Kulonga 31:15 - Baibo Busansulushi Bwa Libuku Ili

¹⁵ Mulicite nshiku shosanwe abomwi nshemweelete kusebensa milimo yanu, sombi bushiku bwasanu ashobilo, mbushiku bwangu ubo busalalite kuli ndime neMwaami Lesa. Uyo woonse weenga wasebensa mulimo uli woonse pabushiku ubo, ulyeelete kucaikwa.

Kulonga 31:15 Marejeleo ya Msalaba

Matalikilo 2:2

Pabushiku bwasanu ashobilo Lesa wakalinga kumanishite kale shoonse nshaakalinga kucita. Pabushiku ubo wakookesha.

Kulonga 16:23

Mose wakabalwiita ayi, “Mwaami Lesa wakaamba ayi ciilo mbushiku bwakwe busalalite bwakookesha bwa Cibelu. Paceebo ceeci mulyeelete kupanga sunu shakulya nshemusuni kupanga alimwi muteleke nshemusuni kuteleka. Shoonse nsheshi mushiyeeko, mushibike palubasu ayi mukalye ciilo.”

Kulonga 16:26

Mulyeelete kunoobwesa shakulya munshiku shili shosanwe abomwi, sombi pabushiku bwasanu ashobilo, bushiku bwakookesha, teshi shikanoobaako.”

Kulonga 23:12

“Musebense milimo yanu yoonse kwanshiku shosanwe abomwi munsondo, sombi pabushiku bwasanu ashobilo tamweelete kusebensa, kwaamba ayi basha banu alimwi abaswamashi bamusebensela bookeshe kubikaawo ashifubwa shanu shoonse.

Kulonga 31:14

Mulyeelete kulama bushiku bwakookesha mukwiinga bulisalalite. Uyo woonse ngweshi akabule kulama bushiku ubo akunoosebensa pali mbubo, uyo ulyeelete kucaikwa.

Kulonga 31:16

Anu bene Isilaeli balyeelete kulama bushiku ubo ayi nkeshibilo ka Cipangano.

Kulonga 31:17

Bushiku ubo nkeshibilo ka nshiku shoonse pakati kabene Isilaeli alimwi anebo, ceebo nebo neMwaami Lesa ndakalenga liculu alimwi acishi ca panshi munshiku shosanwe abomwi, ono pabushiku bwasanu ashobilo, ndakacileka kusebensa akookesha.”

Kulonga 34:21

“Mulicite nshiku shosanwe alimwi abomwi isho nshemweelete kusebensa milimo yanu, sombi pabushiku bwasanu ashobilo, tamweelete kusebensa, nabibo ciindi cakulima alimwi acakutebula.

Kulonga 35:2

Munshiku shosanwe abomwi mulyeelete kusebensa milimo yanu, sombi bushiku bwasanu ashobilo, mbushiku busalalite bwakookesha, bubengetwe kuli ndime neMwaami Lesa, Lesa wanu. Uyo woonse weenga wasebensa milimo pabushiku ubu, ulyeelete kucaikwa.

Kulonga 35:3

Pabushiku ubu bwakookesha, tamweelete kukunka nabibo mulilo mumaanda anu.”

Esekelo 46:1

Mwaami Lesa Shinkusu shoonse wakaamba ayi, “Mwinjililo wakwicwe uya kulubansa lwa mukati ulyeelete kunoocalitwebo panshiku shosanwe abomwi shakusebensa akucalulwa pabushiku bwakookesha bwa Cibelu alimwi apabushiku bwakusekelela Mweenshi Upya.

Bene Lefi 16:29

“Ono milawo njemweelete kunoolama lyoonsebo njeeyi. Pabushiku bwalikumi mumweenshi wasanu ayobilo, bene Isilaeli alimwi abaswamashi bashiite pakati lyabo balyeelete kulikasha kulya, alimwi tabeelete kusebensa mulimo uli woonse.

Bene Lefi 23:3

“Mulicite nshiku shosanwe abomwi umo momweelete kusebensa milimo yanu, sombi mwiingashile bushiku bwasanu ashobilo, mbushiku bwakookesha. Pabushiku ubu tamweelete kusebensa, sombibo kubungana pantu pomwi ayi mulambile. Kuli koonse nkweenga kamwikala ubu mbushiku bwa Mwaami Lesa.

Bene Lefi 23:32

Kuswa pabushiku bwasanu ashone macolesha mumweenshi uyu, kushikila apabushiku bwalikumi macolesha, mulyeelete kubona ayi mbushiku bwakookesha bupuseneeko, ubo mbomuteelete kulya cintu nabi comwi.”

Luka 13:14

Mpomunyaawo munene wa mucoonde wakakalala abuumbi ceebo Jesu wakashilika pabushiku bwakookesha bwa Cibelu. Mpeeke wakaambila bantu ayi, “Kuli nshiku shosanwe abomwi nshetweelete kusebensa. Aboobo munoosa munshiku isho mukuba kabotu, kuteshi pabushiku bwakookesha, sobwe!”

Luka 23:56

Kuswawaawo bakaboolela kuŋanda akuya mukubamba mafuta atununkila kabotu tumwi twakunanika mutuntu wakwe Jesu. Pabushiku bwakookesha bwa Cibelu, bakookesha kweelana aMilawo.

Dutolonomi 5:12

“ ‘Ingashila bushiku bwangu bwakookesha bwa Cibelu alimwi akubusalasha kweelana ambondakaamba nebo neMwaami Lesa, Lesa wanu.

Bene Ebulu 4:9

Paceebo ceeco, mpokucili kookesha kwa bantu bakwe Lesa bweenka mbuli Lesa mbwaakookesha pabushiku bwasanu ashobilo.