Kulonga 29:7 - Baibo Busansulushi Bwa Libuku Ili

⁷ Ndyeshi ukabwese mafuta, ukamutilile pamutwi akumunanika.

Kulonga 29:7 Marejeleo ya Msalaba

Kulumbaisha 133:2

Buli anga ngamafuta amakwebo ayo atilwa pamutwi wakwe Aloni, mafuta ayo anunkila ndyaakukunkila kundesu shakwe, kuya mukushika akunteneshi ya mungaanjo wakwe.

Kulumbaisha 89:20

Ndabika Defedi musebenshi wangu pabwaami. Ndamunanika mafuta angu asalalite.

Kulonga 28:41

Shakufwala ishi ukafwalike mukwanu Aloni alimwi abana bakwe basankwa. Kuswawaawo ukabananike mafuta a olifi, akubabenga kuli ndime ayi bakansebensele mulimo wa bupailishi.

Kulonga 40:13

Ukafwalike Aloni shakufwala sha bupailishi akumunanika mafuta asalalite alimwi akumubenga kuli ndime, kwaamba ayi akansebensele mulimo wa bupailishi.

Isaya 61:1

Mushimu wa Mwaami Lesa Shinkusu shoonse uli pali ndime, mukwiinga wansala kwaamba ayi nshimikile makani abotu kubakandu. Wantuma kwaamba ayi njumyeyumye batyongooka mumyoyo akwaambilisha lwaanguluko kubaabo baangitwe, akucita kwaamba ayi boofu balashe.

Bene Lefi 10:7

Alimwi tamweelete kuswa kumulyango wa Tente ya Cipangano mukwiinga inga mwafwa, ceebo mwakabengwa kuMwaami Lesa kwiinda mumafuta akwe akunanika.” Aboobo, bakacita bweenka bwakaamba Mose.

Bene Lefi 21:10

“ ‘Alakwe mupailishi munene, uyo wakatilwa mafuta ayo akunanika pamutwi alimwi wakabengwa ayi anoofwala shakufwala sha bupailishi, teelete kutanoosakula misusu nabi kukwamuna shakufwala nshaafwete kwaamba ayi aboneshe ayi ulicite cililo.

Bene Lefi 21:12

nabi kuswa mumusena usalalite wangu neLesa wakwe nabi kulengesha ayi utanoosalalite, mukwiinga wakabengwa kuli ndime neLesa wakwe kwiinda mumafuta akunanika. Nebo ndime Mwaami Lesa.

Bene Lefi 7:35

Ici ncecipansha ca mulambu wa shakulya ubengwa kuMwaami Lesa alimwi akupekwa kuli Aloni alimwi abana bakwe basankwa pabushiku ubo ndibakabikwa pabupailishi.

Sekaliya 4:14

Mpeeke wakaamba ayi, “Aba mbobantu bobilo abo Mwaami Lesa wa cishi ca panshi coonse mbwaakasala akunanika mafuta ayi bakanoomusebensela.”

Shakubelenga 35:25

Nkokwaamba ayi likoto lya bene Isilaeli lilyeelete kufuna wooyo wakacaya mubye mumapuso kumukwabo wooyo usuni kumucaya. Balyeelete akumuboosha kundabala inene yakulobokelaamo uko nkwaakalinga. Ulyeelete kwikala nkomunya uko kushikila Mupailishi Munene uliiwo akafwe.

Joni 3:34

Ee, uyo Lesa ngwaakatuma ulaamba maswi akwe Lesa ceebo ulamupa Mushimu Usalashi cakuteeleka.

1 Joni 2:27

Sombi mwebo, Klistu wakamupa Mushimu Usalashi ukala muli ndimwe. Aboobo takuyandiki aumwi mufundishi mukwiinga Mushimu Usalashi ngomwakatambula ulamwiisha shoonse alimwi nshaamwiisha nshalushinisho, teshi shabubeshi. Paceebo ceeco, kweelana ambwaakamwiisha, amukalilile muli Klistu.