Kulonga 30:29 - Baibo Busansulushi Bwa Libuku Ili

²⁹ Shintu ishi shilyeelete kubengwa kuli ndime lyalo shilaakunoosalalite abuumbi, aboobo cintu coonse ceenga cakumyaako cilaakucisikwa ceebo cipaililo cilisalalite.

Kulonga 30:29 Marejeleo ya Msalaba

Kulonga 29:37

Ukanoocita mbomunya ubo kwanshiku shosanwe ashobilo shoonse. Lyalo cipaililo cilaakunoosalalite abuumbi, alimwi cintu cili coonse ceenga cakumyaako cilaakucisikwa ceebo cipaililo cilisalalite.

Kulonga 30:28

cipaililo cakubengelawo milambu yakutenta ashintu sha ncico shoonse, mbale ifongomene yakusambilaamo alimwi acapanshi ca ncico.

Kulonga 30:30

Kuswawaawo ukananike Aloni alimwi abana bakwe basankwa, akubabika pabupailishi bwakunoonsebensela.

Kulonga 40:10

Kuswawaawo ukabenge cipaililo alimwi ashintu sha ncico shoonse kuli ndime kwiinda mukushinanika mafuta asalalite, lyalo cilaakunoosalalite cakumaninina.

Bene Lefi 6:18

Mumyaaka yoonse ili kunembo baana basankwa bamulunyungu lwakwe Aloni balyeelete kunoolya cakulya ici, ayi abalo nceshi cikanoolibo cinebo kuswa kushakulya shipekwa kuli ndime neMwaami Lesa. Uyo woonse weenga wakumya kucipo ca shakulya ulaakucisikwa ceebo cipo ico cilisalalite.”

Bene Lefi 8:10

Pesule Mose wakabwesa mafuta akunanika, akwaabika paTente ya Cipangano alimwi ashintu shoonse shakalingaamo. Mukucita boobo, shoonse wakashibenga kuMwaami Lesa.

Bene Lefi 8:11

Wakabwesa mafuta amwi akwaasanseela mankanda osanwe aobilo pacipaililo ashintu sha ncico, alimwi ambale ifongomene acapanshi ca njiyo kwaamba ayi ashibenge kuMwaami Lesa.

Shakubelenga 7:1

Pabushiku Mose mbwaakamanisha kuyaka Tente ya Cipangano, wakeenanika mafuta akwiibenga kuMwaami Lesa pantu pomwi ashintu sha njiyo shoonse, kubikaawo acipaililo ashintu sha ncico shoonse.

Mateyo 23:17

Mwebo nobamatanjilili boofu baluya! Ino cinene ncili, golodi nabi Ŋanda yakwe Lesa iyo ilengesha golodi ayi ibe isalalite?

Mateyo 23:19

Mwebo noboofu! Ino cinene ncili, cipo nabi cipaililo ico cilengesha ayi cipo cibe cisalalite?