Kulonga 30:33 - Baibo Busansulushi Bwa Libuku Ili

³³ Uyo woonse ngweenga wapanga mafuta ali mbuli ngawo, nabi kunanika muntu umwi uteshi mupailishi, teshi akanoociyeyeelwa kuba mulikoto lya bantu bangu.’ ”

Kulonga 30:33 Marejeleo ya Msalaba

Matalikilo 17:14

Musankwa uli woonse utana kupalulwa teshi anoociyeeyelwa kuba mulikoto lya bantu bangu, ceebo taakwe kulama cipangano cangu.”

Kulonga 12:15

Mwaami Lesa wakaamba ayi, “Munshiku shili shosanwe ashobilo, tamweelete kulya shinkwa, sombibo cimaande. Pabushiku butaanshi munshiku ishi, mulyeelete kukusha cimena coonse mumaandaanu mukwiinga uyo woonse weshi akalye shinkwa munshiku shosanwe ashobilo ishi, ulaakukushikwa mubantu bangu bene Isilaeli.

Kulonga 12:19

Panshiku shili shosanwe ashobilo, tamweelete kucanika cimena mumaandaanu. Uyo woonse weenga walya cicite cimena, nkokwaamba ayi ulaakukushikwa mubantu bangu bene Isilaeli, muswamashi nabi mwine Isilaeli.

Kulonga 29:33

Balyeelete kulya sheesho shakasebenseshekwa pakulekelelwa shibiibi shabo ndibakabikwa pabupailishi. Bapailishi beenkabo mbobeelete kulya, ceebo cakulya ici cilisalalite.

Kulonga 30:34

Mwaami Lesa wakaambila Mose alimwi ayi, “Ukabwese tununkila kabotu twiitwa ayi sitakiti, onika, galubanamu alimwi afulankinsensi.

Kulonga 30:38

Na umwi muntu wapanga tununkila kabotu tuli mbuli ntuto ayi atusebenseshe mbuli mafuta anunkila kabotu, teshi akanoociyeyeelwa kuba mulikoto lya bantu bangu.”

Kulonga 31:14

Mulyeelete kulama bushiku bwakookesha mukwiinga bulisalalite. Uyo woonse ngweshi akabule kulama bushiku ubo akunoosebensa pali mbubo, uyo ulyeelete kucaikwa.

Bene Lefi 17:10

“ ‘Na mwine Isilaeli nabi muswamashi umwi woonse ushiite mulikoto lyabo walya nyama icite bulowa, nebo neMwaami Lesa ndaakumufutatila alimwi teshi akanoociyeeyelwa kuba mulikoto lya bantu bangu.

Bene Lefi 17:14

Mukwiinga buumi bwa cintu cili coonse cuumi buli mubulowa, nceceeco nebo neMwaami Lesa ncendalwiitila bene Isilaeli boonse ayi tabeelete kulya nyama icite bulowa, alimwi ayi uyo woonse weenga weelya, teshi akanoociyeeyelwa kuba mulikoto lya bantu bangu.

Bene Lefi 17:4

mumusena wakubengela kumulyango wa Tente ya Cipangano ayi ngumulambu wabengwa kuli nebo neMwaami Lesa, wasotoka Milawo. Muntu uyo ingayi waba amulandu wakutila bulowa. Aboobo teshi akanoociyeeyelwa kuba mulikoto lya bantu bangu.

Bene Lefi 17:9

kumusena umwibo ayi ngwaangu neMwaami Lesa, kuteshi kumulyango wa Tente ya Cipangano, teshi akanoociyeeyelwa kuba mulikoto lya bantu bangu.

Bene Lefi 18:29

Mulyeelete kwishiba ayi uyo woonse weenga wacita shintu shilensha nsoni ishi, teshi anoociyeeyelwa kuba mulikoto lya bantu bangu.

Bene Lefi 19:8

Uyo woonse weenga walya nyama iyo ulaakuba amulandu ceebo walengesha cintu cabengwa kuli ndime kuba cintubo. Aboobo teshi akanoociyeeyelwa kuba mulikoto lya bantu bangu.

Bene Lefi 20:17

“Na muntu weeba nankashi yakwe, nabi nankashi yakwe kuli baishi nabi banyina bateshi bakumushala, boonse balyeelete kusebaanishikwa pameenso a bantu akutandwa pakati kanu. Ceebo muntu uyo wakumana anankashi yakwe, ulyeelete kupekwa mulandu weelete.

Bene Lefi 20:18

“Ono na musankwa wakumana amwanakashi wakubala, boonse bobilo balyeelete kutandwa pakati kanu ceebo basotoka milawo ya pakulisalasha kweelana aMilawo.

Bene Lefi 20:3

Na umwi wabenga mwanaakwe umwi kuli Moleki akulengesha ayi Tente yangu isalalite ibule kunoosalalite alimwi akusebaanya liina lyangu lisalalite, ndaakumwaalukila alimwi teshi nkanoocimuyeeyela kuba mulikoto lya bantu bangu.

Bene Lefi 22:3

Ono pabantu bamulunyungu lwako na umwi uli woonse akese pafwaafwi amilambu isalalite iyo bene Isilaeli njebabenga kuli ndime paciindi nceshi atakanoosalalite kweelana aMilawo, muntu uyo inga taasebenseli lyobilo kucipaililo. Ici cilyeelete kunoocitika lyoonsebo mumashalane anu oonse acisa. Nebo ndime Mwaami Lesa.

Bene Lefi 23:29

Uyo woonse weenga walya cintu nabi comwi pabushiku ubo, teelete kunoociyeeyelwa kuba mulikoto lya bantu bangu.

Shakubelenga 15:30

“Sombi muntu uli woonse ubisha kashanga, mwine Isilaeli nabi muswamashi, ulyeelete kuba amulandu wakuncobola nebo neMwaami Lesa. Aboobo ulyeelete kukushikwa kubantu bangu,

Shakubelenga 15:31

mukwiinga wakaka sheesho nshendakaamba nebo neMwaami Lesa, alimwi wasotoka kashanga milawo yangu. Nkokwaamba ayi mulandu wa cibiibi cakwe wamucalila mwiine.”

Shakubelenga 19:13

Uyo woonse weenga wakumya kumutuntu akubula kulisalasha, ulaba kaatasalalite mukwiinga maanshi akusalasha taakwe kusanseelwa pali nguwe. Muntu uyo ulabisha Tente ya Cipangano yangu neMwaami Lesa, aboobo teshi akanoociyeeyelwa kuba mulikoto lya bene Isilaeli.

Shakubelenga 19:20

“Uyo woonse utasalalite kweelana aMilawo na wabula kulisalasha, teshi akanoosalalite ceebo maanshi akusalasha taakwe kusanseelwa pali nguwe. Muntu uyo ingayi wabisha Tente ya Cipangano cangu neMwaami Lesa alimwi teshi akanoociyeeyelwa kuba mulikoto lya bantu bangu.

Shakubelenga 4:18

“Mutaleki cipani cakwe Koati

Shakubelenga 9:13

Sombi muntu woonse usalalite kweelana aMilawo alimwi utabete pamushinso alimwi utalami bushiku bwa Pasika bwakwiibaluka kusotokela, teshi akanoociyeeyelwa kuba mulikoto lya bantu bangu mukwiinga taakwe kubenga mulambu kuli ndime paciindi ceelete. Ulyeelete kupenshekwa pacibiibi cakwe.