Kulonga 29:13 - Baibo Busansulushi Bwa Libuku Ili

¹³ Kuswawaawo ukabwese mafuta oonse afweka shamukati, cipansha cibotu ca kulini, alimwi ansa shobilo amafuta a nshisho, akushitentela pacipaililo ayi ngumulambu kuli ndime.

Kulonga 29:13 Marejeleo ya Msalaba

Kulumbaisha 22:14

Nkusu shangu shamana, shamanabo anga ngamaanshi apukwitwa panshi. Shifuwa shangu shilibo anga shaswaamo mumanungi. Awalo moyo wangu wababo anga mbukato bwasunguluka.

Kulonga 12:9

Kuteelesha kulya nyama ibishi nabi yakuteleka, sombi yoonse mulyeelete kwiilya yakutenta, pantu pomwi amutwi, myeendo alimwi ashamukati shoonse.

Kulonga 29:18

Mpomunyaawo ukatente mbelele yoonse iyo pacipaililo ayi ngumulambu wakutenta. Bweema bwa mulambu uyo, bulansangalasha.

Kulonga 29:22

“Ukatimbuleko mafuta a mbelele isankwa iyo, mucila ucite mafuta uyo, mafuta afweka pashamukati, cipansha cibotu ca kulini, insa shoonse shobilo amafuta a nshisho alimwi alibelo lya kululyo.

Kulonga 29:25

Kuswawaawo ukabanyaaye akushitentela pacipaililo, peculu lya mulambu wakutenta. Bweema bwa mulambu uyo bulansangalasha.

Isaya 1:11

Mwaami Lesa waamba ayi, “Anu mutooyeeya ayi milwi milwi ya milambu njemupa nciinshi kuli ndime? Milambu yakutenta yancima, ee, milambu ya mbelele shisankwa aya mafuta a shifubwa shakeenishikwa yancima. Bulowa bwa bacende, mbelele alimwi abwa mpongo bwacileka kunsangalasha.

Isaya 34:6

Mupeeni wa Mwaami Lesa ulaakupila mumalowa. Ee, ulaakufwekeleshekwa amafuta abo, kufwekeleshekwa bweenka mupeeni mbooba kubulowa bwa mbelele ampongo, alimwi akumafuta a kunsa sha mbelele shisankwa. Ceebo Mwaami Lesa ulaakubenga mulambu mundabala ya Bosila. Ee, muEdomu mulaakuba kucaikwa kuyoosha.

Isaya 43:24

Tamukwe kungulilaawo mafuta anunkila kabotu eetwa ayi kalamasi, nabi kunkwanisha mafuta aswa kumilambu yanu. Sombi mwebo mwakampa mukuli wa shibiibi shanu, ncakwiila shilubo shanu shandemya abuumbi.

Bene Lefi 1:15

Mpeeke mupailishi ulaakwiileta kucipaililo, akeeshongonone nshingo akutenta mutwi wa njiyo pacipaililo. Bulowa bwa njiyo bukatililwe kulubasu lwa cipaililo.

Bene Lefi 1:9

Muntu uyo ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Bene Lefi 16:25

Mpeeke ulaakutentela mafuta a munyama wa mulambu wakulekelelwa shibiibi pacipaililo.

Bene Lefi 17:6

Lakwe mupailishi ulaakunoosanseela bulowa mumbasu sha cipaililo pamulyango wa Tente ya Cipangano, akutenta mafuta kwaamba ayi mbweema busangalasha Mwaami Lesa.

Bene Lefi 4:26

Mpomunyaawo mafuta oonse ulaakwaatentela pacipaililo, bweenka mbwaatenta mafuta a banyama bacaikwa ayi njimilambu ya bwanabwankashi. Munshila iyi, mupailishi ulaakubenga mulambu wa cibiibi ca mutanjilili, aboobo ulaakulekelelwa.

Bene Lefi 4:31

Lyalo ulaakukusha mafuta a munyama uyu oonse, bweenka mbwaakusha mafuta a banyama bacaikwa ayi njimilambu ya bwanabwankashi. Mpeeke ulaakwaatentela pacipaililo kwaamba ayi bweema bukansangalashe neMwaami Lesa. Munshila iyi, mupailishi ulaakubenga mulambu wakukusha cibiibi ca muntu uyo, aboobo ulaakulekelelwa.

Bene Lefi 4:35

Kuswawaawo, ulaakukushamo mafuta oonse, bweenka mbwaakusha mafuta a mumbelele icaikwa ayi ngumulambu wa bwanabwankashi, akwaatentela pacipaililo pantu pomwi acipo ca shakulya cipekwa kuli ndime neMwaami Lesa. Munshila iyi, mupailishi ulaakubenga mulambu wakukusha cibiibi ca muntu uyo, aboobo ulaakulekelelwa.

Bene Lefi 6:12

Mulilo pacipaililo ulyeelete kunoonyakabo, taweelete kushimika sobwe. Lyoonse macuunsa, mupailishi ulyeelete kubikawo nkuni, kubikawo mulambu wakutenta alimwi akutenta mafuta a mulambu wa bwanabwankashi.

Bene Lefi 7:3

Mafuta anguwe oonse alaakukushikwa akubengwa pacipaililo. Nkokwaamba ayi mucila ucite mafuta, mafuta a kushamukati,

Bene Lefi 7:31

Mpeeke mupailishi ulaakutenta mafuta pacipaililo, sombi ntiti nja bapailishi.

Bene Lefi 7:4

insa shoonse shobilo amafuta a nshisho, alimwi acipansha cibotu ca lini.

Bene Lefi 8:16

Mpomunyaawo Mose wakabwesa mafuta oonse a kushamukati, cipansha cibotu ca lini, alimwi ansa shobilo amafuta a nshisho, akushitentela pacipaililo.

Bene Lefi 8:25

Wakabwesa mafuta, mucila ucite mafuta, mafuta afweka kushamukati, cipansha cibotu ca lini, insa shobilo amafuta a nshisho alimwi amweendo wakululyo wakatako.

Bene Lefi 9:10

Lyalo pacipaililo wakatentawo mafuta a mulambu wakulekelelwa shibiibi, insa alimwi acipansha cibotu ca lini, kweelana aMwaami Lesa mbwaakaambila Mose.

Bene Lefi 9:19

Aloni wakabika mafuta a mucende alimwi ambelele isankwa

Shakubelenga 18:17

Sombi boombe bakwiiya, mbelele alimwi ampongo tabeelete kunoolubulwa, ceebo balisalalite. Mulyeelete kusanseela bulowa bwabo pacipaililo akutenta mafuta abo ayi ngumulambu wa cakulya. Bweema bwa mulambu uyu bulansangalasha nebo neMwaami Lesa.

1 Samwelo 2:16

Ono na muntu wakumbula ayi, “Sobwe, atucite ciluleme. Atutaangune tutente mafuta, lyalo ndyeshi mubwese ncemusuni.” Musebenshi wa mupailishi wakalinga kwaamba ayi, “Sobwe ubo! Amumpe bulya bweenka! Na mubule kumpa, ntoobwesabo munkusu!”