Kulonga 29:14 - Baibo Busansulushi Bwa Libuku Ili

¹⁴ Sombi nyama, cipaya alimwi amala a mucende, mukashitentele pansengwe lya misumba. Uyu ngumulambu wakukusha shibiibi sha bapailishi.

Kulonga 29:14 Marejeleo ya Msalaba

2 Makani 29:24

Lyalo bapailishi bakacaya mpongo isho akutila bulowa bwa nshisho pacipaililo ayi ngumulambu wakulekelelwa shibiibi sha bantu boonse. Bakacita boobo mukwiinga mwaami wakaambilisha ayi bene Isilaeli boonse babengelwe milambu yakutenta alimwi ayakulekelelwa shibiibi.

Esila 8:35

Kuswawaawo bantu abo bakaswa mucishi ca busha bakabenga milambu yakutenta kuli Lesa wa bene Isilaeli. Bakabengela bene Isilaeli boonse bacende bali 12, mbelele shisankwa shili 96, bana ba mbelele basankwa bali 77. Bakabenga ampongo shisankwa shili 12 ayi ngumulambu wakulekelelwa shibiibi. Shintu shoonse ishi shakalinga ngumulambu wakutenta wakabengwa kuMwaami Lesa.

Kulonga 30:10

Aloni ulyeelete kucita kwishibila kwa kusalasha cipaililo linkanda lyomwi pamwaaka. Ulyeelete kunanika bulowa bwa mulambu wakulekelelwa shibiibi pashintu shili anga ngameeca. Nkokwaamba ayi ici cilyeelete kunoocitika lyoonsebo pamwaaka mumashalane anu oonse acisa. Sombi cipaililo ici cilyeelete kunoosalalite cancinencine, cinoolibo caangu nebo neMwaami Lesa.”

Esekelo 43:21

Ulyeelete kubwesa mucende uyo weshi akabengwe ayi ngumulambu wakulekelelwa shibiibi akuya mukumutentela pamusena wakasalwa pansengwe lya Ŋanda yakwe Lesa.

Bene Lefi 16:11

“Na Aloni akabenge mucende ayi ngumulambu wakulekelelwa shibiibi shakwe alimwi asha bamuŋanda yakwe,

Bene Lefi 16:27

Mucende ampongo shasebenseshekwa kumulambu wakulekelelwa shibiibi, shine bulowa bwaletwa muMusena Usalalite Wiindaawo ayi bukushe shibiibi, shilaakutolwa pansengwe lya misumba akutentwa. Cipaya, nyama alimwi amala shoonse shilaakutentwa.

Bene Lefi 16:3

“Aloni ulyeelete kwiinjila muMusena Usalalite Wiindaawo na wamana kuleta mucende mwaana ayi ngumulambu wakulekelelwa shibiibi alimwi ambelele isankwa ya mulambu wakutenta.

Bene Lefi 4:21

Mpeeke ulaakukusha mucende uyo pansengwe lya misumba akumutenta bweenka mbwaatenta mucende ubengwa ayi ngumulambu wakulekelelwa shibiibi shakwe mwiine. Mulambu uyo ngwakukusha cibiibi ca bene Isilaeli boonse.

Bene Lefi 4:25

Lyalo mupailishi ulaakusumpa munwe wakwe mubulowa bwa munyama uyo, akububika pameeca a mumakonko oonse a cipaililo. Bulowa boonse bweshi bukacaaleewo, ulaakubutila panshi pacipaililo.

Bene Lefi 4:29

Ulaakubika lyaansa lyakwe pamutwi wa njiyo akwiicaila kunembo lyangu neMwaami Lesa, uko nkobacaila milambu yakutenta.

Bene Lefi 4:3

“Na ngumupailishi munene wabisha, akuleta mulandu pabantu, ulyeelete kuleta kuli ndime neMwaami Lesa mucende mwaana utacite kampenda kali koonse, alimwi akumubenga ayi ngumulambu wakulekelelwa shibiibi shakwe.

Bene Lefi 4:32

“Ono na muntu uyo waleta mbelele ayi ngumulambu wakulekelelwa shibiibi, ilyeelete kuba yanakashi itacite kampenda kali koonse.

Bene Lefi 5:6

Ono mulandu wakubisha kwakwe, ulyeelete kuleta mbelele yanakashi nabi mpongo kuli ndime neMwaami Lesa ayi ngumulambu. Mupailishi ulaakubenga mulambu uyo pacibiibi ca muntu uyo.

Bene Lefi 5:8

Ulaakushileta kumupailishi uyo weshi akataangune kubenga kayuni ka mulambu wakulekelelwa shibiibi. Ulaakutyola nshingo ya kayuni kwakutasutulako mutwi

Bene Lefi 6:25

“Lwiita Aloni alimwi abana bakwe basankwa ayi iyi njimilawo ya pamilambu yakulekelelwa shibiibi. Munyama wa mulambu wakulekelelwa shibiibi ulaakucailwa kunembo lya Mwaami Lesa, uko kucailwa banyama ba milambu yakutenta. Mulambu uyo ulisalalite abuumbi.

Bene Lefi 8:17

Pesule wakabwesa shakacaalaako kumucende uyo, kubikaawo acipaya cakwe, nyama alimwi amala, akushitentela pansengwe lya misumba, kweelana aMwaami Lesa mbwaakaambila Mose.

Bene Lefi 9:2

Wakaambila Aloni ayi, “Ubwese mucende mwaana alimwi ambelele isankwa shoonse shobilo shitacite kampenda kali koonse akushibenga kuMwaami Lesa. Mucende mwaana ngwamulambu wakulekelelwa shibiibi, mbelele isankwa njamulambu wakutenta.

Malaki 2:3

Ono ceebo ca ndimwe, ndaakupa mulandu bamulunyungu lwanu. Ndaakumunanika bufumba bwa milambu yanu pameenso, akumutola nkobabusowela.

Shakubelenga 19:5

Sombi ŋombe yoonsebo, kubikaawo acipaya, nyama, bulowa alimwi asha mukati shilyeelete kutentwa pameenso akwe.