Kulonga 31:17 - Baibo Busansulushi Bwa Libuku Ili

¹⁷ Bushiku ubo nkeshibilo ka nshiku shoonse pakati kabene Isilaeli alimwi anebo, ceebo nebo neMwaami Lesa ndakalenga liculu alimwi acishi ca panshi munshiku shosanwe abomwi, ono pabushiku bwasanu ashobilo, ndakacileka kusebensa akookesha.”

Kulonga 31:17 Marejeleo ya Msalaba

Matalikilo 1:31

Lesa wakabona ayi shoonse nshaakalenga nshibotu abuumbi. Lyalo kwakaba macolesha amacuunsa, ubu bwakaba mbushiku bwasanu abomwi.

Jobo 38:7

Sa wakalingaako nyenyeenshi sha kumuyamaca ndishakalinga kwiimba abaanjelo ba kwiculu ndibakalinga koolobesha cakusangalala?

Kulumbaisha 104:31

Bulemu bwa Mwaami Lesa abukalilile kwalyoonse alyoonse! Mwaami Lesa aasangalale pashintu nshaakalenga!

Kulonga 20:11

Munshiku shosanwe abomwi, nebo neMwaami Lesa ndakalenga cishi ca panshi, liculu, lweenge alimwi ashintu shoonse shili muli nshisho. Sombi pabushiku bwasanu ashobilo ndakookesha. Nceceeco nebo neMwaami Lesa, ncendakapeta coolwe bushiku bwakookesha bwa Cibelu akubusalasha.

Kulonga 31:13

ayi akalwiite bene Isilaeli ayi, “Kamulama nshiku shangu shakookesha sha Shibelu, mukwiinga nkeshibilo ka myaaka yoonse pakati pali ndimwe anebo, kwaamba ayi nebo neMwaami Lesa ndamulengesha kuba bantu bangu.

Kulonga 31:16

Anu bene Isilaeli balyeelete kulama bushiku ubo ayi nkeshibilo ka Cipangano.

Isaya 58:13

Mwaami Lesa waamba ayi, “Na mwakasha myeendo yanu kupwaya mulawo wa bushiku bwakookesha bwa Cibelu, na mwalikasha kucita shisangalasha myoyo yanu pabushiku bwangu busalalite alimwi bulemekwa, na mwabupa bulemu mukuteenda munshila shanu nobeene alimwi akutacita shisangalasha myoyo yanu nabi mukwaamba caambaambe,

Jelemiya 32:41

Anebo ndaakunoosangalete amoyo wangu woonse pakubacitila shintu shibotu akubekalika mucishi cino kwanshiku shoonse.”

Esekelo 20:12

Ndakabapa abushiku bwakookesha bwa Cibelu ayi bube keshibilo pakati kesu kwaamba ayi beshibe ayi nebo neMwaami Lesa ndime ndakabasalasha.

Esekelo 20:20

Amulame bushiku bwangu bomwi abomwi bwakookesha bwa Cibelu ayi mbushiku busalalite kwaamba ayi bube keshibilo pakati kesu. Lyalo ndyeshi mukeshibe ayi nebo ndime Mwaami Lesa, Lesa wanu.

Bene Ebulu 4:10

Mukwiinga uyo woonse Lesa ngweshi akalengeshe ayi ookeshe kweelana ambwaakashomesha, ulaakookesha pakumanisha milimo yakwe, bweenka mbuli Lesa mbwaakookesha ndyaakamanisha milimo yakwe mwiine.