Kulonga 25:8 - Baibo Busansulushi Bwa Libuku Ili

⁸ Bantu balyeelete kunjakila Tente isalalite kwaamba ayi nkekaale pakati lyabo.

Kulonga 25:8 Marejeleo ya Msalaba

1 Baami 6:13

Ndanookala pakati ka bantu bangu beene Isilaeli muŊanda yangu iyi njewanjakila, alimwi teshi nkabasuuleewo.”

1 Makani 22:19

Ono bulya amusebensele Mwaami Lesa, Lesa wanu amyoyo yanu yoonse alimwi abuumi bwanu boonse. Amutalike kuyaka Ŋanda yakwe Lesa kwaamba ayi mukabikemo Libokoshi lya Cipangano ashimwi shintu shisalalite isho shakusebensesha pakumulambila.”

Kulonga 15:17

Mulaakubaleta akubekalika pakalundu kanu, musena, noBaami baLesa, uyo ngomwakasala ayi ube ŋanda yanu. Ŋanda yakumulambililaamo, noBaami baLesa, njemwakayaka nobeene.

Kulonga 15:2

Mwaami Lesa ngoompa nkusu alimwi ndamwiimbila, mukwiinga ngomupulushi wangu. NgoLesa wangu, alimwi ntoomulumbaisha ngoLesa wa bata alimwi ntokwiimba pankusu shakwe.

Kulonga 29:45

Lyalo ndaakwikala pakati ka bene Isilaeli akuba Lesa wabo.

Kulonga 29:46

Abalo balaakwishiba ayi ndime Mwaami Lesa wabo uyo wakabakusha mucishi ca Ijipiti kwaamba ayi nkekale pakati kabo. Nebo ndime Mwaami Lesa, Lesa wabo.

Isaya 12:6

Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”

Esekelo 37:26

Ndaakupanga cipangano ca luumuno ambabo. Cilaakuba cipangano calyoonse alyoonse. Ndaakushimpya bulelo bwabo akubafusha alimwi ndaakubika Ŋanda yangu pakati kabo kwalyoonse alyoonse.

Esekelo 37:28

Mishobo yaakubona ayi ndabika Ŋanda yangu pakati kabo kwalyoonse alyoonse, ilaakwishiba ayi nebo neMwaami Lesa ndakasala bene Isilaeli kuba bantu bangu.’ ”

Esekelo 43:7

Mpeeke wakandwiita ayi, “Webo omuntu, uyu ngomusena wa cuuna cangu ca bwaami. Ndaakunookala kokuno pakati ka bene Isilaeli akubalela kwa lyoonse alyoonse. Taaku bene Isilaeli nabi bamaami babo beshi bakasebaanye tubili liina lyangu lisalalite mukulambila balesa bamwi nabi kubika mituntu ya bamaami babo kumusena uno.

Bene Lefi 10:4

Mpeeke Mose wakeeta Mishaelo alimwi aElisafani bana bakwe Usiyelo basankwa, alimwi abashimishaabo Aloni akubaambila ayi, “Kamwisa mukushe mituntu ya bapyala banu muTente isalalite, akubabika pansengwe lya misumba.”

Bene Lefi 21:12

nabi kuswa mumusena usalalite wangu neLesa wakwe nabi kulengesha ayi utanoosalalite, mukwiinga wakabengwa kuli ndime neLesa wakwe kwiinda mumafuta akunanika. Nebo ndime Mwaami Lesa.

Bene Lefi 26:11

Nebo ndaakunokala pakati kanu muTente yangu ya Cipangano alimwi teshi nkamufutatileewo.

Bene Lefi 4:6

Ulaakusumpa munwe wakwe mubulowa ubo akubusanseela kunembo lyangu neMwaami Lesa, nkokwaamba ayi kunembo lya cisani cakushitilisha cisalalite mankanda osanwe aobilo.

Sekaliya 2:10

Mwaami Lesa waamba ayi, “Amoolobeshe akusangalala nobene Siyoni ceebo ntoosa mukwikala pakati kanu.”

Sekaliya 8:3

“Ndaakuboola kuSiyoni alimwi akwikala muJelusalemu. Lyalo ndabala ya Jelusalemu ulaakunokwiitwa ayi, ‘Ndabala ya Lushinisho,’ akalo kalundu kangu nebo neMwaami Lesa Shinkusu shoonse kalaakunokwiitwa ayi, ‘Kalundu Kasalalite.’ ”

Shakubelenga 5:3

Bantu abo boonse, basankwa abanakashi, ubatandeemo kwaamba ayi batabishi misumba yanu umo moonkala pakati ka bantu bangu.”

Milimo ya Batumwi 7:44

“Bamashali besu bakulukulu bakalinga kucite Tente ya Cipangano yakalinga kutondesha ayi Lesa mpwaali pakati kabo muluyanga. Lyakapangwa kweelana aLesa mbwaakalwiita Mose mucikoshanyo ncaakabona.

2 Bene Kolinto 6:16

Ncipanganonshi ceenga caba pakati ka Ŋanda yakwe Lesa ashibumbwabumbwa? Ceebo swebo tuli Ŋanda yakwe Lesa muumi, mukwiinga Lesa ulaamba ayi, “Ndaakuba mubantu bangu, akwikala pakati kabo, Ndaakuba Lesa wabo, abalo balaakuba bantu bangu.”

Dutolonomi 12:11

Mpomunyaawo Mwaami Lesa ulaakusala musena womwi uko nkweshi mukanoomulambilila, alimwi nkomunya uko nkomweelete kunoomuletela shintu shoonse nshendamulwiita. Nkokwaamba ayi milambu yakutenta amilambu imwibo, pantu pomwi acalikumi alimwi ashipo shimwi nshemushomesha cakulumbila kupa Mwaami Lesa.

Bene Ebulu 3:6

Sombi Klistu mukuba Mwanaakwe Lesa, ulashomeka mukweendelesha bantu bakwe Lesa boonse. Nkokwaamba ayi swebo tuli bantu bakwe Lesa na twatolelela kutaloonda alimwi akulisumpwita mushintu ishi nshetutoolangila.

Joshuwa 22:31

Mpeeke Fineyasi mwanaakwe Eliyasa mupailishi wakabaambila ayi, “Sunu tweshiiba ayi Mwaami Lesa uli aswebo mukwiinga tamukwe kucita ceeci mukufutatila Mwaami Lesa. Anu bulya bene Isilaeli mwabafuna kuswa kubukali bwa Mwaami Lesa.”

Ciyubululo 21:3

Mpeeke ndakanyumfwa liswi lyakoolobeshekwa kuswa kucuuna ca bwaami ayi, “Ono musena wakwe Lesa waba pakati ka bantu! Ulaakunookalaabo, abalo balaakuba bantu bakwe. Lesa mwiine ulaakunooli ambabo alimwi ulaakuba Lesa wabo.