Kulonga 27:21 - Baibo Busansulushi Bwa Libuku Ili

²¹ Aloni alimwi abana bakwe basankwa balyeelete kubika lilampi muTente ya Cipangano, pansengwe lwa cisani ico cili kunembo lya Libokoshi lya Cipangano. Nkokwaamba ayi lilampi ili lilyeelete kunyaka pameenso angu mpomunyaawo kuswa macolesha kushikila amacuunsa. Bene Isilaeli alimwi abamulunyungu lwabo balyeelete kunoolama mulawo uyu lyoonsebo.

Kulonga 27:21 Marejeleo ya Msalaba

Matalikilo 1:5

Mpeeke Lesa wakatumba mumuni ayi, “Malumwi,” awalo munshinshe ayi, “Mashiku.” Lyalo kwakaba macolesha amacuunsa, ubu bwakaba mbushiku butaanshi.

Matalikilo 1:8

Lesa wakatumba musena uyo ayi, “Liculu.” Lyalo kwakaba macolesha amacuunsa, ubu bwakaba mbushiku bwabili.

2 Makani 13:11

Lyoonse macuunsa amacolesha balabenga milambu yakutenta aya tununkila kabotu kuMwaami Lesa. Balabika shimaande patebulu iyo Isalalite kweelana aMilawo alimwi macolesha oonse balanyansha malampi ali pashakwaabikaawo sha golodi. Swebo tulakonkela mbwaakatwaambila Mwaami Lesa, sombi mwebo mwakamushiya.

Kulumbaisha 134:1

Amulumbaishe Mwaami Lesa, mwebo noonse nobasebenshi bakwe. Amumulumbaishe mwebo nomusebensa muŊanda yakwe mashiku.

Kulonga 12:14

Mulyeelete kunoosekelela bushiku ubu kwaamba ayi mwiibaluke ncendacita nebo neMwaami Lesa. Mukanoosekelela amyaaka yoonse ili kunembo.”

Kulonga 16:34

Kweelana aMwaami Lesa mbwaakaambila Mose, Aloni wakabika kangomo ka mana ako kunembo lya Libokoshi lya Cipangano kwaamba ayi kalamwe.

Kulonga 25:16

Kuswawaawo mukabike mulibokoshi mabwe obilo apampamene ayo ngweshi nkamupe. Pamabwe obilo ayo, mpopalembetwe milawo.

Kulonga 28:43

Anu Aloni alimwi abana bakwe basankwa balyeelete kunoofwala shakufwala ishi lyoonsebo na benjila muTente ya Cipangano, nabi kuya kucipaililo mukusebensa mulimo wa bupailishi muMusena Usalalite, kwaamba ayi bakabule kucaikwa ceebo cakuba mubilibo. Uyu ngumulawo weshi ukabule kumana kuli Aloni alimwi abamulunyungu lwakwe.

Kulonga 29:28

Uyu ulaakunooli mulawo wangu wa nshiku shoonse ayi na bantu bangu batoopa cipo ca bwanabwankashi, ntiti alimwi alibelo nsha bapailishi. Ico ncipo bantu nceshi bakanoopa ndime neMwaami Lesa.

Kulonga 29:42

Inshiku shoonse mulambu wakutenta uyu, nkokwaamba ayi bana ba mbelele ashipo shoonse isho, ulyeelete kubengwa kunembo lyangu pamulyango wa Tente ya Cipangano. Uko nkweshi nkanookumanina abantu bangu akunokwaamba awebo.

Kulonga 29:44

Ndaakusalasha Tente, cipaililo, Aloni alimwi abana bakwe basankwa ayi bakansebensele mulimo wa bupailishi.

Kulonga 30:21

Balyeelete kusamba kumaansa akumyeendo kwaamba ayi babule kufwa. Uyu ngumulawo kuli Aloni alimwi abamulunyungu lwakwe mumashalane abo oonse acisa.”

Kulonga 30:36

Shimwi ukatwe kwaamba ayi shibe busu akubutola muTente ya Cipangano. Ukabusanseele kunembo lya Libokoshi lya Cipangano uko nkweshi nkanookumanina amwebo. Tununkila kabotu uto ulyeelete kwishiba ayi tulisalalite cancinencine.

