Kulonga 28:43 - Baibo Busansulushi Bwa Libuku Ili

⁴³ Anu Aloni alimwi abana bakwe basankwa balyeelete kunoofwala shakufwala ishi lyoonsebo na benjila muTente ya Cipangano, nabi kuya kucipaililo mukusebensa mulimo wa bupailishi muMusena Usalalite, kwaamba ayi bakabule kucaikwa ceebo cakuba mubilibo. Uyu ngumulawo weshi ukabule kumana kuli Aloni alimwi abamulunyungu lwakwe.

Kulonga 28:43 Marejeleo ya Msalaba

Kulonga 20:26

Mutakampangili cipaililo cicite pakutantila. Na mukacite boobo, mulaakubonesha matakosha anu nobeene pakunooyacitanta pali ncico.”

Kulonga 27:21

Aloni alimwi abana bakwe basankwa balyeelete kubika lilampi muTente ya Cipangano, pansengwe lwa cisani ico cili kunembo lya Libokoshi lya Cipangano. Nkokwaamba ayi lilampi ili lilyeelete kunyaka pameenso angu mpomunyaawo kuswa macolesha kushikila amacuunsa. Bene Isilaeli alimwi abamulunyungu lwabo balyeelete kunoolama mulawo uyu lyoonsebo.

Kulonga 30:21

Balyeelete kusamba kumaansa akumyeendo kwaamba ayi babule kufwa. Uyu ngumulawo kuli Aloni alimwi abamulunyungu lwakwe mumashalane abo oonse acisa.”

Esekelo 44:17

“Pakwinjila kuya mulubansa lwa mukati, balyeelete kufwala shakufwala sha nsalu iteshimite. Tabeelete kufwala shakufwala sha booya pakunoosebensa mulubansa lwa mukati nabi mukati muŊanda yakwe Lesa.

Bene Lefi 16:13

Mweenka umo kunembo lyangu neMwaami Lesa, ulaakubika tununkila kabotu pamulilo, mpeeke bwiishi bwa tununkila kabotu bulaakushisa cifwekesho ca Libokoshi lya Cipangano kwaamba ayi atacibooni akufwa.

Bene Lefi 17:7

Anu bene Isilaeli tabeelete kutolelela kutashomeka kuli ndime neMwaami Lesa kwiinda mukucaya banyama babo muluundu ayi njimilambu kushibumbwabumbwa shili anga nimpongo. Balyeelete kunoolama mulawo uyu.

Bene Lefi 22:15

Bapailishi tabeelete kulengesha ayi milambu isalalite ibule kunoosalalite

Bene Lefi 22:9

“ ‘Bapailishi boonse balyeelete kukonkela milawo yangu. Ono na baalilwa kwiikonkela, balaakuba amulandu akufwa ceebo cakukaka kukonkela milawo iyo isalalite. Nebo ndime Mwaami Lesa ubasalasha.

Bene Lefi 3:17

Taaku mwine Isilaeli nabi womwi weelete kulya mafuta nabi bulowa. Uyu ngumulawo bene Isilaeli boonse ngobeelete kukonkela lyoonsebo, kuli koonse nkweenga kababete.”

Bene Lefi 5:1

“Anu milambu yakulekelelwa shibiibi ilyeelete kupekwa pamilandu iyi. “Na muntu weetwa kunkuta ayi akape bukamboni ono wakaka kwaamba makani apacintu ico ncaakabona nabi kunyumfwa, ulyeelete kupekwa mulandu weelete.

Bene Lefi 5:17

“Ono na muntu umwi wabisha cakuteshiba kwiinda mukusotoka mulawo wangu neMwaami Lesa uli woonse, nkokwaamba ayi wabisha. Aboobo ulyeelete kulipila kweelana ambwaaelete.

Shakubelenga 15:15

Milawo njemunya iyi ilaakunookumite kuli ndimwe alimwi abaswamashi bashiite pakati kanu mumashalane anu oonse atoosa. Mwebo ambabo mulyeelenebo pameenso angu nebo neMwaami Lesa.

Shakubelenga 18:22

Kuswa sunu, bene Isilaeli bamwi boonse tabeelete kunoosena pafwaafwi aTente. Na bakasene pafwaafwi, balaakucaikwa ceebo cakubisha uko.

Shakubelenga 18:32

Na mwapa kale cipansha ciindaawo kubota, teshi mukanoolipa mulandu pakunoolya. Pakucita boobo, teshi mukalengeshe cipo cisalalite ca bene Isilaeli kuba citasalalite, ceebo inga mwafwa.”

Shakubelenga 18:8

Lyalo Mwaami Lesa wakaambila Aloni ayi, “Nebo nemwiine ndakupa shipo shoonse isho bene Isilaeli nshebampa. Ndapa ndiwe abana bako basankwa ayi ncecipansha canu ico nceshi mukanoopekwa lyoonse.

Shakubelenga 9:13

Sombi muntu woonse usalalite kweelana aMilawo alimwi utabete pamushinso alimwi utalami bushiku bwa Pasika bwakwiibaluka kusotokela, teshi akanoociyeeyelwa kuba mulikoto lya bantu bangu mukwiinga taakwe kubenga mulambu kuli ndime paciindi ceelete. Ulyeelete kupenshekwa pacibiibi cakwe.