Kulonga 28:41 - Baibo Busansulushi Bwa Libuku Ili

⁴¹ Shakufwala ishi ukafwalike mukwanu Aloni alimwi abana bakwe basankwa. Kuswawaawo ukabananike mafuta a olifi, akubabenga kuli ndime ayi bakansebensele mulimo wa bupailishi.

Kulonga 28:41 Marejeleo ya Msalaba

Kulonga 28:1

“Ono ita Aloni mukwanu alimwi abana bakwe basankwa, Nadabu, Abiyu, Eliyasa alimwi aItama. Ubapatule kuswa mubene Isilaeli kwaamba ayi bakansebensele mulimo wa bupailishi.

Kulonga 28:4

Ukabalwiite ayi bakatunge cakufwala ca pacaamba, cakufwala ca bupailishi ciitwa ayi efodi, mungaanjo, amwinjila utungitwewo shintu shimwi shakubotesha, cakufwala ca kumutwi alimwi alaamba. Shakufwala ishi sha bupailishi balyeelete kutungila Aloni alimwi abana bakwe basankwa ayi bakansebensele mulimo wa bupailishi.

Kulonga 29:24

Shakulya shoonse ishi ukape Aloni alimwi abana bakwe basankwa, alimwi akubalwiita ayi bakashibenge kuli ndime ayi ncipo ca cakutambeeka.

Kulonga 29:35

“Ulyeelete kucita shoonse shiyandika pakubikwa Aloni alimwi abana bakwe basankwa pabupailishi. Ulyeelete kutola nshiku shosanwe ashobilo, akucita kweelana ambondakakwaambila.

Kulonga 29:7

Ndyeshi ukabwese mafuta, ukamutilile pamutwi akumunanika.

Kulonga 29:9

balaamba mumakome alimwi ashisooti kumitwi. Ubo mboweelete kubenga Aloni alimwi abana bakwe basankwa. Balo, pantu pomwi abamulunyungu lwabo balyeelete kunsebensela mulimo wa bupailishi lyoonsebo.

Kulonga 30:35

Ukatusebenseshe kwaamba ayi ukapange tununkila kabotu pakutenta ayi tube abweema bubotu. Ukasenkanyeeko amwiinyo ayi shikabe shisalalite cancinencine.

Kulonga 40:13

Ukafwalike Aloni shakufwala sha bupailishi akumunanika mafuta asalalite alimwi akumubenga kuli ndime, kwaamba ayi akansebensele mulimo wa bupailishi.

Kulonga 40:15

Ukabananike bweenka mbweshi ukananike ishiwabo kwaamba ayi bakansebensele mulimo wa bupailishi. Kunanikwa uko kulaakulengesha ayi bakanoolibo bapailishi lyoonse.”

Isaya 10:27

Pabushiku ubo ndaakumwaangulula kuswa munkusu sha bene Asilya akutyoloola lijoko lya bweendeleshi bwabo lili pashifushi shanu.”

Isaya 61:1

Mushimu wa Mwaami Lesa Shinkusu shoonse uli pali ndime, mukwiinga wansala kwaamba ayi nshimikile makani abotu kubakandu. Wantuma kwaamba ayi njumyeyumye batyongooka mumyoyo akwaambilisha lwaanguluko kubaabo baangitwe, akucita kwaamba ayi boofu balashe.

Esekelo 43:26

Kwanshiku shosanwe ashobilo, bapailishi balyeelete kusalasha cipaililo ico akucilengesha kweelela kusebenseshekwa.

Bene Lefi 10:7

Alimwi tamweelete kuswa kumulyango wa Tente ya Cipangano mukwiinga inga mwafwa, ceebo mwakabengwa kuMwaami Lesa kwiinda mumafuta akwe akunanika.” Aboobo, bakacita bweenka bwakaamba Mose.

Bene Lefi 16:24

Ulyeelete kusambila mumusena usalalite akufwala shakufwala shinekwe. Na akamanishe, ulaakuswa akuya mukubenga mulambu wakutenta ayi akushe shibiibi shakwe mwiine alimwi awakukusha shibiibi sha bene Isilaeli.

Shakubelenga 16:5

Kuswawaawo wakaambila Kola alimwi abaabo bakalinga kumukonkela ayi, “Ciilo macuunsa Mwaami Lesa ulaakutubonesha muntu wakwe. Ulaakulengesha ayi uyo waakwe, ngwaakasala, akasene kuli nguwe kucipaililo.

Shakubelenga 3:3

Bakananikwa akubikwa pabupailishi.

Joni 3:34

Ee, uyo Lesa ngwaakatuma ulaamba maswi akwe Lesa ceebo ulamupa Mushimu Usalashi cakuteeleka.

Bene Ebulu 5:4

Taaku muntu usala kulipa bulemu bwakuba mupailishi munene, sombi nguLesa umwiita, bweenka mbwaakeeta Aloni.

Bene Ebulu 7:28

Milawo yakwe Mose ilabika bantu balefukite kuba bapailishi banene. Sombi kwiinda mukulumbila uko kwakesa pesule lya Milawo, Lesa wakabika Mwanaakwe ululeme, kwaamba ayi abe Mupailishi Munene wamuyayaya.

1 Joni 2:20

Sombi mwebo Klistu wakamupa Mushimu Usalashi, aboobo mulishi shalushinisho shoonse.

1 Joni 2:27

Sombi mwebo, Klistu wakamupa Mushimu Usalashi ukala muli ndimwe. Aboobo takuyandiki aumwi mufundishi mukwiinga Mushimu Usalashi ngomwakatambula ulamwiisha shoonse alimwi nshaamwiisha nshalushinisho, teshi shabubeshi. Paceebo ceeco, kweelana ambwaakamwiisha, amukalilile muli Klistu.