Kulonga 30:31 - Baibo Busansulushi Bwa Libuku Ili

³¹ Ukalwiite bene Isilaeli ayi, ‘Mafuta aya asalalite akunanika alyeelete kusebensa mumilimo yangu mumashalane anu oonse acisa.

Kulonga 30:31 Marejeleo ya Msalaba

Kulumbaisha 89:20

Ndabika Defedi musebenshi wangu pabwaami. Ndamunanika mafuta angu asalalite.

Kulonga 29:21

Lyalo ukabwese bulowa bumwi buli pacipaililo amafuta a olifi amwi akusanseela pali Aloni ashakufwala shakwe, alimwi apabana bakwe basankwa ashakufwala shabo. Mpeeke Aloni, bana bakwe alimwi ashakufwala shabo, shilaakubengwa kuli ndime.

Kulonga 30:30

Kuswawaawo ukananike Aloni alimwi abana bakwe basankwa, akubabika pabupailishi bwakunoonsebensela.

Kulonga 30:32

Tamweelete kunanika bantubo nabi kusebensesha nshila yakusenkanya ayi mupange mafuta amwi a mushobo mbuli wooyo. Mafuta ayo alisalalite, amwebo mulyeelete kwaalanga ayi ncakwiila alisalalite.

Kulonga 37:29

Alimwi wakapanga mafuta asalalite akunanika, alimwi atununkila kabotu, asenkanishitwe ali anga ngamafuta acite bweema bubotu.

Bene Lefi 21:10

“ ‘Alakwe mupailishi munene, uyo wakatilwa mafuta ayo akunanika pamutwi alimwi wakabengwa ayi anoofwala shakufwala sha bupailishi, teelete kutanoosakula misusu nabi kukwamuna shakufwala nshaafwete kwaamba ayi aboneshe ayi ulicite cililo.

Bene Lefi 8:12

Lyalo wakabika Aloni pabupailishi kwiinda mukumutila mafuta akunanika amwi pamutwi.