Kulonga 34:29 - Baibo Busansulushi Bwa Libuku Ili

²⁹ Mose ndyaakaseluka paKalundu ka Sinayi kaayumwite mabwe obilo apampamene pakalinga kulembetwe Milawo ili Likumi, ciwa cakwe cakalinga kubala ceebo wakalinga kwaamba aMwaami Lesa. Nacibi boobo, mwiine taakalinga kwishi.

Kulonga 34:29 Marejeleo ya Msalaba

Kulonga 16:15

Bene Isilaeli ndibakatubona, tabakwe kutwishiba, aboobo bakatalika kwiipushanya ayi, “Anu utu ntuunshi?” Mose wakabalwiita ayi, “Uyu ngoshinkwa Mwaami Lesa ngwaamupa.

Kulonga 31:18

Ono Lesa ndyaakamana kulwiita Mose paKalundu ka Sinayi, wakamupa mabwe obilo apampamene alya, apo Lesa mwiine mpwaakalemba milawo.

Kulonga 32:15

Mose wakaseluka pakalundu akuboolela, kaacite mabwe obilo apampamene apo pakalinga kulembetwe milawo kumbasu shoonse shobilo.

Kulonga 34:35

Abalo bantu ndibakalinga kubona ayi ciwa cakwe citoobala, wakalinga kucibooshaawo cisani kushikila ciindi ico ncaakalinga kuya mukwaamba aMwaami Lesa.

Shikushimikila 8:1

Ngani uli anga ngumusongo? Ngani weenga weshiba kusansulula shintu shoonse? Busongo bulalengesha muntu kusangalala alimwi bulamana mikonya pameenso akwe.

Mateyo 17:2

Mpomunyaawo mubili wakwe Jesu wakasanduka pameenso abo. Ciwa cakwe cakabala anga ndisuba ashalo shakufwala shakwe shakaboolabo tuu.

Maako 14:40

Ndyaakaboola alimwi, wakacana balilete ceebo shikoye shabo shakalikulemete kutulo. Aboobo bakabula acakwaamba.

Maako 9:6

Mukwiinga bashikwiiya aba bakaloonda abuumbi, Pita taakalinga kwishi ancaakalinga kwaamba.

Luka 2:49

Jesu wakabakumbula ayi, “Ino mwalikunangwetanshi? Sa temwalinga kwishi kwaamba ayi ndyeelete kuba muŋanda ya baTa?”

Luka 9:29

Mpomunyaawo ndyaakalinga kupaila, ciwa cakwe Jesu cakasanduka ashakufwala shakwe shakaboolabo tuu.

Joni 5:13

Sombi musankwa wakaba kabotu uyo, taakwe kumwishiba mukwiinga Jesu wakashiminganabo mulikoto lya bantu lyakalingaawo.

Milimo ya Batumwi 12:9

Pita wakamukonkela kushikila baswa muntolongo, sombi taakalinga kwishi na cakalinga kucita munjelo ncancinencine nabi na wakalinga kulota.

Milimo ya Batumwi 23:5

Paulo wakakumbula ayi, “Nobamakwesu, nshindalinga kwishi kwaamba ayi ngumupailishi munene mukwiinga Malembo akwe Lesa alaamba ayi, ‘Tooelete kwaambila muleli wa bantu bako maswi abiibi.’ ”

Milimo ya Batumwi 6:15

Mpomunyaawo boonse boomboloshi bakalangilishisha Sitifini, lyalo bakabona ciwa cakwe kaciboneka anga nca munjelo.

2 Bene Kolinto 3:13

Tatubete mbuli Mose uyo wakalifweka cisani pameenso, kwaamba ayi bene Isilaeli bataboni bulemu mbobwakalinga kuya cimana paciwa cakwe.

Dutolonomi 10:5

Mpeeke ndakapiluluka akukunkuluka kalundu. Lyalo kweelana abwakaamba Mwaami Lesa ndakaabika mulibokoshi ilyo ndindakapanga alimwi kuswabo lyeelyo mwaabete.”

Joshuwa 2:4

Sombi mwanakashi paciindi ici kaali wabashisa kale boonse bobilo. Mpeeke wakakumbula ayi, “Ncakwiila basankwa bobilo bakesa kuli ndime, sombi nshikwe kwishiba nkobakaswa.

Joshuwa 8:14

Ono mwaami wa kuAi ndyaakabona bashilumamba bakwe Joshuwa, lakwe alimwi abashilumamba boonse ba mundabala iyo bakafumabo kuya mukukumana abene Isilaeli ayi balwane pamusena uli pafwaafwi acinyika. Sombi taakalinga kwishi ayi bamubelamina kwisule lya ndabala.

Ciyubululo 1:16

Mulyaansa lyalulyo wakalinga kucite nyenyeenshi shosanwe ashobilo, amwalo mukanwa mwakaswa mupeeni ukolete koonse koonse. Ciwa cakwe cakalinga kuboneka anga ndisuba lyashika pakati ka mutwi cilimo.

Ciyubululo 10:1

Kuswawaawo, ndakabona aumwi munjelo shinkusu kaaswa kwiculu. Wakalinga kupilite mulikumbi, kumutwi wakwe kwakalinga kushingulukite nkongolo. Ciwa cakwe cakalinga kubala anga ndisuba alimwi myeendo yakwe yakalinga anga njimyaalamyaala ya mulilo.

Boomboloshi 16:20

Mpeeke wakoolobesha ayi, “BaSamusoni mbaabo bene Filisiti bamunjilila.” Ono ndyaakashinshimuka, lakwe kaayeeya ayi, “Ntooswita pansengwe nkalipakamune bweenka mbooncita lyoonse.” Lakwe kaateshi kwaamba ayi Mwaami Lesa wamushiya.