Kulonga 28:36 - Baibo Busansulushi Bwa Libuku Ili

³⁶ “Ukapange keela kapampamene ka golodi wiine wiine, akulembaawo ayi, ‘Wakabengwa kuMwaami Lesa.’

Kulonga 28:36 Marejeleo ya Msalaba

1 Makani 23:13

Amulamu munenebantu wakashala Aloni alimwi aMose. Aloni abamulunyungu lwakwe bakapekwa mulimo wakulama shintu shisalalite lyoonsebo, kubenga milambu kunembo lya Mwaami Lesa, kumusebensela alimwi akupa shoolwe bantu muliina lyakwe kwalyoonse alyoonse.

Kulumbaisha 93:5

NoBaami baLesa milawo yanu njamuyayaya, Ŋanda yanu ilisalalite calushinisho kwalyoonse alyoonse.

Kulonga 19:6

Mulaakuba bantu balibengetebo muli ndime neenka, alimwi mulaakusebenselabo ndime milimo ya bupailishi.”

Kulonga 28:11

Ukabone muntu ucishi kupanga sheela ayi akalembe meena a bana bakwe Jakobo basankwa pamabwe obilo aya, akwaananika golodi.

Kulonga 28:35

Aloni ulyeelete kufwala mungaanjo uyu pakunoosebensa mulimo wabupailishi. Na wesa pameenso angu muMusena Usalalite nabi pakunooswa, tumilangu tulaakunoonyumfwika kulila. Aboobo teshi akacaikwe.

Kulonga 28:37

Keela ako kakaangwe kunembo lya cisani cakufwala kumutwi acisani ciboneka anga ndiculu.

Kulonga 28:9

Ukabwese mabwe obilo eetwa ayi onikisi akulembawo meena a bana bakwe Jakobo basankwa bali likumi abobilo.

Kulonga 29:6

Ukamufwalike cisani ca kumutwi akwaangawo keshibilo kasalalite kakubengwa kalembetwe ayi ‘Wakabengwa kuMwaami Lesa.’

Kulonga 39:27

Mpeeke bakatunga minjila yakwe Aloni abana bakwe basankwa,

Kulonga 39:30

Bakapanga akeela kapampamene ka golodi wiine wiine ayi kabe keshibilo kasalalite ka kulibenga, akulembaawo ayi “Wakabengwa ku Mwaami Lesa.”

Kulonga 39:31

Mpeeke bakakaanga kunembo lya cisani cakufwala kumutwi acisani ciboneka anga ndiculu, kweelana aMwaami Lesa mbwaakaambila Mose.

Isaya 23:18

Maali ngweshi bakanoocana balaakwaabika mumaansa a Mwaami Lesa. Ncakwiila teshi bakanoosunga beene, sombi abo beshi bakanoosebensela Mwaami Lesa mbweshi bakanokwaasebensesha kukuula shakulya ashakufwala shabo.

Esekelo 43:12

Musena woonsebo ushingulukite peculu lya kalundu ka Ŋanda yangu ulisalalite kwiindaawo. Uyu ngomulawo wa Ŋanda yangu nebo neLesa.”

Bene Lefi 10:3

Mpomunyaawo Mose wakaambila Aloni ayi, “Nceceeci Mwaami Lesa ncaakalinga kwaambawo, ndyaakaamba ayi, ‘Basebensela ndime boonse balyeelete kundemeka ceebo ndisalalite. Ndaakuyubulula bulemu bwangu kubantu bangu.’ ” Sombi Aloni wakoomunabo bwii.

Bene Lefi 19:2

“Lwiita bene Isilaeli boonse ayi babe bantu basalalite, ceebo nebo neMwaami Lesa wanu ndisalalite.

Bene Lefi 8:9

Wakamufwalika cisani cakumutwi, kunembo wakabikako keela ka golodi ako kakalinga keshibilo kasalalite kakubengwa, kweelana aMwaami Lesa mbwaakaambila Mose.

Sekaliya 14:20

Pabushiku ubo, pamilangu ya maaki palaakulembwa ayi, “Cisalalite kuMwaami Lesa.” Ayalo mipika yakutelekelaamo muŊanda ya Mwaami Lesa ilaakuba anga nimbale shifongomene shisalalite shili kunembo lya cipaililo.

Bene Ebulu 12:14

Amweeleshe kwikala muluumuno abantu boonse alimwi akweelesha kwikala buumi busalalite ceebo taaku muntu utasalalite nabi womwi eshi akabone Lesa.

Bene Ebulu 7:26

Jesu anu ngoMupailishi Munene utucafwa munshila shoonse shiyandika. Ulisalalite alimwi taacite kampenda nabi bubi muli nguwe. Wakapusanishikwa abamucita shibi alimwi wakasumpulwa kwiinda shoonse sha kwiculu.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

Ciyubululo 21:27

Sombi mundabala inene iyo teshi mukenjile cintu citasalalite nabi comwi, nabi bantu boonse bacita shintu shilensha nsoni nabi babeshi. Mulaakwinjilabo baabo bacite meena alembetwe mulibuku lya buumi lya Mwanaambelele.