Kulonga 34:7 - Baibo Busansulushi Bwa Libuku Ili

⁷ Ndalama cipangano cangu kumashalane ali shuulu ashuulu, alimwi akulekelela bantu pabubi ashibiibi shabo. Sombi teshi nkaalilwe kupa mulandu baana alimwi abameeshikulu babo, kushikila akulishalane lyatatu alyane, ceebo ca shibiibi sha bamashali babo.”

Kulonga 34:7 Marejeleo ya Msalaba

Matalikilo 19:16

Loti wakatonshatonsha. Nacibi boobo Mwaami Lesa wakamufwita nkumbu. Aboobo basankwa balya bakacata Loti, mukaakwe, abana bakwe banakashi pamaansa akubakusha mundabala iyo.

1 Baami 8:30

Kamunyumfwila mipailo yangu aya bantu banu bene Isilaeli na balanga kuŋanda yanu pakupaila. Amutukutike kwiculu uko nkomwikala akutulekelela shibiibi shesu.

1 Baami 8:32

noBaami baLesa, amunyumfwe kwiculu uko akoombolosha basebenshi banu. Amupe mulandu uyo ulubite kweelana ambwaaelete akuleka wooyo utacite mulandu.

2 Makani 30:9

Na muboole kuMwaami Lesa, abo bakatola bamakwabanu busha balaakubanyumfwila nkumbu akubaleka ayi baboolele kumishaabo. Mwaami Lesa ngushinkumbu alimwi ulicite luse. Na muboole kuli nguwe, ncakwiila utoomutambula.”

Neyemiya 1:5

Ndakapaila ayi, “NoBaami baLesa, baLesa ba kwiculu, nobaLesa banene, nomulemekwa, mulalama cipangano ca lusuno kuli baabo bamusuni alimwi bakonkela milawo yanu.

Neyemiya 9:32

“Ono nobaLesa besu, ncakwiila muli baLesa beshinkusu, mulalemekwa alimwi mulakankamika abuumbi! Mulacita kweelana acipangano canu ca lusuno. Twapeenga abuumbi kuswa kuciindi bamaami ba bene Asilya ndibakatulyatila kushikila asunu. Bamaami besu, bamatanjilili, bapailishi, balaluki, bamashali besu bakulukulu abantu besu bamwi boonse bapenga abuumbi. Ono amwiibaluke mbotwakapenshekwa!

Jobo 10:14

Mwakalinga kunjebelabo kubona na inga ndabiisha kwaamba ayi mutakandekeleli shibiibi shangu.

Kulumbaisha 103:3

Ulalekelela shibiibi shangu shoonse, alimwi ulashilika malwashi angu oonse.

Kulumbaisha 109:14

Mwaami Lesa akeebaluke shibiibi sha bamashali babo bakulukulu alimwi atakalekeleliiwo shibiibi sha banyina.

Kulumbaisha 130:4

Sombi mwebo mulalekelela shibiibi shesu, paceebo ceeci swebo tulamulemeka abuumbi.

Kulumbaisha 136:10

Wakacaya baana bakwiiya ba bene Ijipiti, ee, mukwiinga lusuno lwakwe ndwamuyayaya.

Kulumbaisha 136:15

Lesa wakalobya Falawo abashilumamba bakwe muLweenge Lusalala, ee, mukwiinga lusuno lwakwe ndwamuyayaya.

Kulumbaisha 25:11

Ono ceebo ca ndimwe noBaami baLesa amulekelele bubi bwangu nabi mbuunji.

Kulumbaisha 86:15

Sombi mwebo nobaLesa, muliswite nkumbu aluse, tamukalali bwaangu, mulicite lusuno lutamaani alimwi mulashomeka.

Kulumbaisha 99:8

NoBaami baLesa, baLesa besu mwakakumbula bantu banu. Mwakabatondesha ayi muli baLesa balekelela shibiibi, nakubi kwaamba ayi mwakalinga kubapa mulandu pashibiibi shabo.

