Kulonga 28:29 - Baibo Busansulushi Bwa Libuku Ili

²⁹ “Ono na Aloni weenjila muMusena Usalalite, ulaakunoofwala cakufwala ca pacaamba ico cilembetwewo meena a mikowa ya bene Isilaeli, ayi nebo neMwaami Lesa nkanokwiibaluka bantu bangu lyoonsebo.

Kulonga 28:29 Marejeleo ya Msalaba

Kulonga 28:12

Kuswawaawo ukaabike pashakupushamo ntambo paefodi kwaamba ayi akanokwiimikanina mikowa ili likumi ayobilo ya bene Isilaeli. Munshila iyo, Aloni ulaakunyamuna meenaabo pashifushi shakwe, ayi nebo neMwaami Lesa nkanoyeeyabo bantu bangu lyoonse.

Kulonga 28:15

“Ono kukatungwe acakufwala pacaamba ca mupailishi munene ayi anoocisebensesha mukwishiba kuyanda kwangu nebo neLesa. Acalo cilyeelete kutungwa kushintu sheenka shili mbuli sha efodi alimwi ashakubotesha shikoshenye.

Kulonga 28:28

Ono ndyeshi ukaange shakukobekaamo a cakufwala ca pacaamba kushakukobekaamo sha efodi akasani ka mushobo wa liculu, kwaamba ayi cakufwala ca pacaamba cikanookala peculu lya laamba, cakubula kusensuluka.

Kulonga 28:30

Mucakufwala ca pacaamba ico, ukabikeko Ulimu alimwi aTumimu, kwaamba ayi Aloni akanooshinyamuna pakwisa pameenso angu. Mushiindi sha mbuli sheeshi, lyoonse ulyeelete kufwala cakufwala ico, kwaamba ayi akanooshiba kuyanda kwangu pabene Isilaeli.

Lwiimbo lwakwe Solomoni 8:6

Umbiike mbe anga ngukalamatila wa keshibilo kumoyo wako alimwi anga ngukalamatila wa keshibilo kulyaansa lyako. Mukwiinga lusuno lulicite nkusu anga ndufu, ee, lulicite nkusu anga ndufu lwiine. Lulanyaka kuba mulilo unene abuumbi akutenta bweenka butenta mulilo wiine wiine.

Jelemiya 30:21

Mutanjilili wabo ulaakunooli mwine mishaabo. Ncakwiila muleli wabo ulaakuswa pakati kabo. Ndaakumusenya pafwaafwi alakwe ulaakuba muliimfwa lyangu, ceebo taaku weenga waliyuminisha kunsena pafwaafwi na nshina kumwiita.

Bene Loma 10:1

Nobamakwesu cintu nceensunishi amoyo wangu woonse alimwi nceensenga Lesa, ncakwaamba ayi baJuda abo bamumushobo wangu, bakapulushikwe.