Kulonga 30:8

Ulyeelete kucita mbomunya ubo pakwisa mukunyasha malampi macolesha. Paceebo ceeci kupa cipo ici ca tununkila kabotu kulyeelete kutolelela lyoonsebo mumashalane anu oonse acisa.

Kulonga 40:3

Ukabikeemo Libokoshi lya Cipangano, umo muli Milawo ili Likumi akubikako cisani ca kushitilisha kunembo lya ndilyo.

Bene Lefi 10:9

“Webo abana bako basankwa tamweelete kwinjila muTente ya Cipangano na mwanwa waini nabi shibilite shimwi shoonse. Na mukacite boobo, mulaakufwa. Uyu ngumulawo ngobeelete kukonkela boonse bamulunyungu lwako.

Bene Lefi 16:34

Milawo iyi ilyeelete kunookonkelwa lyoonsebo. Kucita kweelana aMilawo uku kulyeeleete kunoocitwa linkanda lyomwi pamwaaka kwaamba ayi bene Isilaeli basalashikwe kuswa kushibiibi shabo shoonse.” Aboobo Mose wakacita kweelana abwakamwaambila Mwaami Lesa.

Bene Lefi 17:7

Anu bene Isilaeli tabeelete kutolelela kutashomeka kuli ndime neMwaami Lesa kwiinda mukucaya banyama babo muluundu ayi njimilambu kushibumbwabumbwa shili anga nimpongo. Balyeelete kunoolama mulawo uyu.

Bene Lefi 23:14

Kuteelesha kulya shili anga ngamaila isho shaswabo mukutebulwa, shibishi, shakukanga nabi shakapangwa shinkwa na kamutana kuleta cipo ici kuli Lesa. Mulawo uyu bamulunyungu lwako boonse balyeelete kunooukonkela lyoonsebo koonse uko nkweenga kamushiite.

Bene Lefi 23:21

Pabushiku ubo tamweelete kusebensa milimo yanu yoonse, sombi mulyeelete kubunganabo ayi mulambile. Bamulunyungu lwanu balyeelete kunookonkela mulawo uyu lyoonsebo, koonse uko nkweenga kabashiite.

Bene Lefi 24:2

“Ambila bene Isilaeli ayi balete mafuta a olifi ayo abotu abuumbi amumalampi muTente, kwaamba ayi munooba mumuni lyoonsebo.

Bene Lefi 24:3

Macolesha lyoonse Aloni ulyeelete kunokwaanyasha akubona ayi anoobucesha kunembo lyangu neMwaami Lesa, nkokwaamba ayi pansengwe lya cisani cakushitilisha, kunembo lya Libokoshi lya Cipangano lili muMusena Usalalite Wiindaawo. Mulawo uyu ulyeelete kunookonkelwa lyoonsebo mumashalane anu oonse acisa.

Bene Lefi 24:9

Shimaande ishi nshakwe Aloni alimwi abamulunyungu lwakwe, alimwi balaakushilita mumusena usalalite mukwiinga ncipansha cisalalite abuumbi ca shakulya shipekwa kuli ndime neMwaami Lesa ayi nsha bapailishi.”

Bene Lefi 3:17

Taaku mwine Isilaeli nabi womwi weelete kulya mafuta nabi bulowa. Uyu ngumulawo bene Isilaeli boonse ngobeelete kukonkela lyoonsebo, kuli koonse nkweenga kababete.”

Bene Lefi 3:8

ulyeelete kubika lyaansa lyakwe pamutwi wa njiyo, akwiicaya kunembo lya Tente ya Cipangano. Mpeeke bana bakwe Aloni bapailishi balaakusanseela bulowa bwa njiyo mumbasu shoonse shone sha cipaililo.

Bene Lefi 6:15

Kuswawaawo ulaakutapula lupaka lwa fulaulo usenkene amafuta, alimwi atununkila kabotu tuliiwo, akushitentela pacipaililo kwaamba ayi cibe cishibilo kwaamba ayi shoonse shapekwa kuli ndime neMwaami Lesa. Anu bweema bwa cipo ico bulansangalasha neMwaami Lesa.

Bene Lefi 7:36

Pabushiku ubo, Mwaami Lesa wakaambila bene Isilaeli ayi banoopa bapailishi cipansha ici ca mulambu. Uyu ngumulawo bene Isilaeli ngobeelete kunookonkela lyoonsebo.

Malaki 2:7

Ceebo bapailishi balyeelete kunokwiisha lushinisho lwapali Lesa. Paceebo ceeci, bantu balyeelete kunooya kuli mbabo mukwiiya kuyanda kwangu, mukwiinga mbasebenshi bangu nebo neMwaami Lesa Shinkusu shoonse.

Shakubelenga 18:23

Bene Lefi beenkabo mbobeelete kunoosebensela muTente alimwi mbweshi bakanoopekwa mulandu pacibiibi cacitika umo. Uyu ngumulawo weelete kunookonkelwa lyoonse mumashalane oonse acisa. Bene Lefi teshi bakapekwewo cintu ayi ncabo pamikowa yoonse ya bene Isilaeli.

Shakubelenga 18:5

Webo alimwi abana bako nweenkabo ndimwe mweelete kunoolanga pamilimo ya muMusena Usalalite acipaililo, kwaamba ayi bukali bwangu butakabi pabene Isilaeli alimwi.

Shakubelenga 19:21

Mulyeelete kunookonkela mulawo uyu lyoonsebo. Muntu uyo usanseela maanshi akusalasha, alakwe ulyeelete kucapa shakufwala shakwe. Uyo woonse weenga wakumya maanshi akusalasha teshi akanoosalalite kushikila macolesha.

Shakubelenga 35:29

Anu milasho iyi ilikumite kuli ndimwe amashalane oonse acisa kuli koonse nkweshi mukanoobete.

Shakubelenga 8:9

Kuboolaawo ukabunganye bene Isilaeli boonse akwiimika bene Lefi kunembo lya Tente ya Cipangano.

Mateyo 4:16

Bantu bakalinga kwikala mumunshinshe bakabona mumuni unene. Abalo abo bakalinga kwikala mucishi ca cimfule ca lufu, mumuni ulaakubamunikila.”

Luka 12:35

“Kamulibambite kusebensa alimwi malampi anu kaanyaka lyoonse.

Joni 5:35

Joni Mubombeki wakalinga mbuli lilampi lyakalinga kumunika, alimwi mwakakondwa kwaciindi ciniini mumumuni wakwe.

2 Bene Kolinto 4:6

Ceebo Lesa wakaamba ayi, “Akube mumuni umunika kuswa mumunshinshe.” Lesa eenkabo uyo ngoolengesha mumuni kumunika mumyoyo yesu, kwaamba ayi twishibe bulemu bwakwe bumunika pameenso akwe Klistu.

2 Pita 1:19

Aboobo tweshiba cancinencine ono ayi maswi akaamba balaluki bakulukulu ngalushinisho. Nkokwaamba ayi inga cabota na mwaakonkela mukwiinga ali anga ndilampi litoonyaka mumusena muli munshinshe kushikila bwaca alimwi kushikila mumuni wakwe Klistu ukamunike mumyoyo yanu anga ngwa ntanda,

Ciyubululo 2:1

“Mutanjilili wa kucoonde ca kuEfeso, umulembele ayi, “Aya ngamakani aamba wooyo ucite nyenyeenshi shili shosanwe ashobilo mulyaansa lyalulyo alimwi weenda pakati ka shakubikaawo malampi sha Golodi shili shosanwe ashobilo.

1 Samwelo 3:3

Samwelo alakwe wakalinga kulete muMusena Usalalite umo mwakalinga Libokoshi lya Cipangano. Kakutana kuba kumuyamaca, lilampi kalicinyaka,

1 Samwelo 30:25

Defedi wakaubika ayi ngumulawo kuswa bushiku ubo kushikila asunu mucishi ca Isilaeli.