Kulonga 23:21

Mukanoomunyumfwila alimwi akukonkela nsheshi akanoomulwiita. Mutakamwaalukili, ceebo ndime ndamutuma alimwi na mukamwaalukile, teshi akamulekeleleewo.

Kulonga 23:7

Mutabekeshi muntu shikani, nabi kupingula ayi muntu utacite mulandu acaikwe, mukwiinga ndaakupa mulandu muntu woonse ucita cibiibi ca mushobo wooyu.

Kulonga 33:19

Mwaami Lesa wakumbula ayi, “Ntoolengesha ayi bulemu bwangu boonse bwiinde panembo lyako, alimwi ntoobanda pameenso ako liina lyangu lisalalite ayi Mwaami Lesa. Nebo ndime Mwaami Lesa alimwi ndabonesha lulekelelo alimwi ankuumbu kubaabo mboonsuni.

Kulonga 34:9

Wakaamba ayi, “NoBaami baLesa, na ncakwiila mulikondetwe muli ndime, ndamusenga ayi muye aswebo. Bantu aba mbeshicimpamya, sombi mutulekelele pabubi bwesu alimwi ashibiibi shesu akututambula ayi tube bantu banu.”

Isaya 45:21

Amwaambe ceshi cicitike, ee, amukonkolole. Amulifuuyefuye palwaanu nobeene. Ngani wakaamba cikani ici kale kale? Ngani wakacaamba kacicilibo kulaale kucitika? Sa teshi ndime neMwaami Lesa? Ncakwiila taaku Lesa aumwi kulekabo ndime. Ndi Lesa ululeme alimwi Mupulushi. Ee, taaku lesa aumwi, ndimebo.

Jelemiya 30:11

Ndi amwebo alimwi ndaakumupulusha. Nabi nkanyonyoole mishobo yoonse mulya mondakamupalanganishisha, mwebo teshi nkamunyonyoole cakumaninina, sobwe. Ndaakumupa mulandu, sombi ndaakumoombolosha cakutamunyengelela. Teshi nkamulekebo kwakutamupa mulandu, sobwe. Nebo neMwaami Lesa ndaamba.”

Jelemiya 32:18

Mulatondesha lusuno lwanu kushuulu sha bantu, sombi mulapa milandu baana ceebo cakubisha kwa bamashali babo. Mwebo ndimwe baLesa bacite nkusu shinene abuumbi. Liina lyanu ndimwe Baami baLesa Beshinkusu shoonse.

Jelemiya 9:24

Sombi uyo woonse ulilumbaisha, aalilumbaishishe ceebo cakwaamba ayi wakanyumfwisha shapali ndime alimwi ulinshi. Ncakwiila kunshiba ayi ndime Mwaami Lesa utondesha nkumbu, woombolosha cakutanyengelela alimwi ucita bululami pacishi ca panshi. Ishi nsheshintu moonsangalalila. Nebo neMwaami Lesa ndaamba.”

Danyelo 9:4

Ndakapaila kuMwaami Lesa, Lesa wangu akulyaambilila shibiibi sha bene misheesu ayi, “NoBaami baLesa, mulicite nkusu alimwi tulamulemeka. Mulashomeka kucipangano canu alimwi mulatondesha lusuno lwanu lutamaani kubaabo bamusuni alimwi banyumfwila milawo yanu.

Danyelo 9:9

Mwebo noBaami baLesa, baLesa besu, mulicite nkumbu alimwi mulatulekelela shibiibi nabi twakamwaashukila.

Mika 6:11

Anu inga ndalekelela buyani muntu utasebenseshi shipimo sheelete ee, usebensesha mabwe akupimisha abubeshi?

Mika 7:18

Ino ngani lesa weelene amwebo, lesa uyo ushiminganya shibiibi akulekelela milandu ya bantu banu bakacaala? Mwebo tamukalali kwa lyoonse alyoonse, sombi mulasangalala mukutondesha lusuno lutamaani.

Naamu 1:6

Ngani weenga weemikana kubukali bwakwe? Ngani ukonsha kwiimikana kubukali buyoosha? Bukali bwakwe bulanyaka anga ngumulilo. Mabwe oonse alapwayooka kunembo lyakwe.

Mateyo 12:31

Paceebo ceeco, ntoomulwiita calushinisho ayi Lesa ulaakulekelela muntu cibiibi cili coonse nabi mucobwe uli woonse ngweenga wacita. Sombi uyo woonse weenga wacobola Mushimu Usalashi teshi akalekelelwe.

Mateyo 6:12

Amutulekelele shibiibi shesu, bweenka mbotulekelela batubishisha.

Luka 7:42

Ndibakaalilwa kuboosha, boonse wakabalekelela. Ono pabantu bobilo balya, nguli eshi akasune bunene shikukweletesha?”

Luka 7:48

Mpomunyaawo Jesu wakaambila mwanakashi uyo ayi, “Shibiibi shako shalekelelwa.”

Milimo ya Batumwi 13:38

Paceebo ceeco, mwebo noonse nobamakwesu mulyeelete kwishiba ayi tutoomushimikila ayi kwiinda muli Jesu, Lesa inga wamulekelela shibiibi shanu.

Milimo ya Batumwi 5:31

Sombi Lesa wakamusumpula akumubika kulubasu lwakwe lwalulyo ayi abe Mwaami alimwi aMupulushi. Wakacita boobo ayi bantu ba muIsilaeli babe aciindi cakusanduka kuswa kushibiibi shabo, balekelelwe.

Bene Efeso 1:7

Kwiinda mulufu lwakwe ndwaakalibenga, Jesu wakatwaangulula alimwi tulalekelelwa shibiibi shesu kwiinda mubulowa bwakwe. Ncakwiila luse lwakwe Lesa lulakankamika abuumbi,

Bene Efeso 4:32

Sombi mulyeelete kucita shibotu kubantu, kunyumfwilana nkumbu alimwi akulekelelana bweenka Lesa mbwaakamulekelela kwiinda muli Klistu.

Dutolonomi 32:35

Mwaami Lesa ulaakuboosha cishole mukubapa mulandu. Paciindi ceelete balaakuwa boonse. Bushiku bwa mapensho abo buli pafwaafwi. Balaakunyonyoolwabo onoono.

Dutolonomi 7:10

Sombi boonse balwani bakwe ulaakubapa mulandu kwiinda mukubanyonyoola. Teshi akabalekebo napaceyi.

Dutolonomi 7:9

Amwiibaluke kwaamba ayi Mwaami Lesa, Lesa wanu ngoLesa eenkabo alimwi ulashomeka. Ulaakubamba cipangano cakwe akutondesha lusuno lwakwe luli mushobo womwi lyoonse kushikila akumashalane ali cuulu abantu bamusuni alimwi bakonkela milawo yakwe.

Bene Ebulu 12:29

Mukwiinga Lesa wesu ncakwiila ngumulilo unyonyoola.

Joshuwa 24:19

Mpomunyaawo Joshuwa wakaambila bantu ayi, “Mpashi kusebensela Mwaami Lesa cikamuyumine. Mukwiinga lakwe nguLesa usalalite, ucite busuba, aboobo teshi akalekelele bwaashu bwanu alimwi ashibiibi shanu.

1 Joni 1:9

Sombi na twalyaambilila shibiibi shesu, Lesa ulashomeka alimwi uliluleme, aboobo ulatulekelela shibiibi shesu akutusalasha kumicito yesu yoonse italuleme.

Ciyubululo 20:15

Uyo woonse utakwe kulembwa liina mulibuku lya boomi, wakawaalwa mulweenge lwa mulilo.

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”