ya makosa a golodi akushibenga ayi ncipo cakutambeeka kuMwaami Lesa.

Kulonga 35:22 Marejeleo ya Msalaba

Mateyo 2:11

Ndibakenjila muŋanda, bakabona mwaana alimwi aMaliya banyina. Mpomunyaawo bakafukama akulambila mwaana. Lyalo bakacalula shoola shabo akupa shipo sha golodi, atumwi tununkila kabotu pakutenta alimwi amafuta anunkila kabotu eetwa ayi mule.

Esekelo 16:11

Ndakakufwalika shintu shakulibotesha sha makwebo. Ncakwiila ndakakufwalika makosa alimwi abulungu bwa munshingo.

Isaya 60:13

“Bulemu bwa musaansa wa kuLebanoni ee, shisamu shoololokete sha mapaini ashimwi shoonse shilaakuletwa kwaamba ayi baboteshe musena usalalite. Lyalo ndaakulengesha Ŋanda yangu kuba abulemu.

Isaya 60:9

Shintu isho ngamaato atooswa kushishi sha kulaale. Ali kunembo ngamaato aswa kuTashishi atooboosha bantu bangu neLesa. Aliyumwite silifa alimwi agolodi mukumpa bulemu neMwaami Lesa, Lesa usalalite wa bene Isilaeli uyo walengesha mishobo imwi yoonse kulemeka bantu bangu.

Isaya 3:19

masikiyo, makosa, tusani ntobalifweka pameenso,

Shakubelenga 31:50

Paceebo ceeci, twaleta shintu shakulibotesha sha golodi nkokwaamba ayi shakufwala kumaansa, makosa, ninga, masikiyo alimwi ashakufwala munshingo, isho womwi awomwi pakati kesu nshaakabwesa. Ono tutooshipa Mwaami Lesa ayi tulisalashe kweelana aMilawo pameenso akwe.”

Kulonga 32:3

Aboobo bantu boonse bakafuula masikiyo abo a golodi, akwaaleta kuli Aloni.

Kulonga 32:2

Alakwe aloni wakabaambila ayi, “Amufuule masikiyo a golodi ayo afwete bamakaanu, bana banu basankwa alimwi abanakashi, mundetele.”

Kulonga 35:21

alimwi boonse abo bakasuna kucita bwakabalwiita Mose, bakaleta cipo kuMwaami Lesa cakupangisha Tente ya Cipangano. Bakaleta shoonse shakalinga kuyandika pamilimo yakulambila alimwi akupanga shakufwala sha bupailishi.

Kulonga 35:23

Abo boonse bakalinga kucite booya bwa mbelele buboneka anga ndiculu, bufubelafubela alimwi abusalalabo pyu, shisani shibotu shiteshimite, booya bwa mpongo, shipaya sha mbelele shisankwa isho nshebakaalula mushobo usalala, shipaya shimwi shibotu abuumbi, bakashileta.

2 Baami 12:4

Joashi wakaambila bapailishi ayi, “Kamubwesa maali oonse aletwa ayi nshipo shisalalite kuŊanda yakwe Lesa, nkokwaamba ayi maali amusonko alimwi amaali apekwa ncipo cakulyaaba.

2 Makani 29:31

Kuswawaawo Esekiya wakaamba ayi, “Ono bulya mwalisalasha kweelana aMilawo. Anu amulete milambu ashipo shakulumba Mwaami Lesa.” Mpeeke bantu boonse bakaleta milambu ashipo shakulumba Lesa. Bamwi bakaleta amilambu yakutenta cakulyaaba beene.

Tushimpi 25:12

Kukalalila kwa musongo kumuntu usuni kunyumfwa, kuleenda masikiyo nabi cakulibotesha cimwi ca golodi wiine wiine.