Kulonga 32:28 - Baibo Busansulushi Bwa Libuku Ili

²⁸ Bene Lefi bakanyumfwila akucaya bantu bali mpashi shuulu shotatwe pabushiku ubo.

Kulonga 32:28 Marejeleo ya Msalaba

Kulumbaisha 99:8

NoBaami baLesa, baLesa besu mwakakumbula bantu banu. Mwakabatondesha ayi muli baLesa balekelela shibiibi, nakubi kwaamba ayi mwakalinga kubapa mulandu pashibiibi shabo.

Kulonga 32:27

Lyalo wakabaambila ayi, “Mwaami Lesa, Lesa wa bene Isilaeli waambila ndimwe noonse ayi mubwese mipeeni yanu muye moonse mumisumba kuswa kumwinjililo uyu kushikila akuumwi. Munooya cicaya bamakwabanu, babyaanu alimwi abeshikamukobonyinaanu.”

Kulonga 32:29

Mpomunyaawo Mose wakaambila bene Lefi ayi “Sunu mwalibenga kuMwaami Lesa nobeene ayi muli bapailishi beshikumusebensela kwiinda mukucaya bana banu basankwa alimwi abamakwabanu, aboobo Mwaami Lesa wamupa coolwe.”

Kulonga 32:35

Mpeeke Mwaami Lesa wakatuma bulwashi pabantu, mukwiinga bakalengesha ayi Aloni apange mucende mwaana wa golodi.

Shakubelenga 16:41

Ndibwakaca, bene Isilaeli bakatongooka kuli Mose aAloni. Bakaamba ayi, “Mwakacaya bantu ba Mwaami Lesa.”

Shakubelenga 25:7

Ono Fineyasi mwanaakwe Eliyasa alimwi mushikulu wakwe Aloni mupailishi, ndyaakabona cikani ici, wakanyamuka akuswa mpobakalinga kubungene. Wakabwesa lisumo

Shakubelenga 35:8

Anu mandabala anene a bene Lefi mumukowa womwi awomwi alyeelete kupekwa kweelana akukomena kwa cishi ca nguwo.”

1 Bene Kolinto 10:8

Tutaciti bufuule bweenka bwakacita bamwi pakati kabo. Balo ndibakacita boobo, bantu bali shuulu makumi obilo ashotatwe bakafwa bushiku bomwi.

Dutolonomi 33:9

Bakashomeka kuli ndimwe kwiinda kubamashali, bamakwababo nabi bana babo. Bakakonkela milawo yanu akulama cipangano canu.