Kulonga 32:23 - Baibo Busansulushi Bwa Libuku Ili

²³ Nebo bakandwiita ayi, ‘Swebo tatwishi cacitika kuli Mose uyo wakatukusha mucishi ca Ijipiti. Paceebo ceeci tupangile lesa weshi atutanjilile.’

Kulonga 32:23 Marejeleo ya Msalaba

Kulonga 32:8

Baswa kale munshila iyo njendakabalwiita ayi banookonkela. Basungulula golodi akupanga mucende mwaana wa golodi. Bamulambila alimwi akubenga milambu kuli nguwe. Batokwaamba ayi, ‘Nobene Isilaeli, uyu ngolesa wesu, uyo wakatukusha muIjipiti!’ ”

Milimo ya Batumwi 7:40

Lyalo bakaambila Aloni ayi, ‘Tupangile balesa abo beshi batutanjilile mukwiinga tatwishi cacitika kuli Mose uyo wakatukusha muIjipiti.’

1 Samwelo 15:15

Saulo wakakumbula ayi, “Bashilumamba bakashikusha kubene Amaleki. Tabakwe kucaya mbelele aŋombe shakalinga kwiindaawo kubota kwaamba ayi tukabenge milambu kuMwaami Lesa, Lesa wanu. Sombi shimwi shoonse twakamana kushicaya.”

1 Samwelo 15:21

Bashilumamba bangu tabakwe kucaya mbelele aŋombe shakalinga kwiindaawo kubota pashintu shakasaalwa. Tabakwe kushicaya kwaamba ayi shikabengwe kuMwaami Lesa, Lesa wanu kuGilugala mbuli milambu.”