Kulonga 34:17 - Baibo Busansulushi Bwa Libuku Ili

¹⁷ “Tamweelete kupanga balesa basheela alimwi akunoobalambila.

Kulonga 34:17 Marejeleo ya Msalaba

1 Baami 14:9

Webo weendaawo kucita shibiibi pabaabo bakalela webo kootana kuba mwaami. Wankaaka alimwi wasonkomona bukali bwangu kwiinda mukupanga shibumbwabumbwa, balesa ba golodi ayi unoolambila.

2 Makani 28:2

Wakakonkela bwakacita bamaami bene Isilaeli. Wakapangisha shibumbwabumbwa sha sheela shakwe Baali.

Kulonga 20:23

Tamweelete kulipangila balesa ba silifa nabi golodi twakunoolambila pantu pomwi anebo.

Kulonga 20:4

“Utalipangili shibumbwabumbwa shikoshanya ashintu sha kwiculu, mucishi ca panshi, nabi shili mumaanshi panshi lya cishi.

Kulonga 23:14

“Kamusekelela mankanda otatwe pamwaaka kwaamba ayi mulemeke ndime.

Kulonga 32:8

Baswa kale munshila iyo njendakabalwiita ayi banookonkela. Basungulula golodi akupanga mucende mwaana wa golodi. Bamulambila alimwi akubenga milambu kuli nguwe. Batokwaamba ayi, ‘Nobene Isilaeli, uyu ngolesa wesu, uyo wakatukusha muIjipiti!’ ”

Jelemiya 10:14

Boonse mbaluya alimwi tabacite lushibo. Beshikufula golodi boonse balicite nsoni ceebo ca shibumbwabumbwa shabo. Balesa babo mbabubeshi alimwi tabayooyi.

Bene Lefi 19:4

“Tamweelete kushiya ndime akutalika kulambila shibumbwabumbwa. Tamweelete kubumba balesa ba sheela akutalika kubalambila. Nebo ndime Mwaami Lesa wanu.

Milimo ya Batumwi 17:29

Paceebo ceeco, swebo tuli bana bakwe Lesa, tatweelete kuyeeya ayi Lesa inga wapangwa na mwasungulula libwe lya golodi, silifa nabi kubeswa mulibwe lili lyoonse kwiinda mubuuya amaano a muntu.

Milimo ya Batumwi 19:26

Mutoobona akulinyumfwila nobeene shintu shitoocita wooyu Paulo. Utokwaamba ayi balesa babumbwa abantu teshi balesa, sobwe. Aboobo walengesha ayi bantu baanji batalike kushoma musheesho nshaatokwaamba muno muEfeso alimwi amucishi coonse ca Esha.

Dutolonomi 27:15

‘Aashinganishikwe muntu uli woonse uyo upanga cibumbwabumbwa cakubesa nabi ca ceela akunoocilambila cabushishi, ceebo Mwaami Lesa ulipatite kulambila shibumbwabumbwa.’ “Mpeeke bantu boonse balaakwaamba ayi, ‘Ameni!’

Dutolonomi 5:8

“ ‘Utalipangili shibumbwabumbwa shikoshanya ashintu sha kwiculu, mucishi ca panshi, nabi shili mumaanshi panshi lya cishi.

Boomboloshi 17:3

Lyalo wakapilusha maali a silifa ayo oonse kuli banyina. Mpeeke banyina bakaamba ayi, “Kukasha mashingo ngondakashingana kucitika kumwanaangu, ndapa maali a silifa aya nemwiine kuMwaami Lesa. Maali a silifa aya asebenseshekwe kubesa cibumbwabumbwa akucinanika silifa. Aboobo ndakupa maali aya.”