Kulonga 33:13 - Baibo Busansulushi Bwa Libuku Ili

¹³ Ono na mbocibete ubo, amundwiite nshila shanu, kwaamba ayi noomusebensela akutolelela kumusangalasha. Mwiibaluke alimwi ayi mwakasala mushobo uyu kuba waanu.”

Kulonga 33:13 Marejeleo ya Msalaba

2 Samwelo 15:25

Kuswawaawo mwaami Defedi wakaambila Sadoki ayi, “Amubooshe Libokoshi lya Cipangano ca Mwaami Lesa kundabala inene ya Jelusalemu. Na Mwaami Lesa akanyumfwile nkumbu ulaakumboosha ayi nkaliboone alimwi, pantu pomwi amusena uyo molikala.

Kulumbaisha 103:7

Wakayubulwita Mose nshila shakwe, akubonesha bene Isilaeli milimo yakwe ya nkusu.

Kulumbaisha 119:33

Nobaami baLesa, amunjiishe mboonjelete kukonkela milasho yanu. Ncakwiila ndyeshi nkeelaame kushikila kumamanino.

Kulumbaisha 25:4

NoBaami baLesa, amuntondeshe nshila shanu, munjiishe mboonjelete kweenda pameenso anu.

Kulumbaisha 27:11

Anu noBaami baLesa amunjiishe nshila shanu, amunyenshe munshila isalalite ya bululami, ceebo balwani bangu mbaanji abuumbi.

Kulumbaisha 51:13

Lyalo ndaakwiisha milawo yanu kubamucita shibi, ncakwiila abalo balaakusandukila kuli ndimwe.

Kulumbaisha 86:11

NoBaami baLesa amunjiishe mboonjelete kweenda, kwaamba ayi nkanokweenda mulushinisho lwanu. Amunjiishe kumusebensela amoyo wangu woonse, kwaamba ayi noolemeka liina lyanu.

Kulonga 3:10

Ono ntookutuma kumwaami Falawo wa kuIjipiti kwaamba ayi ukatanjilile bantu bangu kuswa mucishi cakwe.”

Kulonga 3:7

Lyalo Mwaami Lesa wakaamba ayi, “Ncakwiila ndaboona mbuli bantu bangu mbobatoopenshekwa mucishi ca Ijipiti. Ndanyuumfwa kulila kwabo ceebo ca beshikubasebensesha. Kupenshekwa kwabo koonse ndikubwene.

Kulonga 32:12

Ceebonshi mulisuni bene Ijipiti baambe ayi, ‘Wakakusha bantu bakwe kuswa mucishi ca Ijipiti kwaamba ayi abacailebo limwi mutulundu akubanyonyoola cakumaninina.’ Mutakalali, amupilule miyeeyo yanu, mutaleti makatasho pabantu banu.

Kulonga 32:14

Aboobo Mwaami Lesa wakapilula miyeeyo yakwe, mpeeke wakacileka kuleta makatasho pabantu bakwe ayo ngaakalinga aamba.

Kulonga 32:7

Mpeeke Mwaami Lesa wakaambila Mose ayi, “Seluka onoono ceebo bantu bako abo mbowakakusha mucishi ca Ijipiti, babisha alimwi akunsuula.

Kulonga 34:9

Wakaamba ayi, “NoBaami baLesa, na ncakwiila mulikondetwe muli ndime, ndamusenga ayi muye aswebo. Bantu aba mbeshicimpamya, sombi mutulekelele pabubi bwesu alimwi ashibiibi shesu akututambula ayi tube bantu banu.”

Kulonga 5:1

Kuswawaawo Mose aAloni bakaya kuli Falawo mwaami wa kuIjipiti akumulwiita ayi, “Mwaami Lesa, Lesa wa bene Isilaeli waamba ayi, ‘Amubaleeke bantu bangu baye kwaamba ayi bakansekelele akundemeka muluyanga.’ ”

Isaya 30:21

Na kwaba kupambuka munshila akulanga kulubasu lwa kucipiko nabi kululyo, mulaakunyumfwa liswi lyakwe kuswa kwisule lyakumulwiita ayi, “Nshila iluleme njeeyi. Amukonkele njiyo.”

Isaya 63:17

Anu nceebonshi noBaami baLesa ncemutulengeshesha kuswa munshila shanu? Ceebonshi mulatuyumya myoyo cakwaamba ayi tunoobula kumulemeka? Amupiluke kuli ndiswe ceebo ca baabo bamusebensela ee, ceebo ca baabo bali mumaansaanu lyoonse.

Isaya 63:19

Swebo tuli bantu banu kuswabo kale kale sombi balo tamuna kubawo kale baleli babo, ncakwiila tabakwe kwiitwawo kale muliina lyanu.

Jowelo 2:17

Bapailishi abo basebensela Mwaami Lesa, balile pakati ka cipaililo akapinda ka kumulyango wa Ŋanda yakwe Lesa. Banokwaamba ayi, “NoBaami baLesa, amunyumfwile nkumbu bantu banu. Mutaleeki kwaamba ayi bantu mbomwakasala babe cintu ceelete kushibulukwa. Mutaleeki bakunsengwe kubaseka ayi, ‘Ino Lesa wanu uli kuli?’ ”

Joni 17:3

Buumi butamaani ubu nkwishiba ndimwe nobaLesa bancinencine nweenkabo akwishiba Jesu Klistu uyo ngomwakatuma.

Bene Loma 11:28

Ono mukwiinga baJuda balakaka Makani Abotu, mbalwani bakwe Lesa. Ici calengesha kwaamba ayi mwebo nobaswamashi bakunsengwe mupulushikwe. Ceebo Lesa wakabasala, balisunikwi kuli nguwe, mukwiinga wakapangana abamashali babo bakulukulu.

Bene Efeso 1:17

Ndaseenga Lesa uyo Jesu Klistu Mwaami wesu ngwaakalinga kulambila, Ishiwesu shibulemu, ayi amupe Mushimu uyo weshi ukamupe busongo akumuyubulwita Lesa ayi mukamwishibe.

Dutolonomi 9:26

Mpeeke ndakapaila ayi, ‘NoBaami baLesa Beshinkusu shoonse, mutanyonyooli bantu banu nobeene, abo mbomwakafuna kuswa muIjipiti munkusu shanu shinene.

Dutolonomi 9:29

Nakubi boobo aba mbobantu mbomwakasala nobeene kuba baanu alimwi mbomwakakusha muIjipiti kwiinda munkusu shanu shinene.’

Bene Kolose 1:10

Lyalo mulaakwikala buumi busuni Mwaami akumusangalasha lyoonse. Kwiinda mukucita milimo ibotu ipusenepusene. Buumi bwanu bulaakubonesha shisepo shibotu alimwi lushibo lwanu lwa pali Lesa lulaakufulilaako.

2 Pita 3:18

Sombi mwebo amutolelele kukula muluse alimwi alushibo lwa Mwaami Jesu Klistu, Mupulushi wesu. Bulemu bube kuli nguwe bulya alimwi amuyayaya! Ameni.