Kulonga 34:15 - Baibo Busansulushi Bwa Libuku Ili

¹⁵ Mutakeeleshi kupanga cipangano abantu ba mucishi ico, mukwiinga pakunoolambila balesa babo alimwi akubabengela milambu, balaakumutamba amwebo. Paceebo ceeci mulaakulya nshebabenga kubalesa babo.

Kulonga 34:15 Marejeleo ya Msalaba

1 Makani 5:25

Nakubi boobo tebakalinga kushomeka kuli Lesa wa bamashali babo bakulukulu, bakamusuula akutalika kulambila balesa ba mishobo iyo Lesa njaakatanda mucishi ico.

Esila 6:9

Mulyeelete kupa bapailishi ba kuJelusalemu shoonse nsheenga bayanda pabushiku abushiku, nkokwaamba ayi bacende baana nabi mbelele ayi ibe milambu yakutentela baLesa ba kwiculu. Mulyeelete kubapa witi, mwiinyo, waini nabi mafuta a olifi.

Esila 9:12

Aboobo mutakeebeshi bana banu kubana babo nabi kuleka bana banu kweeba bana babo. Mutakabacaafwi ayi bekale muluumuno akuba acoolwe paciindi cili coonse kwaamba ayi mukayume akulya shintu shibotu sha mucishi ico akucishiila bana banu ayi cibe caabo lyoonse alyoonse.

Kulumbaisha 106:28

Lyalo bantu abo bakalambila Baala, lesa wa kuPeyoli, akulya milambu yakabengwa kubalesa batayooyi.

Kulumbaisha 73:27

Abo boonse bali kulaale amwebo balaakuloba, Ncakwiila mulaakunyonyoola abo boonse batashomeki kuli ndimwe.

Kulonga 22:19

“Musankwa uli woonse wakumana amunyama ulyeelete kucaikwa.

Kulonga 22:20

“Alakwe uyo woonse ubenga milambu kubalesa bamwi bali boonse, kukushako ndime neMwaami Lesa, ulyeelete kucaikwa.

Kulonga 23:32

Mutakapangi cipangano ambabo nabi abalesa babo.

Kulonga 32:8

Baswa kale munshila iyo njendakabalwiita ayi banookonkela. Basungulula golodi akupanga mucende mwaana wa golodi. Bamulambila alimwi akubenga milambu kuli nguwe. Batokwaamba ayi, ‘Nobene Isilaeli, uyu ngolesa wesu, uyo wakatukusha muIjipiti!’ ”

Kulonga 34:10

Mwaami Lesa wakaambila Mose ayi, “Ono bulya ntoopangana abene Isilaeli. Ndaakucita shintu shinene pameenso abo, isho shitana kucitikwaawo pakati ka mishobo imwi mucishi coonse ca panshi. Bantu boonse balaakubona shintu shikankamika isho nebo neMwaami Lesa nsheenga ndamucitila.

Kulonga 34:12

Mutakeeleshi kupanga cipangano abantu ba mucishi ico ncemutooyaamo, mukwiinga inga kaba koose kuli ndimwe.

Jelemiya 3:9

Juda taakwe kunyumfwawo nsoni pasheesho shakacita Isilaeli. Ndushinisho alakwe wakalengesha cishi kutanoosalalite. Wakacita bufuule kwiinda mukulambila mabwe ashisamu.

Osiya 4:12

Balasenga kuyubulwitwa shintu kucisamu. Lyalo kasamu kalabakumbula. Nebo banshiya anga ngumwanakashi mufuule. Ee, balyaaba kuli lesa mweensu anga ngumwanakashi mufuule.

Osiya 9:1

Nobene Isilaeli, amucileeke kusangalala, ee, amucileeke kusamwa pakusekelela kwanu anga njimishobo imwi. Mwebo tamukwe kushomeka kuli Lesa wanu. Mwalyaaba kuli lesa Baali mumisena yoonse ya mucishi anga mbafuule akukondwa shili anga ngamaila amafuta a olifi isho nshemuyeeya ayi nguBaali umupa.

Bene Lefi 17:7

Anu bene Isilaeli tabeelete kutolelela kutashomeka kuli ndime neMwaami Lesa kwiinda mukucaya banyama babo muluundu ayi njimilambu kushibumbwabumbwa shili anga nimpongo. Balyeelete kunoolama mulawo uyu.

Shakubelenga 15:39

Mansambaala ayo alaakunoomwiibalusha milawo yangu neMwaami Lesa akwiikonkela lyoonse na mwaabona. Aboobo teshi mukakonkele lunkumbwa lwa myoyo yanu ameenso anu.

Shakubelenga 25:1

Ono bene Isilaeli ndibakalinga kuShitimu, basankwa bakatalika kukumana abanakashi bene Moabu abo bakalingaako.

Shakubelenga 25:2

Banakashi abo bakeeta basankwa abo ayi bacanikwe pakusekelela kwa kupa milambu, uko nkobakalinga kulambilila balesa ba bene Moabu. Bene Isilaeli bakalya akulambila balesa abo.

Milimo ya Batumwi 15:20

Sombi tulyeeletebo kubalembela nkalata yakubalwiita ayi tabeelete kulya shakulya shitasalalite ceebo nshipo shakapekwa kushibumbwabumbwa, kutacita cikololo, kutalya nyama shakashinwa alimwi abulowa.

1 Bene Kolinto 10:27

Na wakunsengwe wakwiitila cakulya, awebo wayanda kulyaakwe, ulye cakulya cili coonse nceshi akupe cakuteepushaawo kwaamba ayi moyo utakakupenshi.

1 Bene Kolinto 8:10

Mukwiinga na muntu ucite lushomo luniini, wabona ndiwe nowaamba ayi ulicite lushibo, koolya muŋanda ya shibumbwabumbwa, sa ici inga tacimulengeshi kuyuminishikwa kulya shakulya shipekwa kushibumbwabumbwa?

1 Bene Kolinto 8:4

Ono aboobo pamakani akulya shakulya shipekwa kushibumbwabumbwa, tulishi ayi shibumbwabumbwa tashicite ncito. Alimwi tulishi ayi kulibo Lesa womwi.

1 Bene Kolinto 8:7

Sombi teshi boonse beshi makani aya. Bamwi bakashibila kulambila shibumbwabumbwa, abobulya na balya cakulya camushobo uyo, balacibona anga capekwa kushibumbwabumbwa. Ono ceebo cakutonsha kwabo, cakulya ico cilababisha.

Dutolonomi 31:16

Mwaami Lesa wakaambila Mose ayi, “Webo utoofwa onoono, ono na ufwe, bene Isilaeli balaakucileka kushomeka kuli ndime akutalika kulambila balesa beensu ba mucishi ico ncebatooyaamo. Balaakunkaka akupwaya cipangano cili pakati pali mbabo anebo.

Dutolonomi 31:18

Ncakwiila pabushiku ubo ndaakubafutatila ceebo ca bubi bwabo bwakulambila balesa bamwi.

Dutolonomi 32:37

Lyalo Mwaami Lesa ulaakwiipusha bantu bakwe ayi, ‘Bali kuli balesa ba nkusu mbomwakashoma?

Dutolonomi 32:38

Mwakabatebeta mafuta a milambu yanu akubapa cipo ca waini ayi banwe. Abese bamucaafwe bulya! Abacice kwaamba ayi bamufuneeko!

Dutolonomi 7:2

Na Mwaami Lesa, Lesa wanu akaabe bantu aba mumaansa anu alimwi mukabakoome mulyeelete kubacaya boonse. Kutapanga cipangano ambabo alimwi kutabanyumfwila nkumbu.

Dutolonomi 7:3

Kuteebaawo nabi womwi pakati kabo alimwi kutasuminisha bana banu kweeba nabi kweebeshekwa pakati kabo.

Joshuwa 23:12

Ono na mukamwaashukile akweendelana amishobo imwi iyo icili pakati kanu, alimwi na mukatalike kweeba akweebeshana pakati kanu ambabo,

Ciyubululo 2:20

Sombi ndicite litongooshi pali ndiwe ceebo mwanakashi uyo Jesebelo, ulibanda ayi ngumulaluki wakwe Lesa, ulamulangabo. Kwiinda mukwiisha kwakwe, ulabalengesha kubisha ndyaabanyengelela ayi banoocita bufuule akulya shakulya shakabengwa kushibumbwabumbwa.

Boomboloshi 2:17

Sombi balo tabakwe kunyumfwila boomboloshi abo. Bene Isilaeli bakacileka kushomeka kuMwaami Lesa mukulambila balesa beensu. Bamashali babo bakulukulu bakalinga kukonkela akunyumfwila milawo ya mwaami Lesa. Sombi balo bakaalilwa kucita boobo.

Boomboloshi 3:6

Lyalo bene Isilaeli bakatalika kweebana amishobo iyo alimwi akulambila balesa babo.