Kulonga 34:16 - Baibo Busansulushi Bwa Libuku Ili

¹⁶ Ono bana banu inga baakweeba banakashi baswamashi abo beenga babakusha kuli ndime, akutalika kulambila balesa babo.

Kulonga 34:16 Marejeleo ya Msalaba

Matalikilo 24:3

Ndisuni kwaamba ayi ushomeshe cakulumbila muliina lya Mwaami Lesa, Lesa wa kwiculu acishi ca panshi ayi teshi ukeebele mwanaangu pabanakashi ba momuno muKenani.

1 Baami 11:1

Mwaami Solomoni wakalinga kusuni banakashi baanji baswamashi. Peculu lya mwanaakwe Falawo mwaami wa kuIjipiti, wakeeba banakashi bene Iti, Moabu, Amoni, Edomu alimwi abene Sidoni.

1 Baami 21:25

Takuna kubawo kale muntu wakalibenga kucita shintu shibiibi pameenso a Mwaami Lesa mbuli aAabu. Wakalinga kucita boobo kwiinda mukulwiitikwa kuli Jesebelo mukaakwe.

2 Makani 21:11

Wakayaka misena yakulambililaako ya patulundu mucishi ca tulundu ca Juda akulengesha bene Juda abene Jelusalemu kubisha pameenso a Mwaami Lesa.

Esila 9:12

Aboobo mutakeebeshi bana banu kubana babo nabi kuleka bana banu kweeba bana babo. Mutakabacaafwi ayi bekale muluumuno akuba acoolwe paciindi cili coonse kwaamba ayi mukayume akulya shintu shibotu sha mucishi ico akucishiila bana banu ayi cibe caabo lyoonse alyoonse.

Esila 9:2

Bakeeba baana banakashi ba baswamashi abo alimwi akweebesha kubana babo basankwa. Munshila iyo bakasenkanya mushobo usalalite kubantu mbobekalaabo. Bamatanjilili abacinenenene balo mbobali akunembo mukucita shibiibi isho.

Neyemiya 10:30

Teshi tukanokweebana abaswamashi bashiite mucishi cesu.

Neyemiya 10:31

Na baswamashi baleta bukwebo buli boonse kwaamba ayi tuule pabushiku bwakookesha bwa Cibelu nabi pabushiku bumwibo busalalite, teshi tunokuulaawo. Mumwaaka amwaaka wasanu ayobilo teshi tunoolimaawo myuunda yesu alimwi tunanoolekelela beshinkongole boonse mumwaaka uyu.

Neyemiya 13:23

Paciindi ceenka ico, ndakacana kwaamba ayi baJuda bamwi bakalinga kweebete banakashi bene Ashidodi, Amoni alimwi abene Moabu.

Neyemiya 13:25

Lyalo ndakabakalalila, kubashingana, bamwi ndakabooma akubanonkoola misusu. Ndakabaambila ayi bashomeshe cakulumbila ayi balo abana babo teshi bakacibooshewo kweebana abaswamashi.

Kulumbaisha 106:39

Mboboobo mbobakalibisha kushintu nshebakacita, alimwi tabakwe kushomeka kuli Lesa mukucita sha mushobo uyo.

Osiya 1:2

Mwaami Lesa ndyaakatalika kwaambila bene Isilaeli kwiinda muli ndime neOsiya, wakaŋambila ayi, “Osiya, koya ukeebe. Mukaako teshi akanooshomeka abalo bana bako balaakukoshabo nyinawabo. Mbweeke ubo bantu bangu mbobakanshiya akucileka kushomeka kuli ndime neMwaami Lesa.”

Bene Lefi 21:15

Na wabula kucita boobo, bana bakwe abo beelete kunoosalalite, teshi bakanoosalalite kweelana aMilawo. Nebo ndime Mwaami Lesa nendakamupatula ayi abe mupailishi munene.’ ”

Joshuwa 23:12

Ono na mukamwaashukile akweendelana amishobo imwi iyo icili pakati kanu, alimwi na mukatalike kweeba akweebeshana pakati kanu ambabo,

Joshuwa 23:13

amukeshibe ayi Mwaami Lesa, Lesa wanu teshi akatandeewo mishobo iyo kunembo lyanu. Sombi balaakuba anga ntoose alimwi balaakunoocisa bweenka bucisa ciswepu mumusana nabi myuumfwa mumeenso, kushikila noonse mukaloobe mucishi cibotu cino cakamupa Mwaami Lesa, Lesa wanu.

Boomboloshi 14:3

Lyalo baishi abanyina bakamukumbula ayi, “Sa taaku mwanakashi wa mumukowa wesu nabi pakati ka bantu bene misheesu ngweenga weeba? Ceebonshi ulisuni kweebela kubene Filisiti bantu batashomi Mwaami Lesa?” Sombi Samusoni wakabaambila ayi, “Nebo ngomwanakashi ngoonsuni ayi munjebele ceebo ngowankonda.”

Boomboloshi 3:5

Aboobo bene Isilaeli bakekala pantu pomwi abene Kenani, bene Iti, bene Amoli, bene Pelisi, bene Ifi alimwi abene Jebusi.

Boomboloshi 3:6

Lyalo bene Isilaeli bakatalika kweebana amishobo iyo alimwi akulambila balesa babo.

Boomboloshi 8:27

Lyalo Gidyoni wakapanga efodi kusebensesha golodi uyo akwiibika mundabala yakwe ya Ofula. Mpeeke bene Isilaeli boonse bakacileka kulambila Lesa akutalika kulambila efodi iyo. Efodi iyo yakaba koose kuli Gidyoni abamuŋanda yakwe.