Kulonga 29:22 - Baibo Busansulushi Bwa Libuku Ili

²² “Ukatimbuleko mafuta a mbelele isankwa iyo, mucila ucite mafuta uyo, mafuta afweka pashamukati, cipansha cibotu ca kulini, insa shoonse shobilo amafuta a nshisho alimwi alibelo lya kululyo.

Kulonga 29:22 Marejeleo ya Msalaba

Kulonga 29:13

Kuswawaawo ukabwese mafuta oonse afweka shamukati, cipansha cibotu ca kulini, alimwi ansa shobilo amafuta a nshisho, akushitentela pacipaililo ayi ngumulambu kuli ndime.

Kulonga 29:21

Lyalo ukabwese bulowa bumwi buli pacipaililo amafuta a olifi amwi akusanseela pali Aloni ashakufwala shakwe, alimwi apabana bakwe basankwa ashakufwala shabo. Mpeeke Aloni, bana bakwe alimwi ashakufwala shabo, shilaakubengwa kuli ndime.

Kulonga 29:23

Ono mumutaanga wa shimaande uyo wakapekwa kuli ndime, ukushemo cimaande comwi comwi kumishobo yoonse. Nkokwaamba ayi, cimaande cisenkene amafuta a olifi, citacite mafuta alimwi acimwi cipampamene.

Bene Lefi 10:14

Sombi mwebo abamumaandaanu inga mwalya ntiti yakatambeekwa amweendo wakatako wakabengwa kuMwaami Lesa ayi ngwa bapailishi. Ishi inga mwashilita mumusena usalalite kweelana aMilawo. Shakapekwa kuli ndimwe abana banu ayi ncecipansha canu kuswa pamilambu ya bwanabwankashi ya bene Isilaeli.

Bene Lefi 14:12

Mupailishi ulaakubwesa mbelele yomwi isankwa alimwi acomwi ca shotatwe sha lita ya mafuta a olifi, akushibenga ayi ngumulambu wakumana milandu. Ulaakushitambeeka kunembo lya Mwaami Lesa ayi ngumulambu wakutambeeka.

Bene Lefi 3:9

Lyalo ulyeelete kupa nebo neMwaami Lesa ayi ncipo ca shakulya kuli nguwe, shipansha sha munyama ishi. Mafuta a njiyo, mucila woonsebo ucite mafuta kutimbwitabo pafwaafwi amusana, mafuta oonsebo ali kushamukati,

Bene Lefi 7:3

Mafuta anguwe oonse alaakukushikwa akubengwa pacipaililo. Nkokwaamba ayi mucila ucite mafuta, mafuta a kushamukati,

Bene Lefi 7:37

Anu iyi njemilawo ya pamilambu yakutenta, cipo ca fulaulo, milambu yakulekelelwa shibiibi, milambu yakumana milandu, milambu yakubika bantu pabupailishi alimwi amilambu ya bwanabwankashi.

Bene Lefi 9:19

Aloni wakabika mafuta a mucende alimwi ambelele isankwa

Bene Lefi 9:21

akutambeeka ntiti amyeendo yakatako yakululyo kunembo lya Mwaami Lesa ayi ngumulambu wakutambeeka, kweelana abwakamwaambila Mose.

Shakubelenga 18:18

Yalo nyama njanu, bweenka mbuli ntiti alimwi amweendo wakatako walulyo pamulambu wakutambeeka.

1 Samwelo 9:24

Mpeeke shikuteleka wakaleta nyama ibotu ya kumweendo akwiibika kunembo lyakwe Saulo. Mpomunyaawo Samwelo wakaamba ayi, “Bona, njeeyi nyama yabambilwa ndiwe, ilye ndeesungila ndiwe ayi ulye paciindi ici pantu pomwi abantu aba mbondakatamba.” Saulo wakalya aSamwelo ubo bushiku.