Kulonga 34:18 - Baibo Busansulushi Bwa Libuku Ili

¹⁸ “Mulyeelete kulama bushiku bwakusekelela kulya cimaande. Kweelana ambondakamwaambila, mukanoolya cimaande kwa nshiku shili shosanwe ashobilo mumweenshi wa Abibu, ceebo ngomweenshi ngomwakaswa mucishi ca Ijipiti.

Kulonga 34:18 Marejeleo ya Msalaba

Kulonga 12:2

“Uno mweenshi ulyeelete kuba ngomweenshi wakutaanguna mumwaaka kuli ndimwe.

Kulonga 12:42

Lyakalinga ndimashiku apo Mwaami Lesa ndyaakabalama akubakusha muIjipiti. Lyoonse pabushiku mbomunya ubu mashiku, bene Isilaeli boonse balyeelete kububenga kuMwaami Lesa kwaamba ayi mbushiku bwakulangila.

Kulonga 13:3

Mpomunyaawo Mose wakaambila bantu ayi, “Amwiibaluke bushiku ubu, ubo mbomwakaswa mucishi ca Ijipiti umo momwakalinga basha. Ubu mbobushiku Mwaami Lesa mbwaakamukusha kwiinda munkusu shakwe shiteelekwa acimwi cintu. Pabushiku ubo tamweelete kulya shinkwa.

Kulonga 13:4

Mwebo mwakaswa muIjipiti pabushiku ubu mumweenshi wa kutaanguna wa Abibu.

Kulonga 23:14

“Kamusekelela mankanda otatwe pamwaaka kwaamba ayi mulemeke ndime.

Kulonga 23:15

Mumweenshi wa Abibu, uyo ngomwakaswitamo muIjipiti, mulyeelete kusekelela kulya Cimaande akucita kweelana ambondakamwaambila. Munshiku shili shosanwe ashobilo shakusekelela uku, tamweelete kulya shinkwa nabi kwisa mukunambila maansabo.

Bene Lefi 23:6

Ono pabushiku bwalikumi ashosanwe, kusekelela kwakulya cimaande akwalo kulatalika. Aboobo kwanshiku shosanwe ashobilo, tamweelete kulya shinkwa.

Shakubelenga 28:16

“Ono kusekelela kwa bushiku bwa Pasika bwakwiibaluka kusotokela mukundemeka neMwaami Lesa kulyeelete kucitwa pabushiku bwalikumi ashone bwa mweenshi wakutaanguna.

Shakubelenga 28:17

Lyalo pabushiku bwalikumi ashosanwe balyeelete kuba akusekelela kumwi kwanshiku shosanwe ashobilo. Munshiku isho balyeelete kulya cimaande.

Maako 14:1

Kwakacaalabo nshiku shobilo kwaamba ayi bushikile bushiku bwa Pasika bwakwiibaluka kusotokela alimwi abushiku bwakusekelela kwakulya Cimaande. Bamatanjilili ba bapailishi alimwi abafundishi ba Milawo bakalinga kuyandoola nshila yakucatilamo Jesu cabushishi kwaamba ayi bamucaaye.

Luka 22:1

Ono bushiku bwakusekelela kulya Cimaande, ubo bwalinga kwiitwa ayi bushiku bwa Pasika bwakwiibaluka kusotokela, bwakalinga kuya cishikila.

Milimo ya Batumwi 12:3

Ono ndyaakabona ayi ici casangalasha baJuda, wakaambila bashilumamba ayi baye bacate Pita akumwaanga. (Ici cakacitika ciindi cakusekelela kulya Cimaande